UKITUMIKA IPASAVYO KWA MUNGU, HATA WATU WATAKUAMINI

“BWANA akamwambia Musa, Tazama, mimi naja kwako katika wingu zito ili watu hawa wasikie 

nitakaposema nawe, nao wapate kukuamini wewe nawe hata milele. Musa akamwambia BWANA hayo maneno ya watu” (Kutoka 19:9).

Kama kuna jambo linaweza kukuumiza maishani ni kupoteza KUAMINIWA, hasa kuaminiwa na watu wa KARIBU. 

Kumwamini mtu sio kitu rahisi, ila ni rahisi kupoteza imani kwa watu kwa jambo moja tu, tena la kijinga kabisa na lisilo na tija yoyote ya maana!
Fiki unafanya jambo kwa kumaanisha kabisa, kwa roho safi, lakini watu hawakuamini! 

Unasema KWELI kabisa, lakini watu wanaona UNAWADANGANYA tu! Tena wanakukebehi; Kumbe! 

Ni kwa sababu ulipoteza uaminifu wako kwao! Hiyo inauma sana.

 Hapo ndipo utaelewa umuhimu wa KUAMINIWA na watu.

Sio kila mara utaaminiwa kwa maneno au matendo yako peke yake, Kuna wakati unahitaji 

msaada wa “mwingine” ili uaminiwe. Mungu akaona afanye jambo maalumu ili Musa aaminiwe na watu milele!

Halikadhalika, hata sisi tunahitaji Mungu au watu wengine watusaidie kuaminiwa kwetu. 

Kwa mfano, usipuuze mtu anayeweza kusema habari zako nzuri mbele ya watu wengine, hasa kama ukiwa haupo, 

huyu anaongeza imani ya hao watu kukuamini wewe. 

Kwa upande mwingine, mtu akisema habari zako mbaya kwa watu wengine, huyo amekufanyia uharibifu mkubwa; hasa akiwa ni mtu 

wako wa karibu. Imani yao kukumini wewe inaathirika; hata kama una majina yako matukufu, hutaaminiwa tena.

Mara nyingi sana watumishi wa Mungu wanadhani kigezo cha kumtumikia Mungu pekeyake

 kitawapa KUAMINIWA au KUHESHIMIWA na watu! Ndio maana unaweza kukuta mtu akijitetea, “mimi ni mchungaji”, “mimi ni mtumishi wa Mungu”, nk., 

lakini watu hawawaamini hata kwa maneno yao mazuri!
Mungu alijua watu wanamwamini Yeye kama Mungu, lakini aliona UMUHIMU wa Musa mtumishi wake “naye” kuaminiwa na watu! 

Safari hii, Mungu alishuka katika wingu ili watu wamwamini Musa, sio watu wamwamini Mungu.

Sasa angalia jambo hili, Musa hakuomba neno hili; Mungu ndiye aliona afanye hivyo kwa MASLAHI ya Mungu sio kwa maslahi ya Musa, japo anayeaminiwa hapo ni Musa!

BARAKA ZAKO

Chochote ukitakacho kutoka kwa MUNGU kiamuru leo kikufuate.

Wewe mteule wa MUNGU unayo mamlaka ya kuomba katika jina la YESU KRISTO na baraka ikakufuata.

Kumbuka baraka ya MUNGU ni muhimu sana kwako na baraka hiyo ni tofauti na baraka za kipepo.


Mithali 10:22
'' Baraka ya BWANA hutajirisha, Wala hachanganyi huzuni nayo.''


Iamuru leo baraka ya MUNGU ikufuate.
Hakikisha tu una uhusiano mzuri na MUNGU.
Hakikika unaishi maisha matakatafu na hakikisha wewe ni mtii kwa MUNGU katika utoaji
wa fungu la kumi na sadaka.

Kama ni hivyo basi iamuru baraka yako uitakayo kutoka kwa MUNGU ikufuate.
Inawezekana
Maombi yako ya leo ni muhimu sana.


Isaya 45:23
'' Nitakwenda mbele yako, na kupasawazisha mahali palipoparuza; nitavunja vipande vipande milango ya shaba,
na kukata-kata mapingo ya chuma; nami nitakupa hazina za gizani, na mali zilizofichwa za mahali pa siri, upate kujua ya
kuwa mimi ni BWANA, nikuitaye kwa jina lako, naam, MUNGU wa Israeli.''

