UTAWALA WA KIKUHANI

1 samweli 16:13 “Ndipo Samweli akaitwaa pembe yenye mafuta, akamtia mafuta kati ya ndugu zake; na roho ya Bwana ikamjilia Daudi kwa nguvu tangu siku ile. Basi Samweli akaondoka, akaenda zake Rama.” 1 samweli 15:32- “Ndipo Samweli akasema, Nileteeni hapa Agagi, mfalme wa Waamaleki. Basi Agagi akamwendea kwa utepetevu. Naye Agagi akasema, Bila shaka uchungu wa mauti umeondoka. Lakini Samweli akamjibu, Kama upanga wako ulivyofanya wanawake kufiwa na watoto wao, vivyo hivyo mama yako atafiwa miongoni mwa wanawake. Basi Samweli akamkata Agagi vipande mbele za Bwana huko Gilgali. Na baada ya hayo Samweli akaenda zake kule Rama; naye Sauli akakwea kwenda nyumbani kwake huko Gibea ya Sauli. Wala Samweli hakuenda tena kuonana na Sauli hata siku ya kufa kwake; lakini Samweli alikuwa akimlilia Sauli; naye Bwana akaghairi ya kuwa amemtawaza Sauli awe mfalme juu ya Israeli.” Samweli akuwa chini ya kuhani wa Bwana Eli na huko alijifunza kumtumikia Bwana mpaka akawa nabii na kuhani wa Bwana. Samweli aliwapaka mafuta Sauli japo sauli hakutenda lile kusudi ambalo Bwana alimwelekeza kulifanya. 1 Samweli 2: 34 – 35 Tunaona Kuhani wa Bwana ndiye anaumuhimu sana kwenye maisha yetu ya kila siku. Mara nyingi sana watawala wa nchi walipokuwa wanainuka walikuwa wanawauwa makuhani wa Bwana. Mfano mzuri Yezabeli alikuwa ni mwana wa kuhani wa madhabahu ya kishetani, siku mmoja alienda kwa mfalme ahabu na kumchochea mumewe ili awauwe makuhani wa Bwana. Alikuwa akiwakamata makuhani wa Bwana na kuwauwa na kubomoa madhabahu za Bwana kwasababu mahali ambapo makuhani wa Bwana walikuwa wanapatikana kulikuwa na uwepo wa Mungu, vilevile na mahala ambapo kuna makuhani wa kishetani mahali hapo kunakuwa na hali mbaya na ugumu wa maisha na matendo ya kichawi.Yezebeli alikuwa akikamata makuhani na kuwachinja. Kwasababu hiyo pia kuna makuhani wa upande wa giza ambao wanafanya mapeze ya kishetani. Mungu ameweka taratibu za wanadamu wote kumwabudu yeye lakini shetani naye anapenda kuabudiwa ndiomaana anashindana kuwafuta makuhani wa Bwana wasiwepo kuwaongoza watu kumwabudu Bwana wa Majeshi badala yake wamwabudu yeye. Ndani ya kila mwanadamu kuna kitu cha kumwabudu Bwana na ibada ikishuka vizuri magonjwa yanaondoka, mikosi na laana zinaondoka zote, taabu na dhiki zinaondoika zote, umaskini unaondoka wote kunakuwa na amani na upendo kwasababu Mungu anakuwa anatawala katikati ya wanadamu. Kuna watu wenge ni makuhani lakini ukuhani wao umekamatwa na kuzuiliwa, kila mtu amepewa nafasi ya kuwa kuhani kulingana na nafasi yake. Ufunuo 5:10 “ukawafanya kuwa ufalme na makuhani kwa Mungu wetu; nao wanamiliki juu ya nchi.” Sisi ni wafalme na makuhani wa Bwana hapa duniani. Daudi alikuwa ni mfalme wa nchi na kuhani wa nchi. Waamuzi 17: 7 “Alikuwako mtu mmoja hirimu aliyetoka Bethlehemu-yuda, wa jamaa ya Yuda, aliyekuwa ni Mlawi, naye akakaa huko hali ya ugeni. Mtu huyo akatoka katika huo mji, katika Bethlehemu-yuda, ili aende kukaa hali ya ugeni hapo atakapoona mahali; akafikilia nchi ya vilima vilima ya Efraimu katika safari yake, hata nyumba ya huyo Mika. Mika akamwuliza, Watoka wapi wewe? Akamwambia, Mimi ni Mlawi wa Bethlehemu-yuda, nami naenda kukaa hali ya ugeni po pote nitakapoona mahali. Mika akamwambia, kaa pamoja nami, uwe kwangu baba, tena kuhani, nami nitakupa fedha kumi mwaka kwa mwaka, na nguo ya kuvaa, na vyakula. Basi huyo Mlawi akaingia ndani. Huyo Mlawi aliridhika kukaa na mtu huyo; kisha huyo hirimu akawa kwake kama wanawe mmojawapo. Basi Mika akamweka wakfu huyo Mlawi, huyo hirimu, naye akawa kuhani wake, akakaa nyumbani mwa Mika. Ndipo Mika akasema, Sasa najua ya kwamba Bwana atanitendea mema, kwa kuwa nina Mlawi kuwa kuhani wangu.” Mika alimwambia huyu Mlawi akae ili awe kwake Baba (Mwanzilishi) ili amlipe. Mika aliridhika kuwa Bwana atamsaidia sababu anamlawi ambaye ni kuhani wake. Ndivyo ilivyo kwenye ulimwengu wa sasahivi baadhi ya watu wana makuhani wao ambao ndio wanaowaongoza kwenye siasa zao, biashara zao, kazi zao, safari zao huchungulia kweye ulimwengu wa rohoni wajue pa kuepuka na pa kusimama ni wapi. Wapo makuhani wa kichawi kwenye mabonde au kwenye mapori au milimani ambao wanakwenda kunuizia watu walale na kutokuamka na kusimamia mambo ya muhimu kwaajili ya nchi yao. Tumeona Kuhani ndiye anawaunganisha watu kwenye madhabahu husika, akili za watu, macho ya watu, mioyo ya watu, hisia za wato zinaungamanishwa kwenye madhabahu hizo na kumilikiwa. Makuhani wa kichawi hao husimamia madhabahu zao ili mungu wa madhabahu zao asimame. Madhabahu ambazo zinamiliwa na makuhani wa kichawi hulazimisha mambo ya kichawi Yazidi kuabudiwa. Paulo aliingia mahali kuhubiri injili na watu wa mji ule walipoona anahubiri habari za Ufalme wa Mungu walifahamu mambo yao yataharibika ndipo wakaamua kumpiga kwa mawe. Ufunuo2:12 “Na kwa malaika wa kanisa lililoko Pergamo andika; Haya ndiyo anenayo yeye aliye na huo upanga mkali, wenye makali kuwili. Napajua ukaapo, ndipo penye kiti cha enzi cha Shetani; nawe walishika sana jina langu, wala hukuikana imani yangu, hata katika siku za Antipa shahidi wangu, mwaminifu wangu, aliyeuawa kati yenu, hapo akaapo Shetani. Lakini ninayo maneno machache juu yako, kwa kuwa unao huko watu washikao mafundisho ya Balaamu, yeye aliyemfundisha Balaki atie ukwazo mbele ya Waisraeli, kwamba wavile vitu vilivyotolewa sadaka kwa sanamu, na kuzini. Vivyo hivyo wewe nawe unao watu wayashikao mafundisho ya Wanikolai vile vile. Basi tubu; na usipotubu, naja kwako upesi, nami nitafanya vita juu yao kwa huo upanga wa kinywa changu. Yeye aliye na sikio, na alisikie neno hili ambalo Roho ayaambia makanisa. Yeye ashindaye nitampa baadhi ya ile mana iliyofichwa, nami nitampa jiwe jeupe, na juu ya jiwe hilo limeandikwa jina jipya asilolijua mtu ila yeye anayelipokea.” Antipa alikuwa ni kuhani wa Mungu wa Yehova aliyekuwa akisimama. Kwenye Biblia makuhani wa Mungu walikuwa wakitafutwa na kuwauwa na kuvunja madhabahu zao ili kukomesha kueneza Ufalme wa Mungu lakini haikufanikiwa. 1 Wafalme 13:1-2 “Na tazama, akatoka mtu wa Mungu katika Yuda kwa neno la Bwana, akafika Betheli. Naye Yeroboamu alikuwa akisimama penye madhabahu, afukize uvumba. Basi mtu huyo akapiga kelele juu ya madhabahu, kwa neno la Bwana akasema, Ee madhabahu, madhabahu, Bwana asema hivi, Angalia, mtoto atazaliwa katika nyumba ya Daudi, jina lake Yosia; na juu yako atawachinja makuhani wa mahali pa juu, wanaofukiza uvumba juu yako, na mifupa ya watu itateketezwa juu yako. Akatoa ishara siku ile ile, akasema, Hii ndiyo ishara aliyoinena Bwana, Tazama, madhabahu itapasuka, na majivu yaliyo juu yake yatamwagika. Ikawa, mfalme Yeroboamu alipoyasikia maneno ya yule mtu wa Mungu, alipopiga kelele juu ya madhabahu huko Betheli, alinyosha mkono wake pale madhabahuni, akasema, Mkamateni. Basi ule mkono wake aliounyosha ukakatika, wala hakuweza kuurudisha kwake tena. Madhabahu ikapasuka, majivu ya madhabahuni yakamwagika, sawasawa na ishara aliyoitoa mtu wa Mungu kwa neno la Bwana. Mfalme akajibu, akamwambia yule mtu wa Mungu, Umsihi sasa Bwana, Mungu wako, ukaniombee, ili nirudishiwe mkono wangu tena. Yule mtu wa Mungu akamwomba Bwana mkono wa mfalme ukarudishwa tena, ukawa kama ulivyokuwa kwanza. Mtu wa Mungu alisimama akaamua kutoa unabii na Yeroboamu akisema atazaliwa mtu atawauwa makuhani wa mahali pa juu.” 2wafalme 23:20 “Akawaua na makuhani wote wa mahali pa juu waliokuwako huko, juu ya madhabahu, akateketeza mifupa ya watu juu yake; kisha akarejea Yerusalemu.” Leo tunatakiwa twende mpaka mahali zilipo madhabahu zinazotulaza na kuiba nyota zetu tuzivunje kwa jina la Yesu, zipo madhabahu ambazo zimewashikilia watu. 2 wafalme 2: 8 Yoashi alikuwa akifanya mambo mema machoni pa Bwana sababu alikuwa akielekezwa na kuhani wa Bwana, unaweza kuona Ili uweze kupata unachokihitaji lazima awepo mtu wa kukusaidia kupata unachokihitaji, unaweza kumpata mtu sahihi au ukampata ambaye siyo sahihi na akakurudisha nyuma. Kwenye Biblia Mfalme mmoja alipoona hawezi tena akuamua kwenda mpaka kwa kuhani akatuma ujumbe ili amsaidie. Hesabu 22:6 “Basi, njoo wewe, nakusihi unilaanie watu hawa; maana wana nguvu kunishinda mimi. Labda nitawaweza, tupate kuwapiga, niwafukuze watoke katika nchi yangu, kwa maana najua ya kuwa yeye umbarikiye hubarikiwa, na yeye umlaaniye hulaaniwa.” Kuhani huyu ani wakala wa giza wa kuharibu maisha ya mtu, biashara ya mtu au kazi ya mtu kwa kulaani, kuna watu huwaendea kamuhani wa madhabahu za kishetani ambao wanawafuata ili kupata umaarufu, kushinda kwenye uchaguzi, kupendwa nk lakini sasa ni wakati wa kuwaangamiza makuhani hao wa kishetani na kuzivunja madhabahu zao kwa jina la Yesu. Unapoanza kuomba kwa mamlaka ya Jina la Yesu ninazivunja madhabahu za makuhani wa kishetani, makuhani hawa huongeza damu za kafara ili kuzidisha vifungo vyao walivyovitega jii yako lakini ipo damu ya mwanakondoo ambayo hufuta na kunyamazisha kafara zote na ndiyo tunaitumia kama silaha ya kuwaangamiza makuhani hawa kwa jina la Yesu. Kumbuka wewe ni Rungu la Bwana na silaha za Bwana za vita. Yeremia 50:20 “Katika siku hizo na wakati huo, asema Bwana, uovu wa Israeli utatafutwa, wala uovu hapana; na dhambi za Yuda zitatafutwa, wala hazitaonekana; maana nitawasamehe wale niwaachao kuwa mabaki.” Unapojitambua kuwa wewe ni nani basi hakuna jambo lolote ambalo watalifanya juu yeko sababu sisi ni silaha za bwana na tukipiga tunawaangamiza na kubomoa madhabahu zao. Watu wengine ni wabishi hawataki kuwaacha watu wa Bwana waende zao hao dawa yao ni kuwaangamiza, imeandikwa “ashindanaye na Bwana atapondwa kabisa”. Kuna kuhani wa nchi ambaye anawamiliki watu ili wawe na hali ngumu, wawe na unafuu kidogo, wawe na mikosi sababu ya madhabahu zao, kuna vitu kwenye ulimwengu wa rohoni ambavyo vinawazuia watu wasimiliki na kuwaweka chini. Maombi; Katika jina la Yesu leo ninawaendea makuhani wa kichawi ninawafyeka kwa jina la Yesu, ninaziendea madhabahu zao ninazivunja kwa jina la Yesu, nazibomoa madhabahu za makuhani wa kishetani zinazoshikilia akili za watu ninazivunja kwa Jina la Yesu, ninatumia mamlaka ya Damu ya Mwanakondoo Yesu kristo kunyamazisha kafara zote, katika jina la Yesu ninawafyeka makuhani wote waliofanya maisha yangu kuwa magumu, makuhani wa kichawi waliochukua nyota yangu, wanaoshindana na watu wa Mungu ninawafyeka nawakamata makuhani wa kichawi wanaotesa familia yangu ninawateketeza kwa jina la Yesu kristo (endelea kuvunja madhabahu za makuhani wa kichani na kuwafyeka makuhani hao kwa jina la Yesu). Amen.

