IMANI KALI

<< Matendo Ya Mitume 14 >> Acts 14 Swahili NT   1 Kule Ikonio, mambo yalikuwa kama yalivyokuwa kule Antiokia; Paulo na Barnaba walikwenda katika sunagogi la Wayahudi wakaongea kwa uhodari hata Wayahudi wengi na Wagiriki wakawa waumini. 2 Lakini Wayahudi wengine waliokataa kuwa waumini walichochea na kutia chuki katika mioyo ya watu wa mataifa mengine ili wawapinge hao ndugu. 3 Paulo na Barnaba waliendelea kukaa huko kwa muda mrefu. Waliongea kwa uhodari juu ya Bwana, naye Bwana akathibitisha ukweli wa ujumbe walioutoa juu ya neema yake, kwa kuwawezesha kutenda miujiza na maajabu. 4 Watu wa mji huo waligawanyika: wengine waliwaunga mkono Wayahudi, na wengine walikuwa upande wa mitume. 5 Mwishowe, baadhi ya watu wa mataifa mengine na Wayahudi, wakishirikiana na wakuu wao, waliazimu kuwatendea vibaya hao mitume na kuwapiga mawe. 6 Mitume walipogundua jambo hilo, walikimbilia Lustra na Derbe, miji ya Lukaonia, na katika sehemu za jirani, 7 wakawa wanahubiri Habari Njema huko. 8 Kulikuwa na mtu mmoja huko Lustra ambaye alikuwa amelemaa miguu tangu kuzaliwa, na alikuwa hajapata kutembea kamwe. 9 Mtu huyo alikuwa anamsikiliza Paulo alipokuwa anahubiri. Paulo alimtazama kwa makini, na alipoona kuwa alikuwa na imani ya kuweza kuponywa, 10 akasema kwa sauti kubwa, "Simama wima kwa miguu yako!" Huyo mtu aliyelemaa akainuka ghafla, akaanza kutembea. 11 Umati wa watu walipoona alichofanya Paulo, ulianza kupiga kelele kwa lugha ya Kilukaonia: "Miungu imetujia katika sura za binadamu!" 12 Barnaba akaitwa Zeu, na Paulo, kwa vile yeye ndiye aliyekuwa anaongea, akaitwa Herme. 13 Naye kuhani wa hekalu la Zeu lililokuwa nje ya mji akaleta fahali na shada za maua mbele ya mlango mkuu wa mji, na pamoja na ule umati wa watu akataka kuwatambikia mitume. 14 Barnaba na Paulo walipopata habari hiyo waliyararua mavazi yao na kukimbilia katika lile kundi la watu wakisema kwa sauti kubwa: 15 Ndugu, kwa nini mnafanya mambo hayo? Sisi pia ni binadamu kama ninyi. Na, tuko hapa kuwahubirieni Habari Njema, mpate kuziacha hizi sanamu tupu, mkamgeukie Mungu aliye hai, Mungu aliyeumba mbingu na nchi, bahari na vyote vilivyomo. 16 Zamani Mungu aliruhusu kila taifa lifanye lilivyopenda. 17 Hata hivyo, Mungu hakuacha kujidhihirisha kwa mambo mema anayowatendea: huwanyeshea mvua toka angani, huwapa mavuno kwa wakati wake, huwapa chakula na kuijaza mioyo yenu furaha." 18 Ingawa walisema hivyo haikuwa rahisi kuwazuia wale watu wasiwatambikie. 19 Lakini Wayahudi kadhaa walikuja kutoka Antiokia na Ikonio, wakawafanya watu wajiunge nao, wakampiga mawe Paulo na kumburuta hadi nje ya mji wakidhani amekwisha kufa. 20 Lakini waumini walipokusanyika na kumzunguka, aliamka akarudi mjini. Kesho yake, yeye pamoja na Barnaba walikwenda Derbe. 21 Baada ya Paulo na Barnabas kuhubiri Habari Njema huko Derbe na kupata wafuasi wengi, walifunga safari kwenda Antiokia kwa kupitia Lustra na Ikonio. 22 Waliwaimarisha waumini wa miji hiyo na kuwatia moyo wabaki imara katika imani. Wakawaambia, "Ni lazima sisi sote tupitie katika taabu nyingi ili tuingie katika ufalme wa Mungu." 23 Waliteua wazee katika kila kanisa kwa ajili ya waumini, na baada ya kusali na kufunga, wakawaweka chini ya ulinzi wa Bwana ambaye walikuwa wanamwamini. 24 Baada ya kupitia katika nchi ya Pisidia, walifika Pamfulia. 25 Baada ya kuhubiri ule ujumbe huko Perga, walikwenda Atalia. 26 Kutoka huko walisafiri kwa meli wakarudi Antiokia ambako hapo awali walikuwa wamewekwa chini ya ulinzi wa neema ya Mungu kwa ajili ya kazi ambayo sasa walikuwa wameitimiza. 27 Walipofika huko Antiokia walifanya mkutano wa kanisa la mahali hapo, wakawapa taarifa juu ya mambo Mungu aliyofanya pamoja nao, na jinsi alivyowafungulia mlango watu wa mataifa mengine mlango wa kuingia katika imani. 28 Wakakaa pamoja na wale waumini kwa muda mrefu.

UTHAMANI WA DAMU YA YESU

Damu ya Yesu ina nguvu sana!

Lakini je unajua ni kwa nini ilimwagika katika maeneo tofauti tofauti ya mwili wake? Kwa mfano, tunasoma ya kuwa; “Hata zilipotimia siku nane za kumtahiri, aliitwa jina lake Yesu; …” (Luka 2:21).

Tena imeandikwa katika wakolosai 2:11 ya kuwa: “Katika yeye mmetahiriwa kwa tohara isiyofanyika kwa mikono, kwa kuuvua mwili wa nyama, kwa tohara ya Kristo”.
Hii inaonyesha ya kuwa kutahiriwa kwa Kristo kulikuwa sii tu kwa ajili yake; bali ilikuwa pia kwa ajili yetu sisi tunaomwamini kama mwokozi wetu! Na alipotahiriwa, damu yake ilimwagika!

Jambo hili la kutahiriwa, lilianza wakati wa Ibrahimu (Kama ishara ya mtu kukubali kuingia katika agano na Mungu wa Ibrahimu) Wakati wa kipindi cha Musa, jambo hili liliingizwa kama agizo la Torati. Hili ndilo lililowafanya “baadhi ya madhehebu ya Mafarisayo” waliokuwa wameokoka, kuwaelekeza wale wasiotahiriwa ya kuwa; “msipotahiriwa kama desturi ya Musa hamwezi kuokoka” (Matendo ya Mitume 15: 1,5)
Jambo la kutahiriwa au kutokutahiriwa kwa jinsi ya mwili, lilikuwa chanzo kikubwa sana cha malumbano na kutokushirikiana kwa Kanisa la Mwanzo Mitume walijitahidi kulisuluhisha jambo hili waliloliita “Kongwa juu ya Shingo” (Matendo ya Mitume 15:10), kwa kuweka msisitizo wa damu ya Yesu kusafisha mioyo yetu, na kutupa tohara ya rohoni, na kutupa kukubalika mbele za Mungu kwa kufanana.