MUNGU naweza kukupa hazina za gizani ambazo wabaya wako walificha ili usipate.

Leo amuru baraka zako zikufuate.

Kupitia maombi yako hakika baraka yako itakufuata kwa jina la YESU KRISTO.
Amuru uponyaji wa mwili wako ukufuate.
Amuru kuwa mzima.


Zaburi 103:3-6
'' Akusamehe maovu yako yote, Akuponya magonjwa yako yote, Aukomboa uhai wako na kaburi,
Akutia taji ya fadhili na rehema, Aushibisha mema uzee wako, Ujana wako ukarejezwa kama tai;

BWANA ndiye afanyaye mambo ya haki, Na hukumu kwa wote wanaoonewa.''


Leo hakikisha unaziandika baraka zako kisha
tubu kwa Bwana YESU na anza kuiamuru baraka moja
baada ya nyingine ikufuate.

Hakika baraka yako ni yako tu.

Mkikubali na kutii mtakula mema ya nchi,

HAIKANUSHIKI hiyo.


Ni mimi ndugu yako Ev. Elimeleck Ndashikiwe

BARAKA YAKO NI YAKO TU

Leo omba ukiamuru baraka zako zikufuate.

Jambo muhimu kabla ya yote hakikisha uhusiano wako na Bwana YESU ni mzuri ndipo uombe.

Wakati mwingine baraka fulani haijaja kwako kwa sababu hujaiamuru ije kwako kwa njia ya maombi au maombi ya kufunga.

Kumb 28:8
'' BWANA ataiamuru baraka ije juu yako katika ghala zako, na mambo yote utakayotia
mkono wako; naye atakubarikia katika nchi akupayo BWANA, Mungu wako. ''

MUNGU huiamuru baraka ije kwako kwa kukufungulia mlango wa baraka hiyo kupita na kuja kwako.

Ona Mfano hapa ambapo MUNGU aliamuru baraka ya chakula cha mbinguni ishuke kwa wana wa Israeli.

Biblia inasema

Zaburi 78:23-25
'' Lakini aliyaamuru mawingu juu; Akaifungua milango ya mbinguni; Akawanyeshea mana ili wale; Akawapa nafaka ya mbinguni.

Mwanadamu akala chakula cha mashujaa;
Aliwapelekea chakula cha kuwashibisha.''

Lakini ni muhimu kujua kwamba kama uhusiano wako na MUNGU uko vibaya hakika
MUNGU hataiamuru baraka yako ije kwako kupitia maombi yako.
Biblia inasema

'' Tazama, mkono wa BWANA haukupunguka,
hata usiweze kuokoa wala sikio lake si zito, hata lisiweze kusikia;

lakini maovu yenu yamewafarikisha ninyi na MUNGU wenu, na dhambi zenu zimeuficha uso wake msiuone, hata hataki kusikia.

Kwa maana mikono yenu imetiwa unajisi kwa damu,
na vidole vyenu vimetiwa unajisi kwa uovu; midomo yenu imenena uongo, ndimi zenu zimenong'ona ubaya.

Hapana adaiye kwa haki, wala hapana atetaye kwa kweli; hutumainia ubatili, hunena uongo; hupata mimba ya madhara, na kuzaa uovu.
-Isaya 59"1-4''

Mkono wa MUNGU wa baraka haukupungua hata usiweze kukubariki ila maovu yako ndio yamekufarakanisha wewe
na Muumba wako hata hukupokea baraka zako..

Ni muhimu sana kutengeneza na MUNGU ndipo uzihitaji baraka zake.
Bwana YESU alitupa kanuni ya kupokea kutoka ulimwengu wa roho.

Mathayo 7:7-8
'' Ombeni, nanyi mtapewa; tafuteni, nanyi mtaona;
bisheni, nanyi mtafunguliwa; kwa maana kila aombaye hupokea; naye atafutaye huona;
naye abishaye atafunguliwa.''

Kwa maana nyingine unaweza kusema hivi ombeni nanyi mtapokea ila msipoomba hamtapokea
maana hamukuomba.