NGAO YA IMANI

IMANI Chanzo cha imani 

“Basi imani, chanzo chake ni kusikia; na kusikia huja kwa neno la Kristo” Rum 10:17. 

 Imani inatokana na neno la Kristo au neno la Mungu, mtu akilisikia neno na kulifahamu na kuliamini anakuwa na imani katika neno la Mungu. Ni jambo la msingi na muhimu kuliamini neno, ndio maana Mungu amesema; 

"Lakini mwenye haki wangu ataishi kwa imani; Naye akisita-sita; roho yangu haina furaha naye” Ebr 10:38.

 Kuamini neno la Mungu. Asiyeamini neno la Mungu hampendezi Mungu bali amemwasi, hataingia mbinguni. Wana wa Israel walikufa jangwani kwa sababu hawakuamini maneno ambayo Mungu aliowaambia. “Tena ni akina nani aliochukizwa nao miaka arobaini? Si wale waliokosa, ambao mizoga yao ilianguka jangwani? Tena ni akina nani aliowaapia ya kwamba hawataingia katika raha yake (mbinguni), ila wale walioasi? 

Basi twaona ya kuwa hawakuweza kuingia kwa sababu ya kutoamini kwao. Maana ni kweli, sisi nasi tumehubiriwa habari njema vile vile kama hao.

 Lakini neno lile lilosikiwa halikuwafaa hao, kwa sababu halikuchanganyika na imani ndani yao waliolisikia” Ebr 3:17-19; 4:2.   Imani na matendo. 

Mtu anawezaje kuwa na imani na matendo? Anapoliamini neno na kuishi linavyosema, imani ya mtu huyo ni hai. Imani bila matenda haifai imekufa, bali inakamilishwa na matendo.

“Vivyo hivyo na imani, ispokuwa na matendo, imekufa nafsini mwake. Lakini mtu atasema, wewe unayo imani, nami ninayo matendo. Nionyeshe imani yako pasipo matendo, nami nitakuonyesha imani yangu kwa njia ya matendo yangu. Waona kwamba imani ilitenda kazi pamoja na matendo yake, na ya kwamba imani ile ilikamilishwa kwa njia ya matendo yale. Mwaona kwamba mwanadamu huhesabiwa kuwa na haki kwa matendo yake; si kwa imani peke yake” Yak 2:17,18,22,24.

      Kumtumaini Mungu kwa imani. Mungu yeye ni mkuu wa yote na ni muumbaji wa yote, anatawala duniani na mbinguni na katika yote. Yeye anaweza yote, na amwaminiye yote yawezekana kwake. Mwanadamu anapaswa kumtumaini na kumkiri  katika mambo yote na njia zote naye atamfanikisha. Ili Mungu amfanikishe ni lazima aishi kwa kuyafanya maagizo ya neno lake. 

“Mtumaini Bwana kwa moyo wako wote, Wala usizitegemee akili zako mwenyewe; Katika njia zako zote mkiri yeye, Naye atayanyosha mapito yako” Mit 3:5,6. “Umtumaini Bwana ukatende mema (maagizo yake), Ukae katika inchi , upendezwe na uaminifu, Nawe utajifurahisha kwa Bwana, Naye atakupa haja za moyo wako.

 Umkabidhi Bwana njia yako, Pia umtumaini, naye atafanya”Zab37:3-5. 

“Bwana asema hivi, Amelaaniwa mtu yule amtegemeaye mwanadamu, Amfanyaye mwanadamu kuwa kinga yake, Na moyoni mwake amemwacha Bwana. Amebarikiwa mtu yule amtegemeaye Bwana, Ambaye Bwana ni tumaini lake” Yer17:5,7. 

 Kusema kwa imani. Ili uweze kusema kwa imani na mambo yatokee, yapo mambo ambayo unapaswa kuyafahamu.  1.Umtumaini na kumwamini Mungu, hii ni imani ya Kimungu. Ndio maana Bwana wetu Yesu Kristo alisema “mwaminini Mungu” hili neno lina maana ya kuwa na imani ya Kimungu.“Yesu akajibu, akamwambia, mwaminini Mungu” Mk 11:22.    2. Kuishi sawa swa na neno la Mungu. Imeandikwa, Mungu anafanya kazi na wale wampendao ni wale wanaolishika neno lake. 

“Yesu akajibu, akamwambia, Mtu akinipenda, atalishika neno langu; na Baba yangu atampenda; nasi tutakuja kwake, na kufanya makao kwake” Yn 14:23.

 “Nasi twajua ya kuwa katika mambo yote  Mungu hufanya kazi na wale wampendao katika kuwapatia mema, yaani,wale walioitwa kwa kusudi lake” Rum 8:28. 3.

Kudumu katika maombi na wakati mwingine kufunga. Bila hivyo huwezi kufanya    mambo ya mamlaka katika Mungu, iwe kuhamisha mlima au kutoa pepo.

 “……Mkiwa na imani kiasi cha punje ya haradali mtauambia mlima huu, ondoka hapa uende kule; nao utaondoka; wala halitakuwako neno lisilowezekana  kwenu. [Lakini namna hii haitoki ila kwa kusali na kufunga.]” Mt 17:20,21. 

Katika maandiko haya Yesu anatufundisha yote yawezekana  kwa imani kidogo, ikiwa tunaomba na kufunga.

NI MIMI NDUGU YAKO 

       Ev. Elimeleck S Ndashikiwe

RAI YANGU KWAKO MPIGA KURA

KURA KURA KURA
Hii ni haki mojawapo ya kufikia tamayi ya mashindano ya aina yoyote yale.

Ni wajibu wa kila mtu unapokuwa ktk mashindano ya aina yoyote yale
kimaisha
na kifikra lazima ufikie pahala ufanye uamuzi.

UAMUZI BORA ndio utakaotoa mstakabali mzima wa kile ulichokiamua
kutegemeana unataka au unahitaji nini
na kwa wakati gani.

KILA CHAGUO NA THAWABU YAKE
Kanisa la Kristo likaamua vema kumchagua Mungu kuliko mapokeo ya dini zao.
Sisi kama kanisa tunayo nafasi ya pekee
ktkt ya jamii hata kubatilisha mashauri
yaliyo potofu.

Ni tar. 25/10/2015
macho na masikio ya watanzania wote yatakuwa ktk msitu mnene totoro kufanya maamuzi
juu ya nani atayekuwa mbele yao kwa miaka mitano ijayo
kama Rais wa nchi yao.

Ni ushauri wangu tu kwako mwana wa MUNGU kuwa
usiyumbishwe na misisimko ya maneno ya
ushabiki bali
kaa utafakari kama mtu uliye mahali palipobomoka
uone utafanya nini.

Lakini pia ukimaliza kupiga kura ondoka kituoni nenda kamshukuru Mungu
na umsihi asimamie kusudi lake
na
ailinde kura yako dhidi ya waharamia wa kuiba haji za watu (kura).

NIKUTAKIE UCHAGUZI MWEMA NA AMANI YA KRISTO IPITAYO FAHAMU ZOTE IKUFUNIKE MPENDWA WANGU.

BY Ev. Elimeleck S Ndashikiwe
          0767445846

NGUVU YA IMANI ILIYO THABITI

IMANI THABITI tunazungumzia viwango vya kuwa na uhakika juu ya kile unachokijua kuhusu MUNGU  na kazi zake.
EBRANIA 11:1 Basi imani ni kuwa na hakika ya mambo yatarajiwayo,
ni hayana ya mambo yasiyoonekana.

Hiyo ndiyo maana halisi ya neno imani kwa mujibu wa maandiko.

Au twaweza kusema kuwa imani ni kuwa na uhakika wa yale mambo tusiyoyaona kwa macho ya nyama
bali ktk macho ya roho tunayaona na kuamini kuwa yapo.

Macho haya ya nyama huwa hayaamini hadi yaone kitu halisi (physically).

WAKO MASHUJAA WA IMANI
Kwa nini tunawaita mashujaa wa imani?
   Ni kwa sababu waliiishi imani.
Hawakuyapenda maisha yao hata kufa kwa kule kuwa naimani.

EBRANIA 11:32-40 "Nami niseme nini tena? Maana wakati usingenitosha kuleta habari za Gideoni na Baraka na Samsoni na Yeftha na Daudi na Samweli na manabii;
33 ambao kwa imani walishinda milki za wafalme, walitenda haki, walifunga vinywa vya simba…………".

Hawa walistahili kabisa kuitwa hivyo kuwa
"Mashujaa wa Imani"
maana kwa kuijua imani
walifanya mambo makuu na ya ajabu.

Kumbe siri ya ushindi wao ni kwa sababu
walikuwa na imani iliyo thabiti.
Iko siri na nguvu ktk imani.

1YOH 5:4-5 "Kwa maana kila kilichozaliwa na Mungu huushinda ulimwengu,
huku ndiko kushinda kuushindako ulimwengu
hiyo imani yetu.
   Siri ya ushindi ni imani iliyoko ndani yangu Elimeleck na wewe unayelitafakari NENO hili.

   -Imani ina uwezo wa kushinda mateso
    -Imani pia ni nguvu ya uumbaji EBR 11:3"Kwa imani twafahamu kuwa ulimwengu uliumbwa kwa NENO".
      -Imani ni mlango wa sita wa fahamu alioongezewa mwana wa Mungu (macho, pua, sikio, ulimi na ngozi).

1KORINT 2:6-10 "Mambo ambayo jicho halikuyaona wala sikio kuyasikia
Mungu ametufunulia sisi kwa Roho".
Si kila mwanadamu ana imani
bali ni wale tu wanaomkiri Kristo kuwa ni mwana wa Mungu.

EBRANIA 11:2 Kwa imani thabiti waliyokuwa nayo wazee wetu,
walishuhudiwa kuwa wenye haki mbele za Mungu.

EBR 11:4 "UTOAJI"
Kumbe utoaji ni ibada kamili mbele za BABAyetu wa Mbinguni.
Kornelio ingawa alikuwa mshika dini lkn alipata kibali kwa Mungu kupitia utoaji.
IMANI ndiyo iliyomsukuma kumtolea Mungu
maana alijua kuwa Mungu ndiye mtoaji

MDO 10:1 Palikuwa na mtu mmoja  Kaisaria, jina lake aliitwa Kornelio
, akida wa kikosi kilichoitwa Kiitalia, ……………!

   Imani ni ushuhuda wa matendo makuu ya Mungu ktk maisha yetu ya kila siku.
Kutoa ni uthibitisho wa mtu kupenda kutoka moyoni
hatuwezi kumzuilia Mungu vile alivyotukirimia.

  RBRANIA 11:5-6 "Kwa imani Henoko alihamishwa, asije akaona mauti , wala hakuonekana……………!"
6Pasipo imani haiwezekani kumpendeza Mungu.

Henoki akampendeza sana Mungu kwa ile imani aliyokuwa nayo akaonekana kuwa shujaa na kuhesbiwa haki
kwa imani.

Mungu akamhamisha, akamnyakua (Henoko hakufa bali alitwaliwa).

Musa na Ibrahimu wakampendeza Mungu kwa vile walivyokuwa na imani
hata wakaitwa marafiki wa Mungu.

EBRANIA 11:32  Hawa mashujaa waliyashinda mateso kwa ile imani waliyokuwa nayo
wakimpendeza Mungu na wanadamu.

NB: USIFIE DHAMBINI
wako wazazi wako wa kiroho wanaweza kukusaidia ktk maisha yako kiroho.

Samsonianashindwa kuwasikiliza wazazi wake na kwenda kumuona mwanamke Delilla
aliyekuwa kahaba
ktk nchi yake mwenyewe.

Samsoni anaingia kwenye mtego wa kunaswa na Wafilisti wasiotahiriwa anakamatwa,
anatobolewa macho baada ya kuitoa siri na kunyolewa nywele zake zote.

Anapopata nguvu na kuziangusha zile nguzo
hasara inatokea na yeye mwenyewe anakufa.

soma WAAMUZI 14:1-3 Samsoni akaukataa ushauri wa wazazi wake.

MUNGU WANGU WA MBINGUNI AKUBARIKI MPENDWA WANGU

Somo hili limeandaliwa na Pastor GAYO MSAMATI
E.A.G (T) MBUYUNI DSM

Na kuletwa kwako nami
Ev. Elimeleck S Ndashikiwe

      0767445846
      0715445846.

B  A  R  I  K  I  W  A.