Soma katika: Warumi 2: 25 – 29;, Waefeso 2: 11 – 13.
Damu ya Yesu inatupa kuingia katika agano jipya (Luka 22:20),
na kutufanya uzao wa Ibrahimu kwa njia ya Yesu Kristo
(Wagalatia 3:13, 14, 29) -Yesu Kristo alipokuwa anatahiriwa, ilikuwa ni ishara ya kuwa damu yake ina nguvu ya kutuweka mbali na mapokeo ya dini yaliyo kongwa juu ya shingo za watu! Damu ya Yesu ina uwezo wa kutuingiza katika uhusiano na Mungu, kwa njia ya agano jipya! Kwa hiyo, damu ya Yesu inaweza kutumika kuondoa kile kinachofanya wakristo washindwe kushirikiana vyema, kwa sababu tu ya tofauti za mapokeo yao!

Hili limekuwa ni tatizo hata sasa baadhi ya makabila
wamelifanya kama sehemu ya pokeo
kanisani.
Wanapotahiri watoto wao
wanataka na kanisa lihusike

kwaya zikaimbe kwa familia husika.

Wamelishika kama agano
wasijue kuwa ni Kongwa la Utumwa.

MUNGU WANGU WA MBINGUNI AKUBARIKI MPENDWA WANGU

Ni mimi rafiki yako
Ev. ELIMELECK S NDASHIKIWE
+255767445846
+255715445846

elimelck@gmail.com.

KUREJESHEWA NAFASI YAKO

Mwanzo 25: 21-34………Yakobo akamwambia,kwanza niuzie leo haki yako ya mzaliwa wa kwanza……………..Yakobo akamwambia, uniapie kwanza . Naye akamwapia, akamwuzia Yakobo haki yake ya mzaliwa wa kwanza……………. Tunaona historiya ya watoto wawili ambao walikuwa wanapendwa na wazazi wao lakini mtoto mmoja anapenda kuliko mwingine. Tunaona kuwa tangu kipindi cha ibrahimu alikuwa hana mtoto na alipokuja kupata mtoto alikuwa mbarikiwa naye alikuwa ndiye Isaka,naye Isaka anapata mke naye anakuwa tasa kwa muda mrefu alipokuja kupata watoto wawili mapacha Mungu akamwambia una mataifa mawili ndani yako. Mungu aliona wale watoto wawili kuwa mataifa mawili makubwa,taifa moja litamtumikia mwingine naye alikuwa akiimanisha kuwa taifa moja litakuwa hodari na mkubwa atamtumikia mdogo. Mwanzo 27:1-40 Tunaona rebeka anamwambia mwanae mdogo achukue Baraka ya kaka yake na mama anakubari kuchukua laana naye akamchukulia mavazi mazuri ya esau naye yakobo akaenda akachukua baraka ya Esau. Isaka alimpenda Esau kwa sababu alikuwa anakula mawindo yake lakini biblia haijatuambia Rebeka alimpenda Yakobo,huu sio upendo mzuri maana anakula mawindo yake lakini wakati wa baraka alifukuziwa mbali lakini rebeka alimpenda yakobo basi hatuoni alimpendea kwa kitu gani. Esau alikuwa ni mtu wa nyikani na Yakobo alikuwa mtu wa shambani ,mtu wa mtulivu na Isaka alimwamini Esau kwa mapishi kwa namna haipendayo kuliko Rebeka ndio mana alikuwa anapenda chakula Esau naye rebeka alimpenda yakobo kwakuwa esau alichukua nafasi yake ya mapishi. Rebeka aliyashikilia yale maneno ambayo aliambiwa kuwa ndani ya tumbo lako kuna mataifa mawili na mkubwa atamtumikia mdogo. Yakobo alikuwa mkulima na Esau alikuwa mwindaji,yakobo alikuwa hali mbegu lakini esau alikuwa anakula mbegu kwanini maana alikuwa anawinda mawindo na lazima amjerui na kumchinja kulekule porini na kuja na nyama nyumbani ili wale. Leo hii wapo watu wengi wanakula mbegu na wanataka Mungu awabariki,Mungu hawezi kukubariki kwa namna hiyo kama unakula mpaka zaka na dhabihu. Esau aliuza haki yake ya mzaliwa wa kwanza kwaajili ya dengu la siku moja naye akuzingatia baraka ya mzaliwa wa kwanza Kuna wakati watu wanauza Baraka za mzaliwa wa kwanza kwa shetani wakizani kuwa ndio wanaingia kwenye mafanikio uku wakiona kuwa yale waliyatoa kuwa hayana maana sana.

Ni mimi rafiki yako
Ev. ELIMELECK S NDASHIKIWE
elimelck@gmail.com
+255767445846
+255715445846