Baraka zako ni zipi hata usipokee?

Nakupenda msomaji wangu, endelea kubarikiwa na blog yangu hii.


By Ev. Elimeleck Ndashikiwe


Ndugu leo omba ukiziamuru baraka zako zikufuate na utazipokea kwa jina la YESU KRISTO.

MTUKUZE MUNGU HIVYO HIVYO ULIVYO

Wewe ni Mungu unayeweza yote,

Hakuna aliye kama wewe.

Mbingu na nchi ni mashahidi juu ya hili.

Nakupenda Jehovah.

UTUMISHI NI KUJITOA

God is my King,
Nampenda sana kuliko maelezo.

Ananitumia vile atakavyo, nami niko tayari.


Maana siwezi kutulia ikiwa Bwana amenipa agizo.
Ameeeeeen.

AGANO JIPYA

SANDUKU LA AGANO NYAKATI ZA AGANO JIPYA

Bwana Mungu ameamuru kwa sasa yawepo masanduku mbali mbali ya Agano
kwa kazi yake hapa duniani, lisiwepo moja tu,
kama wakati wa Agano la Kale.

Kumbe kwa sasa, RP, AP,MP, Shepherds,
Shepherd on Training, Potential Shepherds,
na watumishi wengine wa Bwana wamefanyika kuwa Sanduku la Agano pale walipo.

Mungu aliona hatari iliyopo kwa kuwepo Sanduku la Agano moja tu katika Nyakati kama hizi.

Ndiyo maana kila mmoja wetu anageuzwa kuwa Sanduku la Agano kwa Jina la Yesu….

1 KORINTHO 3:16…
[Hamjui ya kuwa ninyi mmekuwa hekalu la Mungu, na ya kuwa Roho wa Mungu anakaa ndani yenu?]…

Uwezo wa Sanduku hili kukaa kwa mtu ni yeye
mwenyewe kuruhusu uwezo huu kwa kulibebea Sanduku la Agano.

Enzi ya
Agano la Kale, waisraeli walilibeba Sanduku la Agano.

Kwa sasa hekalu la Mungu ambalo ni takatifu
lipo ndani mwako na hayupo mtu wa kuligusa katika Jina la Yesu. Endapo atakuwepo mtu wa kuligusa, Bwana atamharibu.

1KORINTHO 3:17…...
[Kama mtu akiliharibu hekalu la Mungu, Mungu atamharibu mtu huyo.
Kwa maana
hekalu la Mungu ni takatifu, ambalo ndilo ninyi.]…

Barikiwa mtu wa Mungu.