KUSIFU NA KUABUDU

JINSI YA KUSIFU AU KUONGOZA SIFA NA KUABUDU VIZURI. A. SEHEMU YA KWANZA • Anza na nyimbo za kukutana na watu au akili yako pale ilipo au kukutana na mahitaji yako au ya watu pale walipo. • Mara nyingi watu huanzia katika hali ya kusongwa na shughuli za kila siku za maisha (masumbufu) • Hivyo anza na nyimbo au pambio zinazohusiana na kuwatia watu moyo pale walipo. • Imba nyimbo zenye kuamsha kiu na hamu ya watu juu ya kukutana na Mungu kwa msaada wa yale yanayowatatiza. • Ni kukutana na watu Misri (nje ya kambi au hekalu) walipo na kuwatia moyo kama Musa ili waanze safari ya kwenda kuelekea Kaanani (ndani ya hekalu) ambako ni nchi yenye asali na maziwa (wema na uzuri wa Mungu kwa msaada) kwenye faraja na amani ya kweli. • Imba nyimbo za kujipa au za kuwapa watu tumaini, furaha, na utayari wa kumwendea Mungu – kuiamsha kiu na hamu ya msaada wa Mungu. • Imba nyimbo za kujialika au kuwaalika watu ili kuanza safari ya kuuendea kiimani wema na uzuri wa Mungu. • Imba nyimbo za kuelezea Jinsi Mungu anavyoweza kukutendea au kuwatendea mema kama ukimwamini au wakimwamini na kumwendeayeye anayewapenda sana! • Nyimbo zinazoelezea au zinazokumbusha matendo makuu ya Mungu alivyokutendea, alivyowatendea, anavyoweza kukutendea au kuwatendea. • Katika nyimbo za injili; ni nyimbo za maisha ya Kikristo, Uinjilisti, na Kualikwa. • Zaweza kuwa ni nyimbo za haraka au taratibu. B. SEHEMU YA PILI • Nyimbo za kumfurahia, kumshangilia, na kumualika Mungu. • Ni kufanya watu waliokwishaingia Kanani /hemani / hekaluni – washangilie na kufurahia, na tena wakimshukuru Mungu kwa kuwafikisha salama (katika mji wa BWANA au nyumbani mwa BWANA. • Ni nyimbo zinazoufanya mioyo watu kujiachilia kwa Mungu waliyemwendea ili aonekane. • Ni kuyafanya mawazo yasiwe ya kujiangalia mwenyewe tena ila Mungu tu. • Ni kuyaelekeza mawazo kwa Mungu na kumshukuru kwa yale aliyoyatenda, anayoyatenda, na atakayoyatenda kwa ajili yetu. • Ni nyimbo zinazoelekeza zaidi kwa Mungu na vipawa vyake atoavyo kwa wanadamu. • Ni nyimbo kuelezea jinsi unavyomjua na jinsi anavyotenda, jinsi ulivyo ndani yake, raha na faida toka kwa Mungu, ili kwueafikisha na kuwaweka watu katika hali ya kuwa tayari kuingia rahani na kumuona Mungu. • Sehemu hii inabidi ichukue muda mrefu na wa kutosha sana, pamoja na uhamasishaji mwingi: ili watu waingie kikwelikweli katika raha na imani kwa Mungu; yaani, wautambue kikweli kweli ukuu, wema, ukarimu, na uzuri wa utukufu wa Mungu katika Kristo Yesu! C. SEHEMU YA TATU • Ni sehemu ya kumuinua Mungu, kumuabudu Mungu, na kujiachilia mbele zake. • Inahusu kuingia na kuwaongoza watu kuingia katika kumuinua Mungu na kisha kufikia katika kumuabudu Mungu Mkuu! • Ni hatua ambayo kusifu kwetu sasa husogea jirani na upendo wa Mungu, heshima, na hali ya kujiweka wakfu kitakatifu kwa Mungu. • Kasi ya mwendo wa nyimbo na vitendo hupungua hatua kwa hatua na kuwa wa taratibu na sauti ya kutulia sana. • Ni hatua ambayo umakini wako unatakiwa uwe kwa jinsi Mungu alivyokuwa, alivyo sasa, na atakavyokuwa kwa uzuri wake, ikuu wa Mungu, na upendo mkuu; na wa tabia zake za uungu ambazo ametushirikisha nasi pia. • Mara nyingine, ukimya na utulivu mtakatifu hulifunika kusanyiko la Mungu. Katika hali hii, inamaanisha kuwa kusifu kunahamia hatua nyingine, yaani, kutoka kumuinua Mungu na kuingia katika kuabudu. • Roho Mtakatifu huwaongoza watu sasa kuingia Patakatifu pa patakatifu. Kusifu sasa kunakuwa ni laini na kuingia katika uzuri wa kuabudu kwa kweli katika utakatifu. • Katika hatua hii unatakiwa (mwongozaji wa sifa) kuwa makini sana kuangalia utembeaji wa Roho Mtakatifu na kusikiliza vile atakavyo au atoavyo maelekezo. • Ni vizuri kuwaongoza watu kwa upole na pia kuwaelimisha kwa maneno ya uangalifu sana ya kuwa sasa wanahamia hatua nyingine. Chagua maneno ya busara na kiasi, usiseme maneno mengi au yale ya kuwahamisha watu mbali na utulivu wa kuabudu, bali yenye kuwasaidia na kuwahamasisha kububujika zaidi. a. Kumbuka: Usimzimishe Roho Mtakatifu; Watu wanapobubujika, nyamaza na uwaache watu wabubujike katika Roho, umakini wako na wa watu unatakiwa uelekezwe kwa Mungu pekee, na si kwa kiongozi wa kuabudu au muziki tena! RUHUSU WINGU LA UTUKUFU WA MUNGU KUSHUKA. • Kadiri tuisogeleavyo sehemu takatifu sana, ndivyo uimbaji wetu unatakiwa kuwa ni wa kuhusu sana Mungu mwenyewe (Wewe ni Mungu … ) • Unakuwa upo mbele za Mungu na uwepo wake. • Kumbuka uimbaji ulianzia nje ya kuta kwa kuimba kuhusu sisi wenyewe na mahitaji yetu na hisia zetu au hau yetu juu ya Mungu; sasa safari ya uimbaji mwishowe tunaimalizia ndani, patakatifu pa patakatifu, kwa kumuabudu Mungu. • Ni sehemu ya uwepo mtakatifu wa Mungu. • Katika hatua hii, Mungu na malaika zake watakatifu huwahudumia watu. JINSI YA KUPANGILIA PAMBIO KATIKA KIPINDI CHA SIFA 1. PAMBIO ZA KUFARIJI a. KUONYA b. KUTIA MOYO c. KUKEMEA d. KUHUBIRI 2. PAMBIO ZA KUSIFU / ZINAZOELEZEA JINSI : a. ALIYOTATENDA / ALIVYOTENDA / ALIVYOKUTENDEA/ ALIVYOWATENDEA b. ANAYOTATENDA / ANAVYOTENDA / ANAVYOKUTENDEA / ANAVYOWATENDEA c. ATAKAYOTENDA / ATAKAVYOTENDA / ATAKAVYOKUTENDEA / ATAKAVYOWATENDEA 3. PAMBIO ZA KUMUINUA MUNGU a. KUMUELEZA MUNGU MWENYEWE UNAVYOMFAHAMU b. KUMUELEZA MUNGU TABIA NA SIFA ZAKE c. SI KUELEZA ALIYOYATENDA, BALI JINSI MUNGU ALIVYO 4. PAMBIO ZA KUMUABUDU MUNGU a. KUMUELEZA MUNGU JINSI UNAVYOJISIKIA KUWA NAYE b. KUMUALIKA MUNGU AHUSIKE NAWE c. ELEZA HISIA ZAKO SI ZA WENGINE d. UTAKAVYOJISIKIA KAMA UKIENDELEA KUWA NAYE MILELE i. UPENDO WAKO KWAKE, Sifa zake na kazi zake. ii. FURAHA YAKO KWAKE Sifa zake na kazi zake. iii. AMANI YAKO KWAKE Sifa zake na kazi zake. iv. UZIMA WAKO KWAKE Sifa zake na kazi zake. v. NGUVU WAKO KWAKE Sifa zake na kazi zake. vi. RAHA YAKO KWAKE Sifa zake na kazi zake. vii. UJASIRI WAKO KWAKE Sifa zake na kazi zake. BADHI YA MFANO WA NYIMBO / PAMBIO NA JINSI YA KUPANGILIA (LABDA ROHO ASEME VINGINEVYO NA WEWE!) (I) NYIMBO / PAMBIO ZA KUFARIJI 1. TWENDE JUU SAYUNI X 3 MJI WAKE BWANA 2. TEMBEA NAYESU 3. WPTE WALIOMPOKEA 4. AMINI YESU ANALEA 5. MCHAKA MCHAKA MKIMBILIE YESU 6. MWAMINI X 3 MWOKOZI X 2 7. KIMBILIA KWAKE YESU UTAPONA. 8. NIPE MAJI NINYWE, MAJI YA UZIMA. 9. ONJENI KUONE, MUNGU YU MWEMA 10. SIMAMA TUKAIMBE PARADISO 11. NIMPELELEZE NANI FURAHA YA MBINGUNI 12. JINA LANGU LIKO KULE X 3 MBINGUNI 13. SAYUNI X 4 NINAIMANI YA KWAMBA NITAFIKA 14. (MIKONONI, MIKONONI) X 2 TUKIWA SAFARINI, YESU NDIYE KIONGOZI 15. NJIA YEMBAMBA X 2 NITAIFUATA, NIWEZE KUFIKA MBINGUNI 16. WAAMBIENI WATEULE WAJIPE MOYO, BWANA AMEKUSUDIA KUWAPA MEMA 17. JINA LAYESU, NI NGOME YANGU. 18. MWAMBIE YESU X 2 ANAWEZA YOTE 19. YUKO MUNGU MMOJA MBINGUNI YEYE NI MWAMBA 20. AINULIWE MUNGU WETU LEO, AINULIWE, BWANA WA MABWANA 21. SIMAMA USICHELEWE 22. SIMAMA IMARA UMTETEE BWANA 23. NATAMANI NIENDE PARADISO KWA BWANA 24. MSALBA MBELE DUNIANYUMA 25. NINAMJUA ALIYE MWAMBA. 26. NYIMBO ZA KITABUNI - NYIMBO ZA INILI UKURASA WA 91-11 (II) NYIMBO / PAMBIO ZA KUMSIFU MUNGU 1. JINA LAKE IMANUELI HOSANA 2. YU MWEMA BWANA WANGU YESU, YU MWEMA! 3. NIMWUONA MWOKOZI, NIMEMWONA AHA! 4. MSHUKURUNI BWANA KWA KUWA NI MWEMA 5. NISEME NINI BWANA X 3 YOTE NINASHUKURU 6. YESU NI WANGU WA UZIMA WA MILELE 7. WATU WOTE WAMTUKUZE BWANA 8. TUIMBE HALELUYA HOSANA NA YAHWE 9. EE BABA X 3 POKEA SIFA 10. LEO NI SIKU NGEMA TUTAMUONA BWANA 11. MUNGU YU MWEMA X3 KWANGU 12. NINAMJUA ALIYE MWAMBA, ALIYENIOKOA 13. MWIMBIENI BWANA WIMBO MPYA, KWA MAANA AMETENDA MAMBO YA AJABU 14. SIJAMPAT RAFIKI WAKUFANANA NA YESU 15. SIJAONA KAMA YESU 16. MWAMBA NI YESU… 17. (AIME, AIME, AIME!) X 2 18. JINA LA YESU, LIBARIKIWE X 3 NI JINA LA NGUVU ZOTE! 19. NI BWANA WA WATU WOTE 20. NI YEYE YULE X 3 ALIYENIOKOA 21. MSALABA WA YESU, NI MSALABA UMENIOKOA DHAMBI, HALELUYA 22. ALIUBEBA MSALABA KUELEKEA GOLIGOTA 23. POPOTE ALIENDA ALITENDA MEMA 24. NAMPENDA YESU WA GALILAYA AMETENDA MAKUU MOYONI MWANGU 25. AMEJAA NEEMA YESU AMEJAA NEEMA 26. NI WA NEEMA X 3 BABA! 27. HAKUNA WA KUFANANA NAYE! 28. MAHALI NIKEFIKA NIMEONA MKONO WAKO, 29. YESU ANAWEZA YOTE 30. HOSANA MWANA WA DAUDI 31. BABA YETU WA MBINGUNI, MAPENZI YAKO YATIMIZWE! 32. PALE KALIVARI YOTE YALIKWISA 33. NIMEUONA MKONO WA BWANA NIMEUONA! 34. KAMA SI WEWE BWANA NINGEKUWAJE LEO 35. NANA MWANAUME KAMA YESU HALELUYA 36. SIFUNI – OH IMBA IMBA SIFUNI 37. SIFU MUNGU HALELUYA, SIFU MUNGU AME! 38. HAKUNA KAMA YEHOVA X 3 HAKUNA KAMA YEHOVA YIRE! 39. ALIPO YESU YOTE YANAWEZEKANA (III) NYIMBO ZA KUMUINUA MUNGU NA KUABUDU. 1. WEWE NI MUNGU MKUU, WAWEZA YOTE, … 2. HAKUNA MUNGU KAMA WEWE … 3. BWANA WA MABWANA, MUNGU WA MIUNGU, ALFA NA OMEGA …. 4. UMEINULIWA X 3 JUU … 5. HAKUNA, MUNGU KAMA WEWE, HAKUNA POPOTE… 6. BWANA UMETAMALAKI, HAKUNA ALIYE KAMA WEWE. 7. UNASTAHILI KUABUDIWA … 8. NASEMA ASANTE X 3 EWE MUNGU WANGU. 9. NISEME NINI BWANA X 3 YOTE NINASHUKURU. 10. BABA WA MBINGUNI HAKUNA KAMA WEWE. 11. NAFSI YANGU YAKUTAMANI, ROHO YANGU YAONA KIU, KAMA AYALA… 12. MUNGU WETU, TUNAKUABUDU. 13. BABA WA MBINGUNI, MUNGU MTAKATIFU, TUNAUNGANA NA MASERAFI MAKERUBI KUKUABUDU. 14. HAKUNA X 3 KAMA WEWE! HAKUNA, HAKUNA, ALIYE KAMA WEWE! 15. BWANA, UMETAMALAKI, HAKUNA ALIYE KAMA WEWE. 16. ZA KITABUNI - NYIMBO ZA INILI UKURASA WA 19-42.

UTUMWA WA KIPEPO

Shalom mwana wa MUNGU upendwaye sana!