MSAMAHA NI MLANGO WA MUUJIZA WAKO

Usilipize Kisasi! Unasikia? Hata ikiwa umefanyiwa ubaya wa namna gani, Biblia inafundisha na inakusihi usilipize kisasi kwa huyo aliyekufanyia ubaya. Biblia inasema hivi: "Wapenzi, msijilipizie kisasi, bali ipisheni ghadhabu ya Mungu; maana imeandikwa, kisasi ni juu yangu Mimi, Mimi nitalipa, anena Bwana" (Warumi 12:19) Kuna hasara zinazoweza kukupata ukiamua kulipa kisasi kwa mambo uliyofanyiwa ambayo hayakupendezi. Ikiwa ni masuala ya kikabila, usilipe kisasi. Ikiwa ni masuala ya kidini, usilipe kisasi. Ikiwa ni masuala ya kifamilia, usilipe kisasi. Ikiwa ni masuala ya kikazi, usilipe kisasi. Ikiwa ni masuala ya uhusiano wako na majirani zako, usilipe kisasi.Ndiyo! Usilipe kisasi! Kwa nini? Kwa sababu "imeandikwa kisasi ni juu yangu Mimi; Mimi nitalipa, anena Bwana". Lakini ikiwa utaona ya kuwa Mungu hawezi kukusaidia na ukaamua kujichukulia madaraka ya kujilipiza kisasi hasara zifuatazo hakika zitakupata! Hasara ya Kwanza: UTASHINDWA! Katika jambo lolote lile lililokukasirisha - liwe la kidini, au kikabila, au kifamilia, au kikazi, na kadhalika ukiamua kulipa kisasi utashindwa wewe kwa sababu vita hivyo si vya mwili na wala silaha ambazo Mungu amekupa si za mwili! Tunasema hivi kwa sababu katika 2 Wakorintho 10:3- 5 imeandikwa hivi:"Maana ingawa tunaenenda katika mwili, hatufanyi vita kwa jinsi yamwili; maana silaha za vita vyetu si za mwili, bali zina uwezo katika Mungu hata kuangusha ngome, tukiangusha mawazo na kila kitu kilichoinuka, kijiinuacho juu ya elimu ya Mungu; na tukiteka nyara kila fikra ipate kumtii Kristo". Tena katika kitabu cha Waefeso 6:12 imeandikwa hivi: "Kushindana kwetu sisi si juu ya damu na nyama; bali ni juu ya falme na mamlaka, juu ya wakuu wa giza hili, juu ya majeshi ya pepo wabaya katika ulimwengu wa roho". Uwanja wa mapambano uliyonayo ni "katika ulimwengu wa roho" na mapambano uliyo nayo "si juu ya damu na nyama" - ingawa unaona ya kuwa ni watu na ni binadamu kama wewe wanaokusonga - lakini fahamu hili ya kuwa wanatumiwa tu na ibilisi! Mbinu mojawapo ya shetani anayotumia akitaka kukuangamiza ni kukufanyia kitu kitakachokukasirisha ili uamue kujibu au kushindana kimwili kwa sababu anajua ukishindana "kimwili" au katika mwili utashindwa hakika, maana vita hivyo si vya mwili wala silaha ambazo Mungu amekupa si za mwili! Hasara ya Pili: MATATIZO HAYATAKWISHA! Kumbuka imeandikwa hivi katika kitabu cha Wagalatia 6:7; "Msidanganyike, Mungu hadhihakiwi; kwa kuwa chochote ampandacho mtu. Ndicho atakachovuna". Ikiwa umeamua kulipa kisasi kwa kumfanyia ubaya yule aliyekufanyia - ubaya hautakwisha, kwa sababu utavuna ulichopanda.Ndiyo maana imeandikwa hivi:"Yeye arudishaye mabaya badala ya mema, mabaya hayataondoka nyumbani mwake" (Mithali 17:13) Ukiamua kulipiza kisasi kwa kumfanyia ubaya yule wa nyumbani mwako - Biblia inasema "mabaya hayataondoka nyumbani mwako" Hii ndiyo maana matatizo mengi katika ndoa na katika jamii hayaishi - kwa sababu mtu akifanyiwa ubaya naye analipa kisasi. Ukiamua kulipa kisasi kwa kumfanyia ubaya yule wa nchini mwako ujue hakika mabaya hayataondoka nchini mwako. Hili ndilo lililowapata wenzetu wa nchi za Burundi na Rwanda - kulipizana kisasi - matokeo ni uhasama usiotaka kupotea - pamoja na juhudi zote za kimataifa kutafuta suluhisho. Ukiamua kulipa kisasi kwa kumfanyia ubaya yule wa kazini kwako - fahamu mabaya hayataondoka kazini kwako. Ikiwa ni shuleni - mabaya hayataondoka hapo shuleni. Tena hali ya mwisho inakuwa mbaya zaidi,kila wakati kisasi kinapoendelea kupandwa. Kwa sababu ukiwapa watu ubaya - nawe utapewa ubaya kwa; "kipimo cha kujaa na kushidiliwa, na kusukwa - sukwa - hata kumwagika, ndicho watu watakachowapa vifuani mwenu. Kwa kuwa kipimo kile kile upimacho ndicho mtakachopimiwa (Luka 6:38) Kumbuka ubaya haushindwi na ubaya mwingine, bali unashindwa na wema - kama vile dawa ya chuki si chuki bali upendo! Ndiyo maana Warumi 12:21 inasema; "Usishindwe na ubaya, bali uushinde ubaya kwa wema". Hasara ya Tatu: UNAMZUIA MUNGU KUKUPIGANIA Unaweza ukashangaa, lakini ndivyo ilivyo! Ukiamua kulipa kisasi juu ya tatizo ulilonalo - unamzuia Mungu asikusaidie kulitatua.Mungu hawezi kukusaidia kwa sababu imeandikwa "msijilipize kisasi, bali ipisheni ghadhabu ya Mungu; maana, imeandikwa, kisasi ni juu yangu mimi; mimi nitalipa, anena Bwana". Neno "ipisheni" limeandikwa kwa sababu kulipa kisasi "kunazuia" ghadhabu ya Mungu isipigane upande wako! Tena si hivyo tu lakini ukilipa kisasi unaingilia kazi ambayo si yako! Ni kazi ya Mungu maana anasema "Kisasi ni juu yangu mimi; mimi nitalipa, anena Bwana" Ikiwa kisasi ni juu ya Mungu kulipa, basi huhitaji wewe kulipa. Je, tunakwenda pamoja katika hili? Hatua yako ya kulipa kisasi inazuia mkono wa Mungu kukupigania - kwa hiyo ipishe ghadhabu ya Mungu kwa kutokujilipizia kisasi! Hasara na Nne: UNAJICHUMIA DHAMBI! Unapoamua kulipa kisasi, unajichumia dhambi! Hii ni kwa sababu kulipa kisasi huja kwa njia ya chuki iliyojengeka ndani yako kwa ajili ya mambo mabaya uliyofanyiwa. Huwezi kulipa kisasi bila ya kumchukia huyo unayejilipizia kisasi kwake. Na Biblia inasema hivi: "Kila amchukiaye ndugu yake ni mwuaji: nanyi mnajuaya kuwa kila mwuaji hana uzima wa milele ukikaa