Ni mimi Ndugu yako

Ev. Elimeleck Ndashikiwe

SANDUKU LA AGANO Na Uwezo Ndani Yake

SANDUKU LA AGANO LINA UWEZO NA SIFA ZIFUATAZO: Sanduku la Agano lina nguvu, hata ya kusababisha radi na ngurumo. UFUNUO 11:19…. [Kisha Hekalu la Mungu lililoko mbinguni likafunguliwa, na sanduku la agano lake likaonekana ndani ya hekalu lake. Kukawa na umeme, na sauti, na radi, na tetemeko la nchi, na mvua ya mawe nyingi sana.]….. Shida au kitu kilichokaa ndani mwako kwa maana kuwa kimefika na hakiwezi kutoka, Sanduku la Agano litasababisha tetemeko la radi na ngurumo na uwezo na mambo mapya yanakuja kwa Jina la Yesu. Pale ambapo madaktari wamesema hawawezi, tunalileta Sanduku la Agano liende kuangamiza vyote vinavokusibu kwa Jina la Yesu. Yeyote atakayemtumaini Yesu Kristo mchana wa leo ataona maisha mapya kwa Jina la Yesu. Sanduku la Agano lina uwezo wa kuleta wokovu. Lina uwezo wa kutoa watu kwenye mikono ya maadui zao. Ndiyo maana wana wa Israeli waliweza kutoka mikononi mwa Wafilisti. Wana wa Israeli zaidi ya 400 waliuawa, lakini wazee wa Israeli wakakaa kikao kuitisha Sanduku la Agano liletwe mara moja. 1 SAMWELI 4:2-3…[2 Nao Wafilisti wakajipanga juu ya Israeli; na walipopigana, Israeli wakapigwa mbele ya Wafilisti; wakauawa watu wa jeshi lao lililokuwa uwandani wapata watu elfu nne. 3 Hata watu walipofika kambini, wazee wa Israeli wakasema, Mbona Bwana ametupiga leo mbele ya Wafilisti? Twende tukalilete sanduku la agano la Bwana toka Shilo hata huku, lije kati yetu, na kutuokoa katika mikono ya adui zetu.]… Ninakutangazia wewe ambaye umevamiwa na maadui wenye nguvu katika biashara/kazi yako/ndoa yako/masomo yako n.k kwamba, ninakuletea Sanduku la Agano katikati yako katika Jina la Yesu likuokoe na mikono ya maadui zako hao. Linakausha maji ya mto uaendayo kasi katika maisha yako. Kuna mafuriko katika maisha ya mtu. YOSHUA 3:1-3…. [ Yoshua akaondoka asubuhi na mapema, nao wakatoka Shitimu, wakafika mto wa Yordani, yeye na wana wa Israeli wote, wakakaa hapo kabla ya kuvuka. 2 Ikawa baada ya siku tatu, maakida wakapita katikati ya marago, 3 wakawaamuru watu wote wakisema, Mtakapoliona sanduku la agano la Bwana, Mungu wenu, na makuhani Walawi wakilichukua, ndipo mtakapoondoka hapa mlipo na kulifuata.]… YOSHUA 3:14-17 … [Hata ikawa, hao watu walipotoka katika hema zao, ili kuvuka Yordani, makuhani waliolichukua sanduku la agano wakatangulia mbele ya watu, 15 basi hao waliolichukua hilo sanduku walipofika Yordani, na nyayo za makuhani waliolichukua sanduku zilipotiwa katika maji ya ukingoni, (maana Yordani hujaa hata kingo zake na kufurika wakati wote wa mavuno), 16 ndipo hayo maji yaliyoshuka kutoka juu yakasimama, yakainuka, yakawa chuguu, mbali sana, huko Adamu, mji ule ulio karibu na Sarethani, na maji yale yaliyotelemkia bahari ya Araba, yaani Bahari ya Chumvi, yakatindika kabisa; watu wakavuka kukabili Yeriko. 17 Na hao makuhani waliolichukua sanduku la agano la Bwana wakasimama imara mahali pakavu katikati ya Yordani; Israeli wote wakavuka katika nchi kavu, hata taifa lile lote likaisha kuvuka Yordani.]… Ile shida yako iloyokaa kama mto Yordani maishani mwako tunaitangazia kukauka kwa Jina la Yesu. Sanduku la Agano lilete ukombozi na kunyausha mafuriko yote ya taabu, shida, magonjwa, dhiki n.k kwa Jina la Yesu. Mtu yeyote anayezuia kama mto ufurikao, na anyauke kwa Jina la Yesu. Ni wakati wako leo kulibeba Sanduku la Agano na kusonga mbele kwa Jina la Yesu. Sanduku la Agano lina uwezo wa kuangusha ngome. Farao huwa hachoki akeshaona umevuka, bali hutafuta mbinu nyingine. Leo Bwana lazima akuvushe na kuangusha ngome ya maisha yako. Yeriko ni kama ukuta wa kuzuia au kizuizi. Kuna ukuta umepangwa mahali kuzuia maisha yako. Ni kweli umeshavuka, lakini endapo pana ukuta mbele yako, bado utapata ugumu wa kusonga mbele. YOSHUA 6:1…. [Basi Yeriko ulikuwa umefungwa kabisa kwa sababu ya wana wa Israeli; hapana mtu aliyetoka wala hapana mtu aliyeingia.]… Wachawi wanao uwezo wa kufunga maisha ya mtu. Ni kweli Umejaribu kusoma sana, lakini bado haufanikiwi. Mwingine umejaribu kwenda kwa waganga wa kienyeji lakini haujafanikiwa. Huu ni ukuta wa maisha yako. Sanduku la Agano linao uweza wa kuiangusha hiyo Yeriko. YOSHUA 6:8 na 20…. [Basi ikawa Yoshua alipokwisha kusema na watu, wale makuhani saba, wenye kuzichukua tarumbeta saba za pembe za kondoo waume mbele za Bwana, wakatangulia, wakazipiga hizo tarumbeta; nalo sanduku la agano la Bwana likawafuata….. 