Natumai ya kuwa uko mzima wa afya kabisa
ukiwa unautafakari ujumbe huu.

Si ujumbe rahisi kabisa kama unavyoweza kuudhania.

KOLOSAI 1:13 "Naye alituokoa ktk nguvu za giza
akatuhamisha na kutuingiza ktk ufalme wa mwana wa pendo lake...."

Ni dhahiri kwamba kuokolewa kwetu tumeondolewa ndani ya ufalme wa shetani
tukaingizwa ktk ifalme wa MUNGU BABA.
Hivyo shetani hakufurahia kuona sisi tunakuwa waasi ktk ufalme wake,
anajitahidi kadri awezavyo kutufuatilia
na kuoigana nasi ktk ulimwengu wa roho.

Hivyo basi silaha mara zote anazozitumia ni kuhakikisha anauvunja uhusiano wetu na Mungu wetu
kwa kuyatumia
mapepo (wafuasi wake), kuja kuwatesa watu wa MUNGU.

Maandiko yanasema "mpingeni shetani naye atawakimbia ninyi"

lkn wakati mwingine huwa inaachiliwa roho ya hofu ndani ya mtu
na kujikuta
unajiona kuwa huwezi.

Lakini kumbe tunayaweza yote ktk yeye aliyetupenda na atutiaye nguvu.

MDO 1:8 "Lakini mtapokea nguvu akiwajilia juu yenu Roho Mtakatifu......."
Kunbe Roho Mtakatifu anatutia nguvu ya kuweza kupambana na kila roho inayojiinua juu ya elimu ya MUNGU.

Kwa nini watu wanaendelea kuteswa na mapepo?
unaweza ukajiuliza kuwa inakuwaje mtu yuko kanisani lkn bado anasumbuliwa na nguvu za giza.

Hii mara nyingi huwa inatokana na mtu binafsi kushindwa
kujitambua na
kutojitoa dhabihu kama chombo cha BWANA
anajikuta yeye kila kitu kwake ni kawaida tu.

Mtu mwenye mapepo sio lazima umkute anapiga kelele,
analia,
anagombana au
anaombewa ndipo uone anaanguka!
HAPANA.

HAPA ZIKO ISHARA ZA KUMTAMBUA MTU MWENYE MAPEPO
1.Hasira zisizo za kawaida
Unakutana na mtu yeyote unayemfahamu au hata usiyemfahamu
anakuwa na
hasira zisizo za kawaida lama ulivyomzoea.

hapo lazima direct
utambue kuwa huyu mtu kapatwa na pepo la hasira
MATH 8:28-29
tunaona mapepo yaliyotokea makaburini
yakawa ndani ya wale watu wawili wakashikwa na hasira wakawa wakali mno.

MHUB 7:9 & YAK 1:19-20
"Hasira ya mwanadamu hairwndi haki ya MUNGU"

3.Kuwa na uchungu usio wa kawaida
Uchungu wa kipepo unaamvatana na roho ya kutokuwa tayr kusamehe wala kuachilia,

pepo hao huchochea uxhungu moyoni
EFES 4:26-27 "Usiwe na hasira shina la uchungu lisije likachipuka".

Shetani anaitumia mbinu hii ili apate kukushambulia nyuma ya uchungu kwa magonjwa, chuki, kiburi n.k.

EBR 12:14-15 "Tafuteni kwa bidii kuwa na amani na watu wote......"

kuwa na amani na watu wote si kazi rahisi kabisa.,
wengine wanashindwa kuwa na amani na mtu kwa sababu uchungu unatia unajisi.

3. Kuwaza mawazo mabaya
Hapa huja mawazo ya kujisikia na kutamani kufanya mapenzi ya mwili tu
kama ngono, kujiua,
wizi, ushirikina, visasi na mengineyo lama hayo

hii ni kwa sababu nyuma kuna pepo la mauti!

Pepo huyu hukuumbia tabia ya kusahau unaweza ukapanda gari bila kujua linaelekea wapi

au unaweza kuona maono ya kipepo
unamwona mtu yuko uchi wa nguo kumbe amevaa nguo.

AYUB 31:1 Hapa Ayubu si kwamba hakuwa anamwangalia huyu mwanamke kwa macho bali alikataa kumtazama kwa mawazo.

MATH 5:27-29 "Dhambi ya zinaa huanzia ktk mawazo ya mtu,
tendo la ndoa au zinaa ni utimilifu wa mawazo.

4. Kuwaza matusi
Hii ni dalili ya pepo!
Kila mtu huwaza na kujikuta anatukana moyoni hata kama yuko peke yake
na

wakati mwingine humtukana hata MUNGU.

mfano wakati wengine wanaimba na kuabudu wew unawaza tu kutukana.
UFU 16:10-11 "Wakamtukana Mungu wala hawakuyatubia matendo yao......".
Kusema maneno yasiyofaa kwa Mungu ni sawa na kumtukana Mungu (pepo aliyemo ndani yako ndiye anayetukana).

UFU 16:13-14 "Kwa sababu ya uchungu uliokuwamo ndani yao, wakamtukana MUNGU......".

(21) Wanadamu wakamtukana Mungu kwa sababu ya ile mvua ya mawe.

5. Kutamani kula udongo au mchele mkavu
Kwa asili udongo ni chakula cha laana
kwa kuwa ni chakula alichoamriwa kula shetani maisha yote MWA 3:14.
Pepo huwapelekea wanadamu kula udongo au mavumbi
mfn wanawake.

Baada ya anguko la mwanadamu pale Edeni,
aliyeamriwa kula udongo ni nyoka (shetani),
si ADAMU wala EVA.

NB:Hususani akna mama msishabikie kubugia bugia udongo wa aina yoyote ile ni laana.

NADHANI UTAKUWA UMEJIFUNZA KITU HAPA
MPENDWA WANGU.

NAKUPENDA SANA SANA SANA
Ni mimi rafiki yako mpendwa
    
Ev. Elimeleck S Ndashikiwe
      elimelck@gmail.com

0767445846
0715445846.

NENO LA MUNGU

UWEZA ULIO KATIKA NENO LA MUNGU Uwezo wa kukuongoza katika njia sahihi. “neno lako ni taa ya miguu yangu, na mwanga wa njia yangu” Zaburi 119:105 ,

neno linatuonyesha tunapoelekea, linatuongoza kutenda kwa usahihi kama vile nchi bila katiba inapotea, ndivyo mtu anayemwamini Yesu kutokuwa na neno la Mungu moyoni mwake! lazima atapotea! Mungu akamwambia Joshua “kitabu hiki cha torati kisitoke kinywani mwako, bali yatafakari maneno yake mchana na usiku…ndipo utakapoifanikisha njia yako…” Joshua 1:8.

Ni kwa kufuata Neno la Mungu ndipo mtu anaweza ifanikisha njia yake! Uwezo wa kutufanya hai. “maana mtu hatoishi kwa mkate tu bali kwa kila neno litokalo katika kinywa cha Mungu” Mathayo 4:4,

neno limejaa uwezo wa kutufanya hai, kama vile mwili bila chakula unakufa ndipo mtu aliye na Yesu bila neno lake lazima atakufa kiroho. Neno la Mungu linatupatia nguvu ya kuishi bila neno la Mungu maisha yetu ya kiroho yamo hatarini,
Petro akamwambia Yesu “basi twende kwa nani wewe unayo maneno ya uzima” maneno ni uzima! Uwezo wa ushindi dhidi ya shetani. “tweni upanga wa roho ambao ni neno la Mungu” Waefeso 6:17b ,.

Mkristo asiye na neno la Mungu ni sawa na mwanajeshi asiye na silaha alafu yuko vitani, neno la Mungu ni salaha kuu dhidi ya shetani “je, neno langu si kama moto, asema Bwana, na kama upanga ukatao kuwili?” neno la Mungu ni ushindi mkamilifu dhidi ya shetani! Tukijua kulitumia ni ushindi mkamilifu! Uwezo wa kupokea kutoka kwa BWANA. “…….na maneno yangu yakikaa ndani yenu , ombeni lolote mtalipata” Yohana 15:17.

Neno likijaa ndani yetu tutajua jinsi ya kuomwomba Mungu sawa sawa. Ni muhimu kuishi kwa kusoma neno la mungu ili tuombe sawa na mapenzi yake . Uwezo wa kuumba. “kwa imani twafahamuya kuwa ulimwengu uliumbwa kwa NENO LA MUNGU….” Waebrania 11:3.

“maana yeye alisema ikawa,NA YEYE ALIAMURU IKASIMAMA” Zaburi 33:9 neno lina nguvu ya kuumba inategemea unaamuru nini na kwa uweza gani! Hivyo hata ukipita katika ugonjwa unaweza ukasimama mwenyewe ukaamuru kwa uweza wa kuumba na ugonjwa ukaondoka. Yesu alikuwa anatumia maneno kama haya kuponya watu “nataka takasika” uwe mzima” “mtoke mtu huyu” haya ni maneno ya kuumba kama Mungu alivyo tamka “iwe nuru ikawa n.k.” mwanzo 1:1-.. . Ni Mungu mwenyewe. “hapo mwanzo kulikuwa na neno , naye neno alikuwako kwa Mungu naye neno alikuwa Mungu” Yohana 1:1 ,.

Nine la Mungu ni Mungu mwenyewe, kwasababu huwezi kumtofautisha mtu na neno lake , Mungu ni neno na ndio maana sisi tukilishika neno lake tunakuwa washiriki wa tabia ya kiungu “…tupate kuwa washiriki wa tabia ya kiMungu…” 2Petro 1:4,. The Amplified Bible says that “ sharer (per-takers) of divine nature” na kwa namna hiyo tunaitwa miungu “mimi nimesema ndinyi miungu,na wana waa aliye juu wote pia..” Zaburi 82:6. Kumbe tunapata uwezo wa kuumba kwasababu na sisi ni mi ungu kwa kulishika neno lake! Tunapataje uwezo wa Neno la Mungu! “hapo mwanzo kulikuwa na neno, naye neno alikuwako kwa Mungu naye neno alikuwa Mungu,

Huyo mwanzo alikuwako kwa Mungu. Vyote vilifanyika kwa yeye; wala pasipo yeye hakikufanyika chochote kilichofanyika. Ndani yake ndimo ulimokuwa uzima , nao ule uzima ulikuwa nuru ya watu. Nayo yang’aa gizani wala giza halikuiweza!” Yohana 1:1-5 ,. Mambo ya kujifunza kutoka kwenye hilo andiko!

1.) Neno la Mungu ni Mungu mwenyewe hivyo si la kulifanyia mzaha, kamwe huwezi kumtenganisha mtu na neno lake , ndiyo maana hata Mafalisayo walimtega Yesu kwenye maneno yake ili wamkamate “wakamviziavizia …ili wamnase kwenye maneno yake, wapate kumtia kwenye enzi ya mamlaka ya liwali” Luka 20:20. Neno la Mungu ni Mungu mwenyewe.

2.) Tunajifunza jinsi ya kulitumia neno la Mungu , biblia inasema “ ndani yake ndimo ulimokuwa uzima” ni muhimu kujua kusikia neno tu haitoshi bali kujua kilichoko ndani ya neno hilo, Neno la Mungu lina uzima ndani yake ambao huwezi kuupata kwa kusikia peke yake! Ni kweli kusikia neno la Mungu kunaleta imani(warumi 10:17) lakini imani inatakiwa kuwekwa kimatendo hapo inamaanisha udhihirisho wa neno ulilolipokea na hapa ndipo wakristo wengi wanashindwa kujua na kubaki kumlaumu MUNGU!

3.) Tunaweza kuupokea ule uzima ulio katika neno , kwa kutafakari neno, kivipi basi? Tuchukue mfano wa tundo kama chungwa huwezi kula pamoja na maganda yake ni lazima kumenya maganda kwanza ndipo ule , sasa chungwa ni kama neno la Mungu na maganda ni tafsiri za kibinadamu, Kutafakari neno ni kumruhusu Roho mtakatifu akufundishe kama tulivyoona hapo juu kuwa NENO NI MUNGU, na hakuna anayejua mafumbo ya Mungu isipokuwa Roho mtakatifu, (1wakorintho2:10-11) hivyo Roho hutufunulia kwa kutafakari neno la Mungu Daud akasema “na sheri huitafakari mchana na usiku”

4.) Je wajua kuto kutafakari neno la Mungu ni kumzimisha Roho wa Bwana? Biblia inasema “ tusimzimishe Roho wa Bwana” 1Thesalonike 5:19 ,. Kuto kutafakari neno la Mungu ni kumzimisha Roho wa Bwana, kwa sababu haumruhusu yeye kukufundisha na huku biblia inasema “Roho atatufundisha kuyashika yote” sasa ni Muhimu kutafakari neno la Mungu kwa kufanya hivyo tunaruhusu uwezo wa Neno la Mungu kutenda kazi katika maisha yetu!

5.) Sasa kwa kutafakari ndipo unapo ingiza uzima kwenye maisha yako, kwenye kazi yako , mafanikio yako (Joshua 1:8) n.k. iyo ndiyo Nuru inayo ng’aa gizani hata giza na wakuu wake hawataiweza kabisa! Jifunze kujiwekea Ratiba ya kusoma neno la Mungu kila siku na kutafakari(meditation) unahusianisha na maisha na kumwomba Roho mtakatifu akufundishe ! MAY GOD BLESS YOU

EV. ELIMELECK NDASHIKIWE

NGAO YA IMANI

IMANI YA UKRISTO
"Katika nyakati hizi za Agano Jipya, imani ya UKRISTO imejengeka kutoka kwa Yesu Kristo ambaye wafuasi Wake wote amewafanya kuwa WATEULE Wake kwa kuwajaza Roho Mtakatifu ambaye ni mfano wa mafuta waliyokuwa wanapakwa wateule
wa Mungu enzi za nyakati za Agano la Kale."