ndani yake" (1 Yohana 3:15). Umeona hilo! Chuki huzaa kisasi, na huzaa dhambi ya kuua! Na Isaya 59:2b inasema; "dhambi zenu zimeuficha uso wake msiuone, hata hataki kusikia". Kwa hiyo kama umekwisha lipa kisasi au umekusudia moyoni mwako kulipa kisasi ni muhimu utubu ili Mungu akusamehe na mawasiliano yako na Yeye yawe mazuri. HATUA TANO MUHIMU KATIKA KUSAMEHE Biblia inatuambia kwamba Mungu huyu ambaye amesema anafuta na kuyasahau makosa yetu, kwa ajili yake mwenyewe, anakaa ndani ya watu wote waliompokea. Hebu soma na kutafakari maneno yafuatayo: "Hapa mwanzo kulikuwako Neno, naye Neno alikuwako kwa Mungu, naye Neno alikuwa Mungu. Naye Neno akafanyika mwili, akakaa kwetu, nasi tukauona utukufu wake, utukufu kama wa Mwana pekee atokaye kwa Baba, amejaa neema na kweli. ...... Wote waliompokea aliwapa uwezo wa kufanyika watoto wa Mungu, ndio wale waliaminio jina lake, waliozaliwa,si kwa damu, wala si kwa mapenzi ya mwili, wala si kwa mapenzi ya mtu, bali kwa Mungu" (Yohana 1:1, 14, 12, 13). Yesu Kristo anapoingia ndani ya moyo wako, baada ya wewe kumwamini na kumpokea, unapewa uzima wa milele ndani yako, na unaanza maisha mapya.Imeandikwa kwamba, " Hata imekuwa, mtu akiwa ndani ya Kristo amekuwa kiumbe kipya; ya kale yamepita; tazama! Yamekuwa mapya (2Wakorintho 5:17) Utu mpya unazaliwa ndani yako, maisha, mawazo, matendo, maneno, yanatakiwa kubadilika Yesu Kristo aingiapo ndani yako. Pia, kusamehe kwako kunabadilika kunakuwa kupya.Lakini utaona kwamba watu wengi waliozaliwa mara ya pili, na kumkiri Kristo kuwa ni Bwana na Mwokozi wao, bado wanaendelea kusamehe kama zamani. Biblia inasema " ya kale yamepita, tazama!yamekuwa mapya"(2Wakorintho 5:17). Kwa maneno mengine ni kwamba kusamehe kwako ulivyokuwa unafanya zamani, hakuhitajiki tena, tazama! Kusamehe sasa ni kupya. Tabia ni mpya.Zamani ulisamehe lakini bado ulikumbuka makosa uliyofanyiwa. Tena ulisamehe si kwa ajili yako bali kwa ajili yake aliyekukosea na wakati mwingine ulitaka uthibitisho kwanza kuwa kosa hilo halitarudiwa na ndipo usamehe. Ni lugha ya kawaida kusikia mtu akisema 'nasamehe lakini sitasahau'. Katika maisha mapya utatakiwa usamehe na kusahau kwa ajili yako mwenyewe, ili kuomba kwako kusizuiliwe na baraka zako zisizuiliwe. Kwa kuwa imeandikwa hivi: "Yeye asemaye yakuwa anakaa ndani yake, imempasa kuenenda mwenyewe vile vile kama yeye alivyoenenda" (1Yohana 2:6) Wewe unayesema kwamba una Kristo ndani yako, basi inakupasa kuenenda kama Kristo alivyoenenda alipokuwa hapa duniani katika mwili.Kwa kuwa Kristo alisamehe na kusahau, basi na wewe inakubidi kusamehe na kusahau. Hatua tano zifuatazo zitakupa msingi imara wa kuishi siku zote katika upendo na amani na jirani zako na ndugu zako. Na pia, zitafungua milango mipya ya uhusiano wako na Mungu utakaoinua huduma yako katika kumtumikia Mungu. Na zaidi ya yote zitakuweka huru na magonjwa mengi yanayokusumbua: 1. Fahamu kuwa si wewe bali Kristo. "Nimesulibiwa pamoja na Kristo, lakini ni hai, wala si mimi tena, bali Kristo yu hai ndani yangu; na uhai nilio nao sasa katika mwili, ninao katika imani ya Mwana wa Mungu ambaye alinipenda akajitoa nafsi yake kwa ajili yangu" (Wagalatia 2:20) "basi mkiwa mmefufuliwa pamoja na Kristo, yatafuteni yaliyo juu, Kristo aliko, ameketi mkono wa kuume wa Mungu, yafikirini yaliyo juu, siyo yaliyo katika nchi.Kwa maana mlikufa, na uhai wenu umefichwa pamoja na Kristo katika Mungu" (Wakolosai 3:1-3) Mistari hii michache ni baadhi tu ya ile inayotufunulia mambo yaliyofanyika ndani yetu tulipompokea Kristo kuwa Bwana na Mwokozi wetu.Si wewe unayeishi, bali ni Kristo aliye ndani yako. Na uhai ulio nao sasa, baada ya kuzaliwa mara ya pili, unao katika imani ya Mwana wa Mungu.Soma tena mstari huu:- "..... Kwa maana mlikufa na uhai wenu umefichwa pamoja na Kristo katika Mungu." "Kwa maana mlikufa." Utu wako wa kale, na mtu wa kale ndani yako alikufa siku ulipompokea Kristo maishani mwako. Kilichofuata ni uzima wa Kristo, katika utu mpya ukidhihirishwa katika maisha yako.Sasa unaweza kuelewa kwa nini Yesu Kristo alisema awachukiae ninyi, amenichukia mimi. ( Yohana 15 :18) Mtu akikufanyia ubaya, usione kuwa anakufanyia wewe, ona kama vile Mungu aonavyo kuwa, ubaya huo anafanyiwa Kristo aliye ndani yako.Mtu akikutukana, akikusemea mabaya, akikupiga, fahamu kuwa si wewe anayekufanyia hayo, bali Kristo aliye ndani yako!Kuthibitisha haya Biblia inasema: "Vita hivyo si vyako ni vya Bwana" (2 Mambo ya Nyakati 20:15). Ukiwa na wazo hilo katika roho yako, chukua hatua ya pili ifuatayo: 2. Mpende adui yako Umuombee "Mmesikia kwamba imenenwa, Umpende jirani yako na umchukie adui yako; lakini mimi nawaambia, wapendeni adui zenu, waombeeni wanaowaudhi ...." (Mathayo 5:43, 44) Jambo ambalo liko wazi ni kwamba hakuna msamaha wa kweli pasipo upendo, "Kwa maana jinsi hii Mungu aliupenda ulimwengu hata akamtuma Mwanae ..." (Yohana 3:16) Kilichomfanya Baba Mungu kumtuma Yesu Kristo duniani ni Upendo. Alitupenda sisi mno, alitupenda upeo wakati bado tulipokuwa tungali wenye dhambi. Na kuudhihirisha upendo huo, Yesu Kristo alizaliwa duniani na kufa masalabani ili sisi tupone. Msamaha wa kweli unadhihirisha upendo ulio ndani ya mtu. Pasipokuwa na upendo, kusameheana hakupo. Palipo