20 Basi watu wakapiga kelele, na makuhani wakazipiga tarumbeta; hata ikawa, hapo watu waliposikia sauti ya tarumbeta hao watu wakapiga kelele kwa sauti kuu sana, na ule ukuta wa mji ukaanguka nchi kabisa, hata watu wakapanda juu, wakaingia katika mji, kila mtu akiendelea kukabili mbele; wakautwaa huo mji.]… Ninaitamkia Yeriko ya maisha yako, kusimama kwako ee Yeriko ku wapi? Leo tunaiteka Yeriko na kukusanya nyara kwa Jina la Yesu. Sanduku la Agano linao uwezo wa kusababisha miungu na wakuu wote waliokithiri na kutaabisha maisha yako kuinama chini, kusujudu na kupasuka vipande vipande. Miungu yeyote iliyokaa maishani mwako, ninawatangazia mchana wa leo, miungu hiyo ivunjike na kuangamia kabisa kwa Jina la Yesu. 1SAMWELI 5:1-5…[Basi Wafilisti walikuwa wamelichukua sanduku la Mungu, wakaenda nalo kutoka Ebenezeri hata Ashdodi. 2 Wafilisti wakalichukua sanduku la Mungu, wakalitia katika nyumba ya Dagoni, wakaliweka karibu na Dagoni. 3 Na watu wa Ashdodi, walipoamka alfajiri siku ya pili, kumbe! Dagoni imeanguka chini kifudifudi, mbele ya sanduku la Bwana. Wakaitwaa Dagoni, wakaisimamisha mahali pake tena. 4 Hata walipoamka kesho yake asubuhi, kumbe! Dagoni ilikuwa imeanguka chini kifudifudi, mbele ya sanduku la Bwana; na kichwa chake Dagoni na vitanga vya mikono yake vyote viwili vimekatika, vipo vimelala kizingitini; Dagoni ikasalia kiwiliwili chake tu. 5 Kwa hiyo makuhani wa Dagoni, na mtu awaye yote aingiaye nyumbani mwa Dagoni, hawakanyagi kizingiti cha nyumba ya Dagoni huko Ashdodi, hata leo.].. Kama kuna mchawi aliyekutesa, mpelekee Sanduku la Agano mchana wa leo ili aanguke chini kwa Jina la Yesu. Sanduku la Agano lina uwezo wa kuwapiga maadui zako wote kama Wamisri katika Jina la Yesu. Kabal ya Wana wa Israeli hawajatokaMisri, walipata mateso sana. 1 SAMWELI 4:8… [Ole wetu! Ni nani atakayetuokoa na mkono wa miungu hawa walio hodari? Hawa ndio miungu waliowapiga Wamisri kwa mapigo ya kila namna jangwani.]… Wakati wewe unaposonga mbele kwa Jina la Yesu, maadui zako, waliokutesa wakawa kama /Misri, wakapigwe kwa Jina la Yesu. Sanduku la Aganolina uwezo wa kurudisha vyote vilivyoibiwa. 1 SAMWELI 4:9-11 .. [Iweni hodari, na kufanya kiume enyi Wafilisti, msije mkawa watumwa wa Waebrania, kama wao walivyokuwa watumwa wenu; fanyeni kiume, mkapigane nao. 10 Wafilisti wakapigana nao, Israeli wakapigwa, wakakimbia kila mtu hemani kwake; wakauawa watu wengi sana; maana katika Israeli walianguka watu thelathini elfu wenye kwenda vitani kwa miguu. 11 Hilo sanduku la Mungu Likatwaliwa; na Hofni na Finehasi, wale wana wawili wa Eli, wakauawa.]… 1 SAMWELI 5:6-12…[Lakini mkono wa Bwana ulikuwa mzito juu ya watu wa Ashdodi, akawaharibu, akawapiga kwa majipu, huko Ashdodi na mipakani mwake. 7 Kisha hao watu wa Ashdodi, walipoona ilivyokuwa, walisema, Hilo sanduku la Mungu wa Israeli halitakaa kwetu; kwa maana mkono wake ni mzito juu yetu, na juu ya Dagoni, mungu wetu. 8 Basi wakatuma watu waende kuwakusanya kwao mashehe wote wa Wafilisti, wakasema, Tulifanyieje sanduku la Mungu wa Israeli? Nao wakajibu, Sanduku la Mungu wa Israeli na lihamishwe liende Gathi. Wakalihamisha sanduku la Mungu wa Israeli. 9 Ikawa, walipokwisha lihamisha, mkono wa Bwana ulikuwa juu ya mji huo, kwa kuwafadhaisha sana; akawapiga watu wa mjini, wadogo kwa wakubwa, wakapatwa na majipu. 10 Basi, wakalipeleka sanduku la Mungu mpaka Ekroni. Ikawa, sanduku la Mungu lilipofika Ekroni, watu wa Ekroni walifanya kelele, wakasema, Wamelileta hilo sanduku la Mungu wa Israeli kwetu, hata kutuua sisi na watu wetu. 11 Kwa hiyo wakatuma watu waende kuwakusanya mashehe wote wa Wafilisti, wakasema, Liondoeni hilo sanduku la Mungu wa Israeli, liende tena mahali pake, ili lisituue sisi, wala watu wetu; kwa sababu kulikuwa na fadhaa kubwa sana mjini mwote; mkono wa Mungu ulikuwa mzito mno huko. 12 Na wale wasiokufa walipigwa kwa yale majipu; na kilio cha mji kikafika mbinguni.]… Ninaagiza, vile vyote vilivyoibiwa, Ndoa yako, kazi yako, mume wako, mke wako, watoto wako, biashara yako popote ilipowekwa, naamuru vyote viletwe kwa jina la Yesu.