Waswahili husema kwamba: "Ukweli usioujua hauwezi kukusaidia." Nami pia nasema kwamba: "Uongo usioujua ni vigumu kuuepuka." - na: Mwinjilisti Masanja Sabbi.

Hebu soma kwa makini mafundisho haya ili upate kuifahamu iliyo kweli. Mpenzi msomaji,
bila shaka unayo shauku kubwa sana ya kujua ukweli uliojificha katika imani ya Ukristo kwani ni watu wengi tunawasikia wakijiita na kuitwa wao ni "Wakristo" lakini yawezekana wewe haujui nini hasa maana ya neno "WAKRISTO"; na pia chimbuko na asili ya imani hii.

Bila shaka hapa umefungua ukurasa sahihi kabisa na utarajie kujifunza mengi na kweli tupu. Kabla hatujafika mbali katika kujifunza napenda kukupa taadhali / angalizo hili: Mara nyingi katika kujifunza unaweza ukapokea kitu kilicho kipya kwako na wakati mwingine ujumbe huu ukakuudhi kwa sababu umefichua machukizo yaliyojificha katika imani yako au dhehebu lako. Elewa kwamba; Huduma hii haipo kwa lengo la kuitukana dini au dhehebu fulani, bali dhumuni kuu la huduma hii ni kufundisha jinsi kweli ilivyo pasipo kificho. Napenda nikushauri hivi: Lengo la kujifunza ni kutaka kujua / kuelewa kweli yote. Lakini zingatia kwamba: "Hauta elewa mpaka pale utakapo funguka akili; na hautafunguka akili mpaka pale utakapoikubali kweli." Na sasa unaweza ukachukua kalamu na karatasi, au daftari ili uandike point za muhimu unazojifunza ambazo utakuwa ukijikumbushia yale uliyojifunza pindi upatapo nafasi. Baada ya utangulizi huo; napenda tujifunze kwa kina somo letu linalohusu IMANI YA UKRISTO. Hebu tuanze ifuatavyo: IMANI YA UKRISTO CHIMBUKO NA ASILI YA UKRISTO. UKRISTO unatokana na neno KRISTO. Ni sawa sawa na kusema UTANZANIA unatokana na neno TANZANIA kwa sababu UTANZANIA maana yake ni utamaduni wa ki-Tanzania. Unapotamka neno KRISTO unakuwa umetamka kwa kutumia lugha ya Kiyunani (Kigiriki) lakini chimbuko na asili ya neno hilo ni neno MASIHI ambalo ni la lugha ya Kiebrania. Maneno yote hayo mawili; "KRISTO" na "MASIHI" yote yana maana moja ambayo kwa Kiswahili chepesi tafsiri yake ni Mteule wa Mungu au Mpakwa mafuta wa BWANA Mungu. Imani hii ya UPAKWA MAFUTA (UKRISTO au UMASIHI) inatokana na desturi ya Wayahudi katika nyakati za Agano la Kale hususani pindi miongoni mwao walipokuwa wanateuliwa watu kufanya kazi zifuatazo: i/: KUHANI. Kuhani ni mtu aliyeteuliwa na Mungu kwa ajili ya kufanya huduma ya upatanisho kati ya Mungu na wanadamu. Makuhani walikuwa ni wakuu wa dini ambao kazi yao ni kuwapa watu maagizo ya Mungu au miungu yao (hata wapagani walikuwa na makuhani kwa ajili ya miungu wao. Soma Mwanzo 41:45; 47:22 hao walikuwa makuhani wa Misri)  na pia makuhani walikuwa watoaji wa sadaka / kafara ambazo zimeletwa na watu kwa lengo la shukrari, au upatanisho wa dhambi zao kwa Mungu, au miungu wao. UFAFANUZI - ZINGATIA HILI: Utofauti kati ya "Mungu", na "mungu" - unapoandika kwa kuanza na herufi kubwa "M" yaani "Mungu" unakuwa umemtaja Mungu muumba wa vitu vyote; lakini endapo ukiandika kwa kuanza na herufi ndogo "m" yaani "mungu" hapo unakuwa umetaja "miungu" kwa maana ya watu, mizimu, pepo wachafu, au Shetani. Uwe makini sana utumiapo majina hayo. Pia uonapo katika Biblia Takatifu pameandikwa kwa herufi zote kubwa neno "BWANA" unatakiwa ujue hapo limetumiwa badala ya jina YEHOVA  ambalo ndilo jina Mungu alijitambulisha kwa Musa (Kutoka 6:2,6).  Hivyo basi; Mungu aliamuru makuhani wawekwe wakfu kwa kupakwa mafuta kichwani. Tunaona Mungu anamwagiza Musa kwamba: "Nawe umlete Haruni ndugu yako karibu nami, na wanawe pamoja naye, miongoni mwa wana wa Israeli, ili anitumikie katika kazi ya ukuhani... nawe watie mafuta, na kuwaweka kwa kazi takatifu, na kuwatakasa, ili wapate kunitumikia Mimi katika kazi ya ukuhani." - (Kutoka 28:1, 41) Hapo tunaona Mungu anamwambia Musa kwamba: "...watie mafuta..." Musa alichukua mafuta na kuyatia kichwani mwao kwa ishara ya kuwa watu hao wamepewa kibali na Mungu cha kumtumikia kwa huduma ya ukuhani. Watu wengine waliopakwa mafuta kwa ishara ya kupewa kibali na Mungu kwa kazi husika ni hawa: ii/: WAFALME WA ISRAELI. Tunaposoma Biblia Takatifu tunaona pia wafalme wa Israeli nao waliteuliwa kwa kupakwa mafuta matakatifu kichwani mwao. Tukimtazama mfalme Sauli tunaona Biblia inatuambia kuwa yeye ni mpakwa mafuta wa Mungu, yaani: "...masihi wa BWANA..." - (1 Sam 24:10). Wakati mfalme Sauli anawekwa wakfu, Biblia Takatifu inatuambia: "Ndipo Swamweli akatwaa kichupa cha mafuta, akayamimina kichwani pake, akambusu, akasema,.. Nawe utawamiliki watu wa BWANA... hii itakuwa ishara kwako ya kuwa BWANA amekutia mafuta..." - (1 Sam 10:1) Pia tukija kwa mfalme Daudi tunaona naye pia alipakwa mafuta. Hapa tunaona Mungu anamwambia Samweli mtumishi Wake kwamba Samweli aende akampake Daudi mafuta ili awe mfalme wa Israeli. Tunaona Mungu anamwambia Samweli: "...Ondoka, umtie mafuta; maana huyu ndiye. Ndipo Samweli akaitwaa pembe yenye mafuta, akamtia mafuta... na Roho ya BWANA ikamjilia Daudi kwa nguvu tangu siku ile..." - (1 Sam 16:12-13) Vile vile mfalme Sulemani naye alipakwa mafuta kwa ishara ya kuteuliwa na Mungu kuwa mfalme wa Israeli. Biblia Takatifu inasema kwamba: "Na Sadoki, kuhani, akaitwaa ile pembe ya mafuta... akamtia Sulemani mafuta... Na watu wote wakasema, Mfalme Sulemani na aishi!" - (1 Wafalme 1:39) Pia tunamwona Mungu anamwambia nabii Eliya kumpaka mafuta Yehu awe mfalme wa Israeli - (1 Wafalme 19:16). Watu wengine waliokuwa wanapakwa mafuta kwa ishara ya kuteuliwa na kupata kibali kwa Mungu kwa ajili ya kazi maalumu, ni hawa wafuatao: iii/: MANABII. Upo wakati pia manabii nao waliteuliwa na Mungu kwa ishara ya kupakwa mafuta. Biblia Takatifu inatueleza jinsi Mungu alivyomwambia nabii Eliya kwamba: "...Elisha mwana wa Shafati wa Abel-Mehola mtie mafuta awe nabii mahali pako." - 1 Wafalme 19:16. Watu hao, yaani makuhani, wafalme wa Israeli, pamoja na manabii walikuwa wanateuliwa kwa kupakwa mafuta ambayo ni ishara ya kupata kibali mbele za Mungu kwa ajili ya kufanya kazi waliyopewa. Vile vile haikuwa tu mtu ye yote anaweza kuwapaka mafuta wateule hao, la hasha! Kazi hiyo ilifanywa na watumishi wa Mungu; nao hao watumishi hawakupaka watu ovyo ovyo bali waliongozwa na Mungu mwenyewe kwa agizo Lake. Mungu ndiye aliyechagua wateule Wake. Hiyo ndiyo chimbuko la imani ya UKRISTO, au UMASIHI, au UPAKWA MAFUTA, au UTEULE. Hadi hapo tunakuwa tumefahamu kwamba UKRISTO haukuanzia katika huduma ya Bwana Yesu kama mtu hapa duniani, bali UKRISTO ulikuwepo hata kabla ya Yesu kuja duniani kama mwanadamu. Katika nyakati za Agano la Kale huo UKRISTO au UMASIHI au UPAKWA MAFUTA au UTEULE ulikuwa wa mtu mmoja mmoja katika jamii ya Waisraeli; lakini, bado tunaona wana wa Israeli walikuwa wanatazamia kuja kwa MASIHI Mkuu yaani KRISTO Mkuu ambaye atawatawala watu wa Mungu, atakuwa kuhani kwa kufanya upatanisho, atakuwa nabii kwa kuyasema yale ayaonayo kwa YEHOVA, na pia MASIHI (yaani MTEULE) huyo atatawala milele - (Zaburi 89:3-4; Isaya 9:2-7; 11:1-5; Yeremia 23:5; Ezekieli 34:23-26; Mika 5:2) na unabii wote huo ulikuja kutimia katika Agono Jipya ambalo linamtaja wazi wazi kuwa Yesu ndiye Masihi Mkuu ambaye Yule walimtazamia atakuja - (Yohana 1:41-42). Yesu ndiye "...Mchungaji mmoja..." - (Ezekieli 34:23), ambaye ni Kuhani Mkuu - (Waebrania 7:26), na pia ndiye Masihi Mkuu - (Dan 9: 25-27). Tukisoma Biblia ya King James hapo andiko la Danieli 9:25 inamtaja Yesu kuwa ni Masihi Mwana wa Mfalme ("...Messiah the Prince...") Sasa basi; katika nyakati hizi za Agano Jipya, imani ya UKRISTO imejengeka kutoka kwa Yesu Kristo ambaye wafuasi Wake wote amewafanya kuwa WATEULE Wake kwa kuwajaza Roho Mtakatifu ambaye ni mfano wa mafuta waliyokuwa wanapakwa wateule wa Mungu enzi za nyakati za Agano la Kale. Watu wote wamwaminio na kumtii Yesu wanaitwa WATEULE (ingekuwa ni nyakati za Agano la Kale basi nao wangemiminiwa mafuta kama ilivyokuwa desturi ya wana wa Israeli; lakini kwa sasa wanajazwa Roho Mtakatifu. Biblia inasema: "Nanyi, mafuta yale yanakaa ndani yenu... mafuta Yake yanavyowafundisha habari za mambo yote, tena ni kweli wala si uongo..." - (1 Yohana 2:27) Pia Yesu amesema: "...Yeye atakapokuja, huyo Roho wa kweli, atawaongoza awatie kwenye kweli yote... na mambo yajayo atawapasha habari yake." - (Yohana 16:13) na pia Bwana Yesu amesema: "...Roho wa Kweli; ambaye ulimwengu hauwezi kumpokea, kwa kuwa haumwoni wala haumtambui; bali ninyi mnamtambua, maana anakaa kwenu, na Yeye atakuwa ndani yenu." - (Yohana 14:17). Hapo tunaona Biblia inasema: "...mafuta yale yanakaa ndani yenu..." - (1 Yohana 2:27); na pia tunaona imeandikwa: "...Roho wa Kweli... anakaa kwenu, na Yeye atakuwa ndani yenu." - (Yohana 14:17) Mafuta yale katika enzi za Agano la Kale yalitumika kama ishara tu ya kuteuliwa kwao, kwa maana imeandikwa: "...hii itakuwa ishara kwako ya kuwa BWANA amekutia mafuta..." - (1 Sam 10:1), bali kwa sasa Roho Mtakatifu Ndiye mafuta yakaayo ndani ya Wafuasi wote wa Yesu na kuwaongoza; na ndiyo ishara yetu ya kuteuliwa na Mungu, kwa maana imeandikwa: "...mtu awaye yote asipokuwa na Roho wa Kristo, huyo si Wake... Kwa maana wote wanaoongozwa na Roho wa Mungu, hao ndio wana wa Mungu." - (Warumi 8:9, 14). Sasa je! Ni uthibitisho upi unaotubainishia kuwa Yesu ni Masihi / Kristo? Je! YEHOVA alithibitisha hilo? Biblia Takatifu inasema kwamba: "Alipokuwa akisema hayo, lilitokea wingu likawatia uvuli... Sauti ikatoka katika wingu, ikisema, Huyu ni Mwanangu, Mteule Wangu, msikieni Yeye." - (Luka 9:34,35) Sauti hiyo ilikuwa ni ya YEHOVA aliyenena mbele ya Petro, Yohana na Yakobo kwa wazi kabisa kwamba YESU NDIYE MTEULE WAKE. Kumbuka kwamba; enzi za Agano la Kale, kwa wana wa Izraeli ukisema neno "Mungu" unakuwa umemtaja "YEHOVA". Hivyo ndivyo wao walivyomtambua Mwenyezi Mungu kwa jina YEHOVA - (Mwanzo 6:2; Zaburi 83:18; Isaya 26:4; Yeremia 16:21; Habakuki 3:19) Hivyo sauti hiyo ilikuwa ya YEHOVA ikimthibitisha Yesu: "...ikisema, Huyu ni