na upendo wa kinafiki, pia pana kusameheana kinafiki. Kusameheana hakuonekani siku hizi, katika ndoa, kati ya ndugu, kati ya majirani, kati ya watu wa Mungu, KWA SABABU UPENDO WA WENGI UMEKWISHA POA! Watu siku hizi wanafanya kile ambacho Yesu Kristo aliwaambia wasifanye. Yesu alisema, " Wapendeni adui zenu." Lakini, unaona katika watu wa Mungu, chuki imejaa, ndoa zinaharibika kwa sababu ya chuki, undugu unakufa kwa sababu ya chuki. Na ni hao wanaosema kuwa wameokoka na Yesu Kristo yumo ndani yao. Usiwachukie wanaokuudhi, wapende. Yesu Kristo anakuambia watu wa dunia wanawapenda wanaowapenda na kuwachukia wanaowachukia, lakini wewe si wa dunia hii, wapende hata wale wanaokuchukia na ili kuonyesha kuwa unawapenda kweli, uwaombee! Kwa nini Yesu Kristo, alisema "Wapendeni adui zenu, waombeeni wanaowaudhi?" Ni, "Ili mpate kuwa wana wa Baba yenu aliye mbinguni; maana yeye huwaangazia jua lake waovu na wema, huwanyeshea mvua wenye haki na wasio haki Maana mkiwapenda wanaowapenda ninyi, mwapata thawabu gani? Hata watoza ushuru, je! Nao hawafanyi yayo hayo? Tena mkiwaamkia ndugu zenu tu, mnatenda tendo gani la ziada? Hata watu wa mataifa, je? Nao hawafanyi kama hayo?" (Mathayo 5:45- 47). Ulipompokea Kristo, ulipokea upendo mpya ndani yako, unaokuwezesha kufanya mambo ambayo mtu wa kale aliyekuwa ndani yako asingeweza kufanya. Mtu mpya ndani yako ana upendo mpya. Upendo huu mpya, una tabia mpya, na mambo mapya. "Upendo huvumilia, hufadhili, upendo hauhusudu; upendo hautakabari; hautafuti mambo yake; hauoni uchungu; hauhesabu mabaya; haufurahii udhalimu, bali hufurahi pamoja na kweli huvumilia yote; huamini yote; hustahimili yote. Upendo haupungui neno wakati wo wote"(1Wakorintho 13:4 - 8). Upendo huu umo ndani yako, na ndio unaokufanya uwe kiumbe kipya. Ni upendo ulio hai (Warumi 5:5) Ni upendo unamuondolea mtu chuki, uchoyo na ubinafsi. Kwa upendo huu, Bwana Yesu anataka uwapende adui zako, na kuwaombea pia ili wasamehewe na Mungu juu ya makosa waliyoyafanya. Kwa upendo huu fanya yale ambayo ulikuwa huyafanyi zamani. Kama ulikuwa husalimiani na adui yako, chukua hatua ya upendo, msalimie na ikibidi mtembelee nyumbani mwake. Kula pamoja naye, furahi pamoja naye, na omba pamoja naye. Kuna watu wengine hawasalimiani wala kutembeleana na wazazi wao, au baba au mama, kwa sababu ya mambo yaliyofanyika zamani ambayo hawakuyapenda. Sasa, chukua hatua waandikie barua, na uwatembelee kwa maana upendo wa Kristo umekuweka huru, na chuki na kinyongo. Kumbuka unayafanya hayo kwa ajili yako mwenyewe ili maombi yako yakubaliwe mbele za Mungu. Nafahamu kwa jinsi ya mwili, na kwa kutumia akili ya kibinadamu hatua hizo ni ngumu kuchukua. Ni kweli, lakini kumbuka si wewe unayeishi, bali Kristo ndani yako. Na unayaweza yote (pamoja na kuwapenda adui zako) katika yeye akutiaye nguvu (Wafilipi 4:13) Upendo unavunja nguvu za uadui. Usimuone jirani au ndugu ni adui tena. Kama vile wewe ulivyo kiumbe kipya ndani ya Kristo, kwa jicho la upya huo waone adui zako kuwa ni rafiki. Anza uhusiano mpya nao. " Lakini nawaambia ninyi mnaosikia wapendeni adui zenu, watendeeni mema wale ambao wawachukia ninyi wabarikieni wale ambao wawalaani ninyi, waombeeni wale ambao wawaonea ninyi" (Luka 6:27,28) 3. Samehe na Kusahau: Wakati fulani nilikuwa mahali nikifanya semina ya neno la Mungu. Mtu mmoja akanifuata na akaniambia anataka nimuombee. Nikamuuliza; "Nikuombee nini?" Akasema; "Mimi shida yangu ni kwamba naona imani yangu ni ndogo na haikui, na maombi yangu hayajibiwi. Kwa hiyo naona nina shida katika maisha yangu ya kiroho, uniombee". Inawezekana hata wewe una shida ya namna hiyo, kwa hiyo tafakari kwa makini maneno haya. Niliahidi kumuombea baadaye kwa maana muda ulikuwa umekwisha. Siku moja nilipokuwa ninaomba kwa Mungu juu ya shida yake, Bwana akanijibu katika roho yangu kuwa: "Mtu huyo ana matatizo ya ndoa na kuna jambo lililomuudhi. Yeye anafikiri amesamehe, lakini bado ana uchungu moyoni mwake. Mwambie asamehe na kusahau na shida yake itakwisha". Nilipowasiliana naye juu ya jambo hili, alikubali kuwa, ni kweli mwenzie amekuwa akimkosea mara kwa mara katika ndoa yao. Lakini alisema amekwisha msamehe. Nikamuuliza; "Je! mbona basi kila mkikosana unakumbusha makosa ya nyuma?" Akajibu; "Ni kweli, sasa nifanyeje wakati naona kila wakati makosa aliyonifanyia nyuma yakinijia kichwani?" Hili ni tatizo la wengi. Na hujikuta wanasema wamesamehe kumbe bado. Msamaha si jambo la akili ni hatua ya rohoni. Ni uamuzi unaotoka ndani ya moyo wako. "Kisha Petro akamwendea akamwambia, Bwana, ndugu yangu anikose mara ngapi nami nimsamehe? Hata mara saba? Yesu akamwambia, sikuambiii hata mara saba, bali hata saba mara sabini" (Mathayo 18:21, 22) "Na kama akikukosea mara saba katika siku moja, na kurudi kwako mara saba , akisema, nimetubu msamehe. Mitume wakamwambia Bwana tuongezee imani" (Luka 17:4,5). Mistari hii inatuonyesha jinsi kukua kwa imani, kunavyohusiana sana na kusamehe. Wanafunzi walimwambia Bwana Yesu, awaongezee imani. Kwa kuwa walifahamu kwamba, kwa uwezo wao wasingeweza kusamehe kama Kristo anavyotaka. Ni kweli kabisa. Kama vile unavyohitaji imani katika kuomba, vile vile katika kusamehe na kusahau unahitaji imani. Ulipompokea Kristo