SANDUKU LA AGANO

Sanduku la Agano ni sanduku lililokuwa ni hekalu la Bwana wakati wa Agano la Kale. Ndani ya sanduku kulikuwa na vitu mbali mbali. Mungu aliwapa amri kuwa wana wa Israel wawe wanatengeneza Hema la Kukutania, ambalo lilikuwa na sehemu kuu tatu:- Malangoni pa Bwana Patakatifu Patakatifu pa patakatifu. Sehemu ile yenye patakatifu pa patakaitifu ndipo ambapo Sanduku la Agano lilikuwa likiwekwa. 2 NYAKATI 5:7….[Makuhani wakaliingiza sanduku la agano la Bwana mahali pake katika chumba cha ndani cha nyumba, patakatifu pa patakatifu, yaani, chini ya mabawa ya makerubi.] 2 NYAKATI 6:11…[Ndimo nilimoliweka hilo sanduku, ambalo ndani yake mna agano la Bwana, alilolifanya na wana wa Israeli.]… Kumbe hili ni Agano la mtu awe na afya njema, azae watoto, awe tajiri, awe na amani, awe na ndoa njema, awe na kazi n.k. EBRANIA 9:4 ….. [yenye chetezo cha dhahabu, na sanduku la agano lililofunikwa kwa dhahabu pande zote, mlimokuwa na kopo la dhahabu lenye ile mana, na ile fimbo ya Haruni iliyochipuka, na vile vibao vya agano;]… Mana kwa maisha yetu ya leo inawakilisha Neno la Mungu. Kila mahali Sanduku la Agano lilipokuwa, Mungu mwenyewe alikuwemo hapo. Na endapo mtu mwenye dhambi angeingia patakatifu pa patataktifu, lazima angekufa kwani mahali pale aliingia Kuhani pekee aliyekwishatakaswa dhamibi zake. 1 SAMWELI 4:5-7…. [Na sanduku la agano la Bwana lilipoingia kambini, Israeli wote wakapiga kelele kwa sauti kuu, hata nchi ikavuma. 6 Nao Wafilisti waliposikia mshindo wa zile kelele, walisema, Maana yake nini mshindo wa kelele hizi kubwa katika kambi ya Waebrania? Wakatambua ya kuwa sanduku la Bwana limefika kambini. 7 Wafilisti wakaogopa, maana walisema, Mungu ameingia kambini. Wakasema, Ole wetu! Kwani halijawa jambo kama hili tangu hapo.]….