Mwanangu, Mteule Wangu, msikieni Yeye." - (Luka 9:35) Imani hii ya WAKRISTO wa sasa imejengwa kutoka kwa Yesu mwenyewe ndiyo maana tunaona wafuasi Wake wanaitwa WA-KRISTO kwa maana ya kwamba "Wateule wa Yesu." Wafuasi hao wa Yesu walikuwa WATEULE tangu kabla ya watu wa mataifa kuwaita kwa jina la Wakristo - (Matendo 11:26) Bwana Yesu Mwenyewe anasema kwamba: "Si ninyi mlionichagua Mimi, bali ni Mimi niliyewachagua ninyi..." - (Yohana 15:16) Wanafunzi wa Yesu waliteuliwa na Yesu, walijazwa Roho Mtakatifu na Yesu; hivyo walikuwa WATEULE hata kabla ya hao watu wa Antiokia kuwaita hivyo. Kwa hiyo neno MKRISTO lina maanisha "Mfuasi / Mteule wa Yesu." Ndiyo maana Biblia Takatifu inasema: "Bali ninyi ni mzao mteule, ukuhani wa kifalme, taifa takatifu, watu wa milki ya Mungu, mpate kuzitangaza fadhili Zake Yeye aliyewaita mtoke gizani mkaingie katika nuru Yake ya ajabu." - (1 Petro 2:9) Kila aliye mfuasi wa Yesu ameteuliwa na Mungu. Anayeteua ni Mungu wala si mwanadamu; ndiyo maana hapo tumeona pameandikwa: "...ninyi ni mzao mteule,.. taifa takatifu, watu wa milki ya Mungu..." Katika nyakati za Agano la Kale kule kupakwa mafuta kichwani kulikuwa ni ishara tu - (1 Sam 10:1) ya kuteuliwa na Mungu; bali, katika nyakati hizi za Agano Jipya, kumpokea Yesu, kutii kila aliloamuru, na kujazwa Roho Mtakatifu ndiko kunakufanya uwe mteule wa Mungu - (Yohana 1:12-13). UKRISTO ni zaidi ya kupakwa mafuta, bali UKRISTO ni UTEULE. Kama jinsi ilivyokuwa katika enzi za Agano la Kale kwamba Masihi (Makristo / Wapakwa Mafuta) walikuwa ni wale tu ambao waliteuliwa na Mungu bali jamii nyingine yote walibaki kuwa ni watu wa kawaida tu; vivyo hiyo hata sasa Wakristo / Wateule ni wale tu waliompokea Yesu kuwa Bwana na Mwokozi wa maisha yao na kujazwa Roho Mtakatifu, hao tu peke yao ndio wateule wa Mungu - (1 Petro 2:9). Hiyo ndiyo asili ya UKRISTO na maana halisi ya imani ya UKRISTO sawa sawa na jinsi neno la Mungu lifundishavyo. Lakini, tukizidi kutazama kwa kina imani ya Ukristo wa sasa tunaona imani hii imegawanyika katika sehemu kuu mbili, ambazo ni: (a) Wakristo wanaosali siku ya saba ya juma (yaani Jumamosi au Saturday ya leo). (b) Wakristo wanaosali siku ya kwanza ya juma (yaani Jumapili au Sunday ya leo). Matabaka hayo mawili pia wanapishana katika mafundisho na mapokeo fulani fulani. Japokuwa wote wanajiita Wakristo lakini cha ajabu hawaelewani katika mafundisho yao. Waswahili husema kwamba: "Ukweli usioujua hauwezi kukusaidia." Nami pia nakwambia kwamba: "Uongo usioujua ni vigumu kuuepuka." Je, kati ya makundi hayo mawili ya imani ya Ukristo wa sasa, ni kundi lipi linalofundisha mafundisho ya kweli sawa sawa na jinsi Yesu alivyoamuru? Yesu amesema: "...enendeni, mkawafanye mataifa yote kuwa wanafunzi... na kuwafundisha kuyashika yote niliyowaamuru ninyi..." - (Mathayo 28:18-20) Sasa, je! Ni kundi lipi kati ya hayo mawili linafundisha mafundisho ya uongo? Kabla ya kufufika mbali katika uchambuzi huo wa kuibainisha kweli, napenda nikuulize maswali haya: Je! Unapenda kujifunza? Je! Unapenda kuifahamu kweli? Kama jibu lako ni "NDIYO" sasa basi weka kando ushabiki wa dini au dhehebu. Pia zingatia kwamba: "Hauta elewa mpaka pale utakapo funguka akili; na hautafunguka akili mpaka pale utakapoikubali kweli." Katika utafiti wangu na kujifunza kwangu neno la Mungu nikiwa na watu mbalimbali, nimegundua watu wengi wanachanganywa na majina SIKU (DAYS) zilizopo kwenye juma (wiki). Ninapenda kwanza kuliweka sawa jambo hili ndipo tuendelee kujifunza kuhusu imani ya Ukristo wa sasa. Hebu kuwa makini zaidi ili uweze kuelewa vizuri. Tunapozungumza kuhusu “siku”, katika “juma moja” (wiki moja) kuna idadi ya “siku saba”. Siku hizo zimegawanyika katika matabaka makuu “mitatu”. Naomba uwe makini ili uelewe vizuri. Matabaka hayo ndiyo yafuatavyo: i/: KIBIBLIA. ii/: KIPAGANI, na iii/: KIISLAMU. Inawezekana hapa ukajiuliza: Hapo unamaanisha nini? Usihofu, fatilia kwa makini nawe utanielewa vizuri. Tukianza na siku ya JUMATATU: Kwa mujibu wa dini ya Kiislamu, kwao siku ya “Jumatatu” ya leo kwao ndiyo “siku ya tatu ya juma”. Tukilivunja vunja neno “JUMATATU” tunapata maneno mawili ambayo ni “JUMA”, na neno “TATU”. Neno “JUMA” maana yake ni “WIKI” au “muunganiko wa siku saba”, na TATU maana yake ni TATU (au THIRD - kwa Kiingereza) Kwa hiyo neno “Jumatatu” maana yake ni “siku ya tatu ya juma (wiki). Mpangilio huu umetokana na desturi ya Imani ya Kiislamu. Tukija KIBIBLIA, siku ya “Jumatatu” ya ki-sasa ni SIKU YA PILI YA JUMA. Ambayo siku hiyo kwa upande wa  WAPAGANI waanaiita MONDAY. Hao WAPAGANI siku hiyo kwao ni kwaajili ya kuabudu MWEZI (moon - kwa Kiingereza). Katika nchi za Ulaya na Asia yapo mataifa yaliyokuwa yakiabudu MWEZI (MOON). Neno MONDAY ni kifupisho cha neno MOON - DAY (Siku ya Mwezi) kwa ajili ya kumuabudu mungu wao mwezi. Tukiingia siku ya JUMANNE: Kwa mujibu wa mafundisho ya Kiislamu, kwao JUMANNE ni SIKU YA NNE YA JUMA. Hiyo ni kutokana na desturi ya imani ya Kiislamu. Lakini tukija KIBIBLIA; siku ya JUMANNE ni siku ya TATU katika JUMA. Lakini kwa WAPAGANI wao siku ya JUMANNE wanaiita “TUESDAY”, ni siku maalumu waliyokuwa wakimuabudu mungu wao aliyejulikana kwa jina la “TIWI”. Siku hiyo wakaiita “Tiw's Day” ambayo baadae ikabadilishwa na kuitwa “TUE 's - DAY” (Siku ya Tue / Tiwi) sawa sawa na jinsi ijulikanavyo leo. Tukiingia kwenye siku ya JUMATANO: Kwa mujibu wa imani ya Kiislamu, wao siku ya JUMATANO ni siku ya TANO katika JUMA (week - kwa Kiingereza). Kwa mujibu wa Biblia Takatifu, siku ya JUMATANO ni siku ya NNE katika JUMA (week - kwa Kiingereza). Lakini kwa WAPAGANI, siku ya JUMATANO wanaiita WEDNESDAY. Siku hiyo kwa Wapagani ni maalumu kwa kumwabudu mungu wao ajulikanae kwa jina la “WEDNE” au “WODEN” ndiyo maana siku hiyo wakaipa jina la “WEDNE 's - DAY” au kwa English nyepesi ni “Wedne ' s Day” (Siku ya Wedne) sawa sawa na jinsi ijulikanavyo leo hata nyakati za leo. Tukiingia kwenye siku ya ALHAMISI: Kwa mujibu wa mafundisho ya Kiislamu, siku ya ALHAMISI ni siku ya SITA katika JUMA (week - kwa Kiingereza). Lakini kwa mujibu wa Biblia Takatifu, siku ya ALHAMISI ni siku ya TANO katika JUMA. Wakati huo kwa upande wa WAPAGANI, wao siku ya ALHAMISI wanaiita “THURSDAY”. Katika siku hiyo hiyo wapo WAPAGANI wanaoabudu “SAYARI YA JUPITER”, na WAPAGANI wengine ni siku maalumu kwao ya kumwabudu mungu wao aitwaye “THOR” au "THUR". Ndiyo maana siku hiyo wakaiita “THUR 's - DAY” au kwa English nyepesi ni “Thur 's Day” (Siku ya Thur). Tukiingia kwenye siku ya IJUMAA: Kwa mujibu wa imani ya Kiislamu, siku ya IJUMAA kwao ni siku ya SABA katika JUMA (week - kwa Kiingereza). Neno IJUMAA ni neno lenye asili ya lugha ya Kiarabu likiwa na maana ya KUSANYIKO (kwa lugha ya Kiswahili). Ndiyo maana katika siku hiyo waumini ya imani ya Kiislamu hukusanyika kwenda kulitaja jina la mola wao (Allah) na kisha baada ya swala (ibada) hutawanyika kwenda kutafuta riziki zao kama jinsi kitabu cha Qur'an kinavyo waamuru. Kwao si siku ya PUMZIKO bali ni siku ya KUSANYIKO. Kwa upande wa Biblia Takatifu, siku ya IJUMAA ni siku ya SITA katika JUMA (week - kwa Kiingereza) Lakini kwa WAPAGANI wao wanaiita FRIDAY. Kwao ni siku maalumu kwa kumwabudu mungu wao aitwaye “FRIGG” au “FREIA”. Ndiyo maana siku hiyo wakaiita FRI -DAY (Siku ya Fri). Tukiingia kwenye siku ya JUMAMOSI: Kwa mujibu wa mafundisho ya Kiislamu, siku ya JUMAMOSI ni siku ya KANZA katika JUMA (week - kwa Kiingereza). Neno “MOSI” maana yake ni “MOJA au KWANZA” (FIRST - kwa Kiingereza). Tumejifunza JUMA moja lina idadi ya SIKU SABA ndani yake; ndiyo maana kwa Waislamu siku ya IJUMAA tumeona ni SIKU ya SABA kwao, alafu JUMAMOSI ni SIKU ya KWANZA kwao. Hapa tunabaini kuwa hizo siku tunazozitumia Waswahili zimetokana na desturi ya mafundisho ya imani ya Kiislamu. Bila shaka hadi hapa tupo pamoja. Tukija upande wa Biblia Takatifu; siku ya JUMAMOSI ni siku ya SABA katika JUMA. Hapa ndipo tunawapata Wakristo wenye imani ya USABATO, wao siku hiyo ni SIKU YA SABATO (PUMZIKO) kwao. Wao hupumzika siku nzima bila kufanya kazi yo yote kwa kuwa ni marufuku kwao kufanya kazi katika siku hiyo. Wasabato hiyo ni siku maalumu kwa ibada tu. Bali Wakristo wasio na imani ya Kisabato wao huendelea na kazi zao kama kawaida. Tukija upande wa WAPAGANI, wao siku ya JUMAMOSI wameipa jina la SATURDAY. Kwao WAPAGANI ni siku maalumu ya kuabudu sayari ya SATURN. Wapo wapagani waliokuwa wanaabudu sayari ya “SATURN” ndiyo maana siku hiyo wakaipa jina la “SATUR - DAY” (yaani Siku ya Saturn). Tukimalizia siku ya JUMAPILI: Kwa mujibu wa mafundisho ya Kiislamu siku ya JUMAPILI kwao ni siku ya PILI katika JUMA. Lakini kwa mujibu wa Biblia Takatifu; siku ya JUMAPILI ni SIKU YA KWANZA YA JUMA. Je! Tunalitambuaje hili? Biblia Takatifu inasema: "Hata Sabato ilipokwisha, ikipambazuka siku ya kwanza ya juma... Yesu aliyesulibiwa... Amefufuka katika wafu..." - (Mathayo 28:1,5,7) Ndiyo maana wapo Wakristo wanaofanya ibada katika siku hiyo ya kwanza ya juma. Tukiingia kwenye upande wa WAPAGANI siku ya JUMAPILI wao wameipa jina la “SUNDAY” yaani ni “SIKU ya JUA” (SUN). Wapo wapagani ambao wanaabudu JUA. Ndiyo maana siku hiyo wakaiita “SUN - DAY”. Mpendwa msomaji; je! Umewahi kujiuliza kwa nini ndani ya Biblia Takatifu hakuna neno Jumatatu (Monday), Jumanne (Tuesday), Jumatano (Wednesday), Alhamisi (Thursday), Ijumaa (Friday), Jumamosi (Saturday), wala Jumapili (Sunday)? Bali utaona kwenye Biblia Takatifu pameandikwa Siku ya Kwanza, Siku ya Pili, Siku ya Tatu… Siku ya Saba? - (Mwa 1:5,8,13,19,23,31; Mathayo 28:1). Bila shaka ufafanuzi nimeshautoa hapo juu. Hadi kufikia hapo itakuwa imeeleweka vizuri kuhusu SIKU NA MAJINA YAKE. Sasa basi napenda moja kwa moja tujifunze kwa undani kuhusu mgawanyiko huu uliopo katika watu wa imani ya UKRISTO wa leo kwa kuanzia na WAKRISTO WENYE IMANI YA SABATO, kisha tutajifunza kuhusu WAKRISTO WANAOSALI SIKU YA KWANZA YA JUMA.