ulipokea kiasi cha imani (Warumi 12:3) Na ili iongezeke unahitaji kusoma neno la Mungu na kulitenda. Imani huja kwa kusikia Neno la Mungu. (Warumi 10:17). Imani ni ya rohoni na kusamehe ni kwa rohoni. Unawezaje kusamehe na usiyakumbuke uliyofanyiwa? Hilo ndilo tatizo kubwa alilokuwa nalo yule mtu aliyeniambia niomuombee. Na wengi pia wana tatizo la namna hii, na limekwamisha uponyaji na majibu mengine ya maombi yao, wameombewa mara nyingi, lakini bila mafanikio. Kusamehe na kusahau ni kitendo cha imani ambacho ni budi kionekane kwa njia ya matendo ya mtu. Kusamehe ni uamuzi wa mara moja na kusahau ni vita vya imani. Sasa, utaniuliza, Ndugu Mwakasege, utawezaje namna hiyo? Kabla sijakujibu, na mimi nakuuliza swali. Siku ulipotubu dhambi zako, ulikuwa na uhakika gani ya kuwa Mungu amekusamehe wala hazikumbuki dhambi zako tena? Utasema kwa kuwa ukitubu Mungu anasamehe. Ni sawa kabisa. Hata mimi nakubaliana na hilo. Lakini, je! Unaona kuwa Mungu anaweza kukuambia ufanye kitu ambacho anajua huwezi kukifanya? Hapana hata kidogo. Bwana wetu si dhalimu! Anafahamu kuwa WEWE MWENYEWE HUWEZI, LAKINI YEYE KWA KUWA YUMO NDANI YAKO ATAKUWEZESHA KUSAMEHE NA KUSAHAU. Unayaweza yote katika yeye akutiaye nguvu (Wafilipi 4:13) Ukiisha amua kumsamehe mtu hakikisha kwamba hulisemi tena jambo hilo katika kinywa chako. Kumbuka kinywa kinanena yaujazayo moyo (Mathayo 12:34) Na hayo maneno ndiyo yamtiayo mtu unajisi (Mathayo 15:18 - 20) Usitafakari wakati wo wote ule, kosa ulilofanyiwa; mawazo mabaya yanapokujia juu ya kosa ulilofanyiwa, fahamu kuwa ni shetani na nafsi yako tu. Biblia inasema mpingeni shetani naye atawakimbia (Yakobo 4:7) Na wala msimpe nafasi (Waefeso 4:27) Mwambie shetani aondoke na mawazo yake, kwa kuwa hilo kosa umelisamehe na kulisahau. Na wakati huo utafakari nini? "Hatimaye, ndugu zangu, mambo yo yote yaliyo ya kweli, yo yote yaliyo ya staha, yo yote yaliyo ya haki, yo yote yaliyo safi, yo yote ya kupendeza, yo yote yenye sifa njema, ukiwapo wema wo wote, ikiwapo sifa nzuri yo yote, YATAFAKARINI YAYO" (Wafilipi 4:8) "Maana ingawa tunaenenda katika mwili, hatufanyi vita kwa jinsi ya mwili; (maana silaha za vita vyetu si za mwili; bali zina uwezo katika Mungu hata kuangusha ngome;) tukiangusha MAWAZO na kila kitu kilichoinuka, kijiinuacho juu ya elimu ya Mungu; na TUKITEKA NYARA KILA FIKRA ipate kumtii Kristo" (2 Wakorintho 10:3 - 5) Kusahau ni vita vikali vya imani vinavyopiganwa katika mawazo yako. Unaposhinda vita hivi, unajikuta umepiga hatua kubwa ya imani! KWA HIYO KUMBUKA:Unasamehe kwa ajili yako Mwenyewe. Na unasahau makosa uliyokosewa kwa ajili yako mwenyewe. Kumbuka hili kila wakati, unamsamehe aliyekukosea na kuyasahau aliyokukosea kwa ajili yako mwenyewe. Na kila wakati wazo likija kukukumbusha kosa hilo likatae kwa Jina la Yesu. Na USIKUBALI KULISEMA TENA MAISHANI MWAKO. 4. Hasira ipeleke kwenye maombi "Mwe na hasira, ila msitende dhambi jua lisichwe na uchungu wenu bado haujawatoka; wala msimpe Ibilisi nafasi" (Waefeso 4:26, 27) Mwe na hasira, ila msitende dhambi, ni mstari ambao watu wengi wameutumia vibaya. Kutokana na maneno hayo wamefanya vitendo vingi viovu kwa mawazo, maneno na kwa matendo. Biblia haiwezi kujipinga yenyewe. Roho Mtakatifu ndiye aliyewaongoza watu kuandika maandiko hayo Matakatifu. Lakini, soma mistari ifuatayo: "Uchungu wote na ghadhabu na HASIRA na kelele na matukano YAONDOKE KWENU" (Waefeso 4:31) "..... HASIRA ya mwanadamu haitendi haki ya Mungu" (Yakobo 1:20) "Basi matendo ya mwili ni dhahiri, ndiyo haya HASIRA watu watendao mambo ya jinsi hiyo hawataurithi ufalme wa Mungu" (Wagalatia 5:19 -21) Hapa unaona jinsi hasira ilivyofananishwa na uchawi, uasherati, uadui, ibada ya sanamu, na mambo mengine kama hayo ambayo yanamzuia mtu asiurithi ufalme wa Mungu. Na Yesu Kristo akikaza ubaya wa hasira alisema: "Mmesikia watu wa kale walivyoambiwa, Usiue; na mtu akiua, itampasa hukumu. Bali mimi nawaambieni, kila amwoneaye ndugu yake HASIRA itampasa HUKUMU" (Mathayo 5:21, 22) Yesu anasema ukiwa na hasira unastahili hukumu, lakini Roho aliyesema ndani ya Kristo, ni huyo huyo aliyesema ndani ya Paulo kuwa, "Mwe na hasira, ila msitende dhambi". Je! Unafikiri biblia inagongana yenyewe? Hapana! Paulo alikuwa ana maana gani aliposema tuwe na hasira lakini tusitende dhambi? Unawezaje mtu ukawa na hasira lakini usitende dhambi? Kuna uhusiano mkubwa sana kati ya magonjwa na hasira. Ngoja nikueleze jinsi mimi yalivyonitokea. Mara tu mimi nilipompokea Kristo katika roho yangu, kulikuwa na kitu kimoja kilichokuwa kikinisumbua. Ilikuwa mtu akiniudhi nilikuwa nakasirika haraka sana. Na wakati wote nitakuwa nalifikiria jambo hilo moyoni mwangu. Mwisho wake nilikuwa naona uchungu unaingia moyoni mwangu. Sasa kila mara nilipokasirika nilikuwa nashindwa kuomba na mara ninaanza kuumwa homa. Jambo hili lilinisumbua muda mrefu. Kila nikitubu na kumsamehe aliyenikosea, na kuliacha hilo mikononi mwa Mungu; ugonjwa niliokuwa nao ulikuwa unapona. Nilifahamu kitu kimoja kuwa nikiweza kulitatua tatizo la hasira, ugonjwa huo hautaniruida tena. Kwa kuwa ulikuwa unakuja mara tu nikikasirika. Nikawa na tatizo la hasira mikononi mwangu. Kwa hiyo, nikamlilia Mungu katika maombi juu ya shida hii.

WAZAZI MTULEE VEMA

ATHARI ZINAZOMKUMBA MTOTO ANAYELELEWA KWA MALEZI YA MABAVU. Watoto wanaokuwa katika malezi ya kimabavu hujikuta wanafuata sheria kila wakati, hali hii inaweza kuwaletea matatizo mbalimbali kama vile: 1. Tatizo la kutokujiamini. 2. Tatizo la kutowaamini wengine pia. 3. Wakati mwingine watoto huwa na tabia za ukali. 4. Huwa na hofu na wasi wasi mara kwa mara. 5. Watoto kuwa na hali ya ukorofi hasa anapo kuwa nje na wazazi. 6. Kuwa na nidhamu ya uwoga akiwa mtoto na hata akiwa mfanyakazi. MOJA WAPO YA DALILI YA MZAZI ANAYETUMIA MABAVU KULEA WATOTO WAKE UNAJITAHIDI KUDHIBITI TABIA YA MTOTO Badala ya kuwafundisha watoto waweze kujidhibiti wenyewe, wazazi wanaokuwa wanalea kwa kutumia nguvu huwa wanataka kuwadhibiti watoto wao. Watoto wankuwa na nafasi ndogo na uchaguzi mdogo kujaribu kujifunza heshima zao wenyewe. Wanakuwa wanatilia mkazo katika kufuata kanuni bila hata ya kuwepo kwa aina yoyote ya ubunifu wa heshima na utii. Watoto kama hawa wanapoendelea kukua wanakuwa na tabia kama zifuatazo: 1. Ukali kupita kiasi 2. Kuwa na misimamo mikali isiyo na tija wala msingi wowote. 3. Kama ni mke, anakuwa ni mke anayependa kumtawala mumewe kwa kutumia nguvu zaidi ya makubaliano. 4. Kama ni mume pia anakuwa ni mume anayependa kumtawala mkewe kwa kutumia nguvu zaidi ya makubaliano. 5. Mtoto huyu atakapokuwa mzazi atawalea watoto wake vile vile au hata zaidi ya jinsi wazazi wake walivyokuwa wakiwalea kimabavu. 6. Hatakuwa na maamuzi yake binafsi atategemea maamuzi ya wengine zaidi. 7. Mara nyingi maamuzi yake hayatakuwa sahihi atafanya maamuzi yasiyo sahihi mara kwa mara. UTAJIJUAJE KAMA WEWE NI MZAZI UNAYELEA WATOTO WAKO KWA MABAVU? Unajaribu Kuwatia Aibu Watoto Wako Kwa Tabia Zao Mbaya. 1. Wazazi wanaolea kwa mabavu ni wakali, waweza kusema maneno kama “wewe sio msikivu” au “nirudie kukuambia mara ngapi jambo moja ?” 2. . 3. Wazazi hawa wanaweza kuwaita watoto wao majina ya wanyama tena wanyama wenye tabia mbaya. Mfano: Nguruwe wewe, Ngombe mkubwa, Paka au Nyau wewe, nyani au wewe chizi nk. 4. Wazazi hawa hawajali kujenga au kutengeneza uwezo wa mtoto kujitambua wenyewe. Mtoto anakuwa hajajengewa uwezo wa kujitambua na kujikubali mwenyewe. 5. . 6. Kwa ujumla wanadhani kumdhalilisha mtoto ni njia nzuri ya kumfanya awe na ari ya kuwa na tabia njema hapo baadae kumbe ndio uua ule utu wa ndani wa mtoto "low self-esteem" 7. . 8. Wazazi wengine huwazalilisha kwa kuwasema vibaya mbale za watu au mbele za watoto wenzao au hata kuwaadhibu mbele ya watoto wenzao au kundi la watu. Watoto Wanao Kojoa Kitandani na Kudharirishwa na Wazazi. (Kindumbwendumbwe) Kwamfano kuna baadhi ya wazazi mtoto anapokuwa anatabia ya kukojoa kitandani huwapaka masizi na kuwavua nguo na kuwatembeza barabarani na watoto wenzao kuwaimbia "kindumbwendumbwe" huku kundi la watoto wa mtaani wakicheka na kumzungusha mtoto huku na kumwita kikojozi. Huu ni uharibifu mkubwa sana katika moyo wa mtoto. Kama sio neema ya Mungu mtoto huyu anaweza kukua na kidonda hiki kwa miaka mingi sana kwa wengine ni kinyongo mpaka anaingia kaburini ingawa wengine wanakuwa hawasemi wala kuonyesha kinyongo hiki ila wanabakinacho moyoni. Ndio maana watoto waliolelewa katika malezi haya hata wakiwa watu wazima huwa hawana furaha wala mapenzi mema na wazazi wake maana walijeruhiwa jeraha kubwa sana. Mfano: • Mtoto alimuuza baba yake mzazi kwa 20,000Tsh kwa watu waliokuwa wakitafuta kununua viungo vya sehemu za siri za mwanaume. • . • Baba alikuwa anamchukia sana mtoto kiasi kwamba hataki apewe chakula. Mama yake alikuwa anamuibia chakula na kumuwekea kwenye banda la mbwa ili alie huko baba yake asije akamuona anakula chakula. WAZAZI WANAOJUA KUADHIBU TU WATOTO WANAPOKOSEA, LAKINI HAWAJUI KUMPONGEZA MTOTO ANAPOFANYA VIZURI! Unapendelea Kutumia Adhabu Kuliko Kuwapongeza Watoto Wengi wa wazazi wanaolea kwa kutumia nguvu, hawa amini katika kuwapongeza watoto wao kwa kufanya tabia njema. Wanawaza kuwa watoto wanatakiwa wawe na tabia njema na hawana haja ya kupongezwa kwa kufuata kanuni. Vile vile pale ambapo kanuni inapokuwa imevunjwa, athari yake huwa inaonekana mara moja. Wazazi katika hundi hili: 1. Macho yao huona makosa tu. 2. Macho yao hayawezi kuona wala kumulika jema lolote linalofanywa na mtoto. 3. Ni wazazi ambao siku zote hutoa lawama tu kwa mtoto. 4. Ni wazazi ambao hakuna siku wanaweza kumpongeza mtoto kwa chochote hata pale ambapo mtoto anapokuwa amefanya vizuri. 5. Watoto wenye wazazi kama hawa huvunjika moyo na kujidharau sana. 6. Mtoto akifanya mambo mengi mazuri haambiwi chochote. 7. Mtoto akifanya jambo moja dogo baya linainuliwa kama bendera na mara kwa mara litakuwa linarudiwa rudiwa kusemwa semwa kama wimbo wa taifa.

UWEZO WA KUSIMAMA KATIKA NAFASI YAKO

Zaburi 24 1  Nchi na vyote viijazavyo ni mali ya Bwana, Dunia na wote wakaao ndani yake. 2  Maana ameiweka misingi yake juu ya bahari, Na juu ya mito ya maji aliithibitisha. 3  Ni nani atakayepanda katika mlima wa Bwana? Ni nani atakayesimama katika patakatifu pake? 4  Mtu aliye na mikono safi na moyo mweupe, Asiyeiinua nafsi yake kwa ubatili, Wala hakuapa kwa hila. 5  Atapokea baraka kwa Bwana, Na haki kwa Mungu wa wokovu wake. 6  Hiki ndicho kizazi cha wamtafutao, Wakutafutao uso wako, Ee Mungu wa Yakobo. 7  Inueni vichwa vyenu, enyi malango, Inukeni, enyi malango ya milele, Mfalme wa utukufu apate kuingia. 8  Ni nani Mfalme wa utukufu? Bwana mwenye nguvu, hodari, Bwana hodari wa vita. 9  Inueni vichwa vyenu, enyi malango, Naam, viinueni, enyi malango ya milele, Mfalme wa utukufu apate kuingia. 10  Ni nani huyu Mfalme wa utukufu? Bwana wa majeshi, Yeye ndiye Mfalme wa utukufu.