AGANO LA SABATO

WAKRISTO WENYE IMANI YA SABATO Neno SABATO linatokana na neno la lugha ya Kiebrania liitwalo SHABBATH, au SABBATON kwa lugha ya Kiyunani, likiwa na maana ya "KUKOMA, au KUTULIA, au KUSTAREHE au PUMZIKO." Kwa asili SABATO ilianzia pale Mungu alipomaliza kazi ya uumbaji. Biblia Takatifu inasema kwamba: "Na siku ya saba Mungu alimaliza kazi yake yote aliyoifanya; akastarehe siku ya saba, akaacha kufanya kazi yake yote aliyoifanya. Mungu akaibarikia siku ya saba, akaitakasa kwa sababu katika siku hiyo Mungu alistarehe, akaacha kufanya kazi yake yote aliyoiumba na kuifanya." - (Mwanzo 2:2-3) Kama tulivyotangulia kujifunza maana ya SABATO ni "KUKOMA, au KUTULIA, au KUSTAREHE, au PUMZIKO" ndiyo maana tumeona "...Mungu alistarehe, akaacha kufanya kazi yake yote aliyoiumba..." - (Mwanzo 2:2-3). Mungu mwenyewe alipumzika "...alistarehe..." baada ya kumaliza kazi Yake ya uumbaji. Kutokana na umuhimu wa kupumzika Kwake; Mungu akaitakasa siku hiyo ya saba. Neno "TAKASA" maana yake ni "KUWEKA WAKFU au KUTENGA KWA AJILI YA MATUMIZI MATAKATIFU. Baada ya uumbaji, kuanzia wakati wa Adamu hadi Yusufu mwana wa Yakobo (Israeli), kwa wakati huo wanadamu hawakuwa na amri ya kuiadhimisha siku ya SABATO. Kwao siku zote zilikuwa sawa. Lakini, SABATO kwa wana wa Israeli ilianzia wakati wa Musa. Biblia Takatifu inasema kwamba: "Ikumbuke siku ya Sabato uitakase. Siku sita fanya kazi, ...lakini siku ya saba ni Sabato ya BWANA, Mungu wako, siku hiyo usifanye kazi yo yote, wewe, wala mwana wako, wala binti yako, wala mtumwa wako, ...wala wanyama wako.., ..wala mgeni aliye ndani ya malango yako." (Kutoka 20:8-10) Hapo Mungu anampa Musa amri ya kuikumbuka siku ya Sabato kwa kutokufanya kazi yo yote yeye wala wana wa Israeli wala wageni wo wote walio katika miji yao. Mungu alisema hivyo kwa sababu kuu mbili, nazo ni zifuatazo: (a) Kuiweka siku hiyo kwa ajili ya kumwabudu Mungu badala ya wana wa Israeli kuitumia siku hiyo kwa kazi zao binafsi. (b) Wapumzike kutokana na kazi walizozifanya kwa mfululizo wa siku sita ili wapate nguvu mpya itakayowaongezea ufanisi wa kufanya kazi katika siku sita nyingine zinazofuatia. Hilo ndilo lilikuwa lengo la Mungu kuwaambia wana wa Israeli wawe na siku ya SABATO (PUMZIKO). Tunapozungumzia Sabato ya wana wa Israeli, ni pana sana na inaadhimishwa tofauti kabisa na jinsi ambavyo wanafanya Wasabato wa leo. Kwa wana wa Israeli, siku ya Sabato iliwekwa wakfu kwa ajili ya Mungu, ilikuwa ishara kwamba watu wale waliunganishwa na Mungu kwa njia ya Agano (mapatano). Vile vile Sabato ya wana wa Israeli haikuwa Sabato ya siku tu (yaani kupumzika tu katika kila siku ya saba ya juma), bali wana wa Israeli walikuwa na SABATO YA SIKU (kupumzika siku ya saba ya kila juma,) walikuwa na MWAKA WA SABATO, na pia walikuwa na SABATO YA MASHAMBA. Sabato hizo zote zina sheria zake ambazo walilazimika kuzitekeleza.  Sabato kwa wana wa Israeli ilikuwa ni ifuatavyo: i/: Mtu aliyefanya kazi siku hiyo alihukumiwa kifo. Ni marufuku kabisa kufanya kazi siku ya Sabato. Kulingana na torati, ni marufuku mtu kufanya kazi yo yote katika siku ya Sabato. Endapo mtu ye yote akikiuka agizo hilo, alihukumiwa adhabu ya kifo (aliuawa). Mungu anasema kwamba: "Basi mtaishika hiyo Sabato; kwa kuwa ni takatifu kwenu; kila mtu atakayeitia unajisi hakika yake atauawa; ...Kila mtu atakayefanya kazi yo yote katika siku ya Sabato, hakika yake atauawa." - (Kutoka 31:14-15) Hayo ndiyo maneno ya Mungu Mwenyewe wala si maneno yangu mimi au ya Musa, bali ni Mungu Mwenyewe. Kwa kila mtu aliyeinajisi Sabato; hapakuwa na majadiliano wala kuomba msamaha, bali hukumu hiyo utolewa hapo hapo. Na pia kwa msisitizo neno la Mungu linasema: "...wana wa Israeli wataishika Sabato, kuiangalia sana hiyo Sabato katika vizazi vyao vyote, ni agano la milele." - (Kutoka 31:16) Hadi hapo napenda niulize swali. Je! Wasabato wa leo wanawaua watu wote wafanyao kazi yo yote katika siku ya Sabato? Je! Wasabato wa leo wanaua kila mtu anayenajisi siku ya Sabato? Je! Wasabato wa leo wanatii amri ya Mungu au wameshika mafundisho ya nani? Majibu yote tutayafahamu huko mbeleni katika somo hili. Sheria nyingine ya Sabato ni hii ifuatayo: ii/: Wanyama wote wa kufugwa watumikao katika kufanya kazi; mfano farasi, ng'ombe, punda, n.k pia nao walipaswa kupumzika siku ya Sabato. Neno la Mungu linasema kwamba: "...siku ya saba ni Sabato ya BWANA, Mungu wako, siku hiyo usifanye kazi yo yote, wewe, wala mwana wako, wala binti yako, wala mtumwa wako, wala mjakazi wako, wala mnyama wako wa kufuga, wala mgeni aliye ndani ya malango yako." - (Kutoka 20:10) Kwahiyo si wanyama tu waliopaswa kupumzika kwenye siku ya Sabato, bali pia wote hawa walitakiwa wasifanye kazi: "...wewe, wala mwana wako, wala binti yako, wala mtumwa wako, wala mjakazi wako, wala mnyama wako wa kufuga, wala mgeni aliye ndani ya malango yako." Hivyo ndivyo jinsi sheria ya Sabato ilivyo. Labda niulize swali: Je! Wasabato wa leo wanafanya hivyo?  iii/: Nchi ya mashamba, ilipumzishwa baada ya kulimwa kwa mfululizo wa miaka sita. Ule mwaka wa saba unaitwa mwaka wa Sabato kwa ajili ya mashamba. Neno la Mungu linasema kwamba: "Panda shamba lako miaka sita, ...na kuyachuma matunda yake; lakini katika mwaka wa saba itakuwa ni Sabato ya kustarehe kabisa kwa ajili ya hiyo nchi, ...usipande shamba lako, wala usipelee shamba lako... Hicho kimeacho chenyewe.., usikivune, ...utakuwa mwaka wa kustarehe kabisa kwa ajili ya hiyo nchi." - (Walawi 25:3-5) Hapo tunaona Mungu anasema "...mwaka wa saba itakuwa ni Sabato ...usipande shamba lako, wala usipelee shamba lako...utakuwa mwaka wa kustarehe kabisa kwa ajili ya hiyo nchi." Niulize swali jingine tena hapa: Je! Wasabato wa leo wanafanya hivyo?  Kama jibu ni "HAWAFANYI HIVYO." Je! Nani amewapa amri ya kupunguza sheria za Mungu kwa kuchagua yale machache wayatakayo alafu wakayaboresha? Je! Huko ni kushika sheria ya Mungu au ni kushika mafundisho ya wanadamu? Sheria nyingine ya Sabato ni hii ifuatayo: iv/: Kuwasamehe wenye madeni wote unao wadai. Hiyo ni amri wala si hiari. Mungu anasema kwamba: "Kila miaka saba, mwisho wake, fanya maachilio. Na jinsi ya maachilio ni hii, kila mkopeshaji na akiache alichomkopesha mwenzake, wala asimlipize mwenziwe wala nduguye; kwa kuwa imepigwa mbiu ya maachilio ya BWANA." - (Kum 15:1-2) Hapo neno "...maachilio..." limetumika kumaanisha "...samehe..." kila deni unalodai kwa ndugu yako au kwa mwenzako ye yote yule. Ndiyo maana hapo Mungu anasema: "...kila mkopeshaji na akiache alichomkopesha mwenzake, wala asimlipize mwenziwe wala nduguye..." Mbiu hiyo ya maachilio hupigwa kila mwishoni mwa miaka saba. Hapa napo tena niulize swali: Je! Wasabato wa leo wanafanya hivyo? Na pia, Sheria nyingine ya Sabato ni hii ifuatayo: v/: Makuhani katika mwaka wa Sabato, walipaswa kuwakusanya watu wote kwa ajili ya kuwasomea sheria (Torati) hadharani, ili kuwakumbusha watu wajibu wao kwa Mungu. Masomo yale yalitekelezwa mahali rasmi pa ibada ambapo watu walikusanyika ili washerehekee sikukuu ya Vibanda. Biblia inasema: "Musa akaiandika torati hii, akawapa makuhani, ...na wazee wote wa Israeli. ...akawaamuru, ...Mwisho wa kila mwaka wa saba, wakati wa maachilio, wakati ulioamriwa wa sikukuu ya vibanda, ...Wakusanye watu, wanaume na wanawake na watoto, na mgeni ...wapate kusikia na kujifunza, na kumcha BWANA, Mungu wenu, na kuangalia kutenda maneno yote ya torati hii..." - (Kum 31:9-13) Biblia Takatifu inaposema "...WAPATE KUSIKIA NA KUJIFUNZA, ...NA KUANGALIA KUTENDA MANENO YOTE YA TORATI HII..." Maana yake ni kwamba kila kilichomo ndani ya torati ni lazima kukitekeleza pasipo kupunguza neno wala kuongeza neno. Je! Wasabato wa leo wanafanya hivyo? SABATO ni amri inayopatikana ndani ya TORATI. Na pia tunapozungumzia “TORATI” maana yake ni “SHERIA” yote ambayo ndani yake tunakuta kipenyere cha Sabato. Kwa maneno ya sasa tunaweza kuifananisha TORATI na KATIBA alafu SABATO ni IBARA iliyomo ndani ya KATIBA. Biblia inalitumia neno TORATI au SHERIA kwa mtazamo mbali mbali; Upo wakati limetumiwa kwa maana ya amri au maagizo na maelezo ya jumla ambayo yametolewa na Mungu, au na wazazi, serikal, au walimu (Mwa 26:5; Kut 18:20; Zab 119:18-20, 51-61; Mhu 3:1; 6:20), mara nyingine linahusika kutaja Agano la Kale kwa ujumla, na pia mara nyingine linakuwa linataja kwa sehemu ya Agano la Kale tu hususani vile vitabu vitano vya Musa (Mt 5:17; Lk 24:44; Yn1:45; 15:25) ambavyo vilijulikana kwa jina la PENTATUKI. Jina hili "PENTATUKI" linatokana na maneno mawili ya lugha ya Kiyunani (Kigiriki) nayo ni "PENTA" maana yake ni "TANO", na neno "TEUCHOS" maana yake ni "KITABU". Waebrania waliiita PENTATUKI yote SHERIA au TORATI. Vitabu hivyo ni MWANZO (GENESIS), KUTOKA (EXODUS), WALAWI (LEVITICUS), HESABU (NUMBER) na KUMBUKUMBU LA TORATI (DEUTERONOMIUM). Hiyo ndiyo  maana halisi ya TORATI au SHERIA ilivyo ki mtazamo wa Biblia. Kwa hiyo tumeona Biblia inasema: "Musa akaiandika torati hii, akawapa makuhani, ...na wazee wote wa Israeli. ...akawaamuru, ...Mwisho wa kila mwaka wa saba, wakati wa maachilio, wakati ulioamriwa wa sikukuu ya vibanda, ...Wakusanye watu, wanaume na wanawake na watoto, na mgeni ...wapate kusikia na kujifunza, na kumcha BWANA, Mungu wenu, na kuangalia kutenda maneno yote ya torati hii..." - (Kum 31:9-13) Torati hiyo ni maagizo na amri zote zilizomo katika vitabu vyote vitano (PENTATUKI); hiyo ndiyo ambayo waliamuriwa kuishika pasipo kuongeza wala kupunguza neno lo lote lile. Pia tunaona Mungu anamwambia Musakwamba: "Wakusanye watu, wanaume na wanawake na watoto, na mgeni wako aliyemo malangoni mwako wapate kusikia na kujifunza, na kumcha BWANA, Mungu wenu, na kuangalia kutenda maneno yote ya torati hii." - (Kum 31:12) Maana yake ni kwamba, wote wanalazimika kusikia, kujifunza, kumcha Mungu, na kutenda maneno yote ya hiyo sheria ambayo Musa amepewa na Mungu. Endapo ukiishi kwa kushika torati / sheria ni makosa kabisa kubagua cha kushika kulingana na matakwa yako binafsi; kwa maana imeandikwa: "Na alaaniwe asiyeyaweka imara maneno ya torati hii kwa kuyafanya. Na watu wote waseme, Amina." - (Kum 27:26); na pia ni makosa kuongeza wala kupunguza neno lo lote lie ambalo Mungu ameamuru lifanywe. Kwa maana Mungu anasema: "Msiliongeze neno niwaamurulo wala msilipunguze, mpate kuzishika amri za BWANA, Mungu wenu, niwaamuruzo." - (Kum 4:2) Hivyo basi, Sabato ni moja kati ya amri za Mungu zilizomo ndani ya TORATI. Pia Sabato ni pana sana na inazo sheria zake kama jinsi tulivyojifunza hapo awali. Kwa maneno ya sasa tunaweza kuifananisha TORATI na KATIBA alafu SABATO ni IBARA iliyomo ndani ya KATIBA. Kwa mara nyingine tena niulize swali; Je, Wasabato wa leo wanatekeleza yote yaliomo ndani ya torati kama jinsi Mungu alivyo amuru? Endapo kama - Hawatekelezi! JE! ASILI YA WASABATO WA LEO NI IPI? Kumbuka Waswahili husema: "Ukweli usioujua hauwezi kukusaidia." Nami pia nasema kwamba: "Uongo usioujua ni vigumu kuuepuka." Lengo kuu la kujifunza ni kuifahamu kweli yote; Lakini zingatia kwamba: "Hauta elewa mpaka pale utakapo funguka akili; na hautafunguka akili mpaka pale utakapoikubali kweli." HISTORIA YA CHIMBUKO LA WASABATO WA LEO. Bila shaka kama umefatilia vizuri somo hili utakuwa unaelewa vizuri maana ya neno SABATO kwa mtazamo wa ki-Biblia. Sasa basi; Wasabato wa leo wanajulikana kwa jina la "Waadventista Wasabato" yaani "Seventh Day Adventists". Tofauti na Wakristo wengine: - Wasabato wa leo (SDA) wao siku yao ya ibada ni siku ya saba ya juma (Jumamosi ya kisasa ambayo kwa mujibu wa Biblia Takatifu ndiyo siku ya saba ya juma yaani SABATO).  - Woa wanazuiwa kula baadhi ya vyakula ambavyo vinaliwa na Wakristo wa madhehebu mengine. (huko mbeleni katika somo hili tutajifunza kuhusu vyakula). IMANI YA WASABATO WA LEO (SDA) ILIANZA KAMA IFUATAVYO: Waasisi (waanzilishi) wa imani hiyo ni: i/: William Miller Alizaliwa mwaka 1782 katika mji wa Pittsfield, Massachusetts, Marekani na alifariki mwaka 1849. Alizaliwa kwenye familia ya Kikristo lakini aliuacha (aliasi imani ya Ukristo) alipokuwa kijana. Hakuiamini Biblia Takatifu kuwa ni Neno la Mungu. Katika mwaka wa 1816 aliongoka na kuurudia Ukristo, akapenda kusoma unabii kwa kina uliohusu kurudi kwa Yesu Kristo. Kutokana na kujifunza kwake unabii, alishawishika kwamba mwisho wa dunia (Kiyama) ingakuwa mwaka wa 1843. Ulipofika mwaka 1831 alitangaza hadharani maono ya unabii aliokuwanao kuhusu mwisho wa dunia. Akapata umahalufu sana sehemu nyingi na hatimaye akawa mhubiri wa dhehebu la KIBAPTISTI. Kutokana na kwamba mwisho wa dunia unaambatana na kurudi kwa Yesu Kristo ambako kwa lugha ya Kiingereza huitwa "Christ's Advent", wafuasi wake walianza kujulikana kama "Adventists" au "Waadventista"; yaani "Watarajiao kurudi kwa Kristo." Ikumbukwe kwamba: William Miller alikuwa ni mhubiri wa dhehebu la KIBAPTIST, na hadi kufa kwake kamwe hakuwahi kuwa muumini wa dhehebu la Waadventista Wasabato (SDA) kwa sababu yeye alifariki hata kabla ya dhehebu hilo kuanzishwa; lakini mafundisho yake yamekuwa nguzo katika uasisi wa dhehebu la Waadventista Wasabato (SDA) kama jinsi tutakavyojifunza huko mbeleni katika somo hili. William Miller alikuwa ni Madventista wala si Msabato. William Miller alishawishika kufundisha kwamba mwisho wa dunia (Kiyama) ingekuwa mwaka 1843 kutokana na jinsi yeye alivyotafsiri andiko la kitabu cha DANIELI 9:24-27. Biblia Takatifu inasema: “Muda wa majuma sabini umeamriwa juu ya watu wako, na juu ya mji wako mtakatifu, ili kukomesha makosa, na kuishiliza dhambi, na kufanya upatanisho kwa ajili ya uovu, na kuleta haki ya milele, na kutia muhuri maono na unabii, na kumtia mafuta Yeye aliye mtakatifu. Basi ujue na kufahamu, ya kuwa tangu kuwekwa amri ya kutengeneza na kuujenga upya Yerusalemu  hata zamani zake Masihi aliye Mkuu; kutakuwa na majuma saba; na katika majuma sitini na mawili utajengwa tena pamoja na njia kuu zake na handaki, naam, katika nyakati za taabu. Na baada ya yale majuma sitini na mawili, Masihi atakatiliwa mbali, naye atakuwa hana kitu; na watu wa mkuu atakayekuja watauangamiza mji, na patakatifu; na mwisho wake utakuwa pamoja na gharika, na hata mwisho ule vita kuwepo; ukiwa umekwisha kusudiwa. Naye atafanya agano thabiti na watu wengi kwa muda wa juma moja; na kwa nusu juma hiyo ataikomesha sadaka na dhabihu; na mahali pake litasimama chukizo la uharibifu; na hivyo, hata ukomo, na ghadhabu iliyokusudiwa imemwagwa juu yake mwenye kuharibu.” - (Dan 9:24-27) Unabii huo wa Danieli unahusu majuma sabini yaliyowekwa kwa ajili ya watu wa Mungu, na mwanzo wa majuma hayo ni tangu kujengwa upya kwa mji wa Yerusalemu, hadi kukatiliwa mbali kwa Masihi.

DANIELI 9:25-27

IFUATAYO NI TAFSIRI POTOFU YA ANDIKO LA DANIELI 9:25-27. Tukirudi kwa upande wa William Miller: Yeye William Miller alitafsiri kule kujengwa upya kwa Yerusalemu ni pale palipoelezwa kwenye kitabu cha EZRA 7:11-26 (unaweza kusoma andiko hilo kwenye Biblia Takatifu kwa muda wako), ambao ulikuwa mwaka wa 457 k.K. William Miller naye pia akatafsiri katika unabii siku moja ni sawa na mwaka mmoja; kwa hiyo majuma 70 ni sawa na miaka 490 kwa mujibu wa hesabu za kinabii. Alichukua mwaka 457 k.K akajumlisha miaka 490 akapata mwaka 33 b.K ambao ndiyo mwaka aliosulibiwa Yesu na kufa msalabani (lakini kinabii hesabu yake hiyo inagoma, kwani ukichukua mwaka 457 k.K ukajumlisha 490 utapata mwaka 34 b.K kwa sababu hakuna mwaka 0 b.K). William Miller akatafsiri unabii huo kwa namna hiyo. Kisha baada ya hapo; William Miller akasoma DANIELI 8:13-14, akaona hapo kuna watakatifu wawili wakijadiliana: "...mtakatifu mmoja akinena, na mtakatifu mwingine akamwuliza huyo aliyenena, Haya maono katika habari ya sadaka ya kuteketezwa ya daima, na lile kosa lifanyalo ukiwa, yataendelea hata lini, kukanyagisha patakatifu na jeshi? Akamwambia, Hata nyakati za jioni na asubuhi elfu mbili na mia tatu; ndipo patakatifu patakapotakaswa." - (Dan 8:13-14) Andiko hilo linaongelea juu ya kutakaswa kwa patakatifu kwa kipindi cha "...nyakati za jioni na asubuhi elfu mbili na mia tatu..." Kwa hiyo William Miller akatafsiri maana ya patakatifu kutakaswa ni dunia hii iliyochafuliwa na dhambi, na utakaso huo utakuwa ndiyo hukumu (Kiyama). Hivyo basi, kwa kutumia kanuni ile ile ya unabii ambayo siku moja ni sawa na mwaka mmoja; William Miller alichukua hizo asubuhi na jioni 2300 akazihesabu ni sawa na miaka 2300. Pia Akachukua mwaka 457 k.K akajumlisha miaka 2300 akapata mwaka wa 1843 b.K (lakini kinabii nayo hii hesabu yake inagoma, kwani ukichukua mwaka 457 k.K ukajumlisha 2300 utapata mwaka 1844 b.K kwa sababu hakuna mwaka 0 b.K). Na kwa upotofu wake yeye William Miller akaamini mwaka huo wa 1843 ndiyo ambao Yesu Kristo angerudi na ungekuwa mwisho wa dunia (Kiyama). Ingawa mwanzoni William Miller hakutaja tarehe rasmi ya kurudi kwa Yesu, lakini baadaye alipata ujasiri wa kutangaza hadharani kwamba Yesu angerudi tarehe 21 Machi 1843. Lakini tarehe na mwaka huo ulivyopita, William Miller akabadiri tena unabii wake na akasema itakuwa tarehe 21 Machi 1844 (hapo inaonyesha alikiri kukosea hesabu yake ya awali ya kinabii.) Kinyume na jinsi vile alivyotarajia, siku hiyo nayo ilifika na kupita pasipo unabii wake kutimia. Kisha ndipo mfuasi wa karibu wa William Miller aitwaye Samweli Snow alipata ujasiri zaidi na kutangaza Yesu angerudi tarehe 22 Oktoba mwaka 1844 saa sita usiku (yeye mwenyewe anajua alipoyatoa hayo mafunuo.) Samweli Snow akasema katika siku hiyo parapanda ingepigwa, mbingu zingekunjwa kama ukaratasi, na Yesu angekuja katika utukufu mwingi. Waadventista wengi walibadili tabia zao kwa hofu ya Mungu zaidi ya zamani, baadhi ya wafanya biashara na wakulima waliuza mali na mashamba yao na kuwapa masikini pesa zao. Lakini; siku hiyo nayo ilifika, kisha ikapita pasipo unabii ule kutimia. Siku hiyo kwa Waadventista ikawa ni "THE DAY OF GREAT DISAPPOINTMENT" au kwa lugha ya Kiswahili "SIKU YA KUVUNJIKA MOYO". Zingatia neno hili, Bwana Yesu anasema kwamba: "But of that day and hour knoweth no man, no, not the angels of heaven, but My Father only." - (Matthew 24:36 - KJV) Tafsiri yake kwa Kiswahili ni hii: "Walakini habari ya siku ile na saa ile hakuna mtu aijuaye, hata malaika walio mbinguni, ila Baba Yangu pekee."  Mungu anasema: "Watu Wangu wanaangamizwa kwa kukosa maarifa; kwa kuwa wewe umeyakataa maarifa, Mimi nami natakukataa wewe..." - (Hosea 4:6) Maarifa hayo ni neno la Mungu. Bwana Yesu amesema kwa uwazi kabisa kwamba: "Walakini habari ya siku ile na saa ile hakuna mtu aijuaye, hata malaika walio mbinguni, ila Baba Yangu pekee." Vile vile Biblia Takatifu inatuambia kuwa neno la Mungu la kinabii halitafsiriwi kama apendavyo mtu binafsi. Endapo kama unayo nia ya dhati kuifahamu kweli, basi zingatia kwamba: "Hauta elewa mpaka pale utakapo funguka akili; na hautafunguka akili mpaka pale utakapoikubali kweli." Hivyo basi William Miller alikiri kukosea kwake, lakini akawasihi wafuasi wake wajue tu kwamba Yesu Kristo atarudi upesi. Ifahamike kwamba; hadi kufa kwake alikuwa ni Mbaptisti ambao wao wanasali siku ya kwanza ya juma (yaani Jumapili au Sunday ya kisasa) Alizaliwa mwaka 1782 b.K na kufariki mwaka 1849 b.K. Huko mbeleni tutaona jinsi mafundisho hayo ya Williamu Miller ambayo baadae yakatumiwa na Samweli Snow, na tena huko mbeleni tutaona jinsi yanavyotumika sasa kwa Waadventista Wasabato wa leo. Mtu mwingine aliyehusika katika uanzilishi wa imani ya Waadventista Wasabato ni huyu: ii/: Hiram Edson Mtu huyu alikuwa mmoja kati ya wafuasi wa William Miller. Baada ya SIKU YA KUVUNJIKA MOYO, Hiram Edson pamoja na baadhi Waadventista walibaki kumwomba Mungu usiku kucha. Walimwomba Mungu awape ishara kwa nini Yesu akurudi kama walivyo tegemea. Asubuhi yake waliondoka kwenda kuwafariji wenzao kutokana na huzuni iliyowapata. Wakiwa njiani, Hiram Edson alidai alipata ufunuo wa yaliyofanyika siku hiyo ya tarehe 22 Oktoba 1844. Aliwaambia kwamba; alioneshwa hekalu la mbinguni ambalo lina mfano wa hekalu la duniani. Hekalu hilo lina sehemu mbili ambazo ni ; i/: PATAKATIFU, na ii/: PATAKATIFU PA PATAKATIFU.