NGAO YA IMANI KWA MWAMINI

16 zaidi ya yote mkiitwaa NGAO YA IMANI, amabayo kwa hiyo Mtaweza kuizima mishale yote yenye moto ya yule mwovu” (efe. 6:16) Bwana Yesu asifiwe! Ujumbe huu umekufikia kwa kusudi kabisa na ninaamini Mungu atakusaidia na utatoka hatua moja kwenda nyingine. Hebu chukua nafasi twende tujifunze pamoja na ni maombi yangu kwamba Mungu akufunulie akili zako ili uelewe kile ambacho anakwenda kutufundisha! Kabla ya yote ni muhimu ufahamu kwanza juu ya imani maana tunachojifunza hapa ni jinsi ya kuitumia imani kama ngao wakati shetani atakapokutupia mishale yake yenye moto. Biblia inasema,”1 Basi imani ni kuwa na hakika na mambo yatarajiwayo, Ni bayana ya mambo yasiyoonekana” (ebr.11:1) Sikiliza tafsiri nyingine kutoka katika Kiswahili cha kisasa biblia inasema hivi,“kuwa na imani ni kuwa na hakika ya mambo tunayoyatumainia Kusadiki kabisa mambo tusiyoyaona” Kwa hiyo kuwa na IMANI ni kuwa na HAKIKA ya mambo uanayoyatarajia au unayoyatumainia. Kwa maana hiyo imani ni sasa hata kama kitu unachotarajia hakipo imani inabaki kuwa sasa, imani inaleta mambo unayoyatarajia kuwa halisi hata kama hujakiona kile kitu! Kitu kingine unachopaswa kujua ni chanzo cha imani na unisikilize hapa nikwambie kitu, kila imani chanzo chake ni kusikia haijalishi ni imani ya kimungu au la zote chanzo chake ni kusikia! Angalia Biblia yako katika kitabu cha warumi 10:17, “17 Basi imani chanzo chake ni kusikia; na kusikia Huja kwa neno la Kristo” Kwa nini nataka uelewe chanzo cha imani? Ni kwa sababu watu wengi sana wamekuwa wakiomba kwa Mungu ili waweze kuwa na imani na wengine wamejaribu hata kufunga wakiomba imani, sikiliza ndugu yangu! Imani chanzo chake ni kusikia na si kusikia tu bali kusikia kunakotokana na neno la Kristo, kwa hiyo kama imani chanzo chake ni kusikia kunakotokana na neno la Kristo basi huwezi kuwa na imani kama huna neno la Kristo! Nimesema hivi huwezi kuwa na imani kama hauna neno la kristo! Ndiyo, ni lazima uwe na neno la Kristo ambalo kwa hilo utaamini kile unachoamini! Imani lazima iwe na kitu cha kushikilia huwezi ukaamini kitu from no where lazima uwe na kitu kinachokufanya ushikilie hicho unachoamini na hicho kitu kinaitwa neno la kristo au neno la Mungu (haleluya!) Ngoja twende kwa mifano utanielewa tu,angalia rumi 4:17-21 inasema hivi, “17 Kama ilivyoandikwa,nimekuweka kuwa baba wa mataifa mengi;mbele zake yeye aliyemwamini, Yaani Mungu, mwenye kuwahuisha wafu,ayatajaye yale yasiyokuwako kana kwamba yamekuwako. 18 Naye aliamini kwa kutarajia yasiyoweza kutarajiwa,ili apate kuwa baba wa mataifa mengi,kama ilivyonenwa,ndivyo utakavyokuwa uzao wako.19 Yeye asiyekuwa dhaifu wa imani,alifikiri hali ya mwili wake uliokuwa umekwishakufa,(akiwa amekwishakupata umri wa miaka mia),na hali ya kufaya tumbo lake sara. 20 Lakini akiiona ahadi ya Mungu hakusita kwa kutokuamini, bali alitiwa nguvu kwaimani,akimtukuza Mungu;21 huku akijua hakika ya kuwa Mungu aweza kufanya yale aliyoahidi”. Nitafafanua vizuri hii habari huko mbele lakini nachotaka uone hapo ni hiki chanzo cha imani ni kusikia neno na kama ni hivyo chanzo cha imani ni neno la Mungu na utaona kwenye habari hiyo hapo juu ibrahimu alikuwa na miaka mia na mpaka anafikisha miaka mia hakuwa na mtoto lakini kama ni msomaji mzuri wa biblia utakumbuka kuna maneno aliyatamka Mungu kwa ibrahimu huko nyuma kuhusu mtoto na biblia inasema Ibrahimu alimwamini Mungu na ikahesabiwa kuwa ni haki kwake. Ilipita miaka mingi na ibrahimu hakuwa na mtoto kwa hiyo kama mwanadamu alianza kufikiri hali ya mwili wake(uzee alionao maana alishafikisha miaka mia) akafikiria na hali ya kufa kwa tumbo la mkewe sara maana kibinadamu sara hakuwa na uwezo wa kubeba mimba tena, lakini akiiona AHADI ya MUNGU, hakusita kwa kutokuamini bali ALITIWA NGUVU kwa imani……….. sikiliza! hapo anaposema akiiona ahadi ya Mungu umeshawahi kujiuliza ni ahadi gani hiyo? Na anaposema alitiwa nguvu umeshajiuliza alitiwa nguvu na kitu gani? Sikia ahadi aliyokuwa akiiona Ibrahim ilikuwa ni NENO ambalo Mungu alimuahidi huko nyuma na kwa neno hilo imani ya Ibrahim ilijengwa hapo,(kumbuka nataka uelewe chanzo cha imani ili uache kufunga na kuomba imani)! Na kwasababu neno hilo ambalo imani ya Ibrahim ilijengwa hapo ndilo lilikuwa likimpa Ibrahim nguvu ya kuendelea kuamini japokuwa uzee ulikuwa umemlemea na hali ya kufa kwa tumbo la mkewe Sara ilikuwa inamzonga lakini akiiona ahadi ya Mungu (neno) hakusita kwa kutokuamini bali alitiwa nguvu! (haleluya!) Biblia inasema imani huja kwa kusikia wala haijasema imani huja kwa kufunga na kuomba na hata ukiomba upewe imani Mungu atakupeleka kwenye neno lake tu ambalo ndiyo chanzo cha imani. Angalia mfano huu labda tutamalizia hapa kwa habari ya chanzo cha imani, luka 17:5,6 inasema hivi, “5 mitume wakamwambia Bwana, tuongezee imani. 6 Bwana akasema,kama mngekuwa na imani kiasi cha chembe ya haradali,mngeuambia mkuyu huu,ng’oka ukapandwe baharini nao ungewatii”. Unaona kitu ambacho mitume walikuwa wanaomba! Walikuwa wanaomba waongezewe imani lakini kumbe hata hiyo imani yenyewe amabayo wao walitaka waongezewe hawakuwa nayo hata kidogo! Ndo maana unaona Bwana anawaambia kama wangekuwa hata na hiyo imani ya kiasi cha chembe ya haradali wangeuambia mkuyu ng’oka ukapandwe baharini nao ungewatii, mi sijui kama unaelewa alichokuwa anamaanisha Bwana lakini kama unaisoma Biblia kwa kuitafakari mistari yake utagundua alichomaanisha Bwana ni kwamba imani ina chanzo chake ni kama mwanzo wa mti ambapo kwanza huanza mbegu ndogo sana lakini unapoipanda inakua na kuwa mti mkubwa sana. Kitu ni kilekile ukirudi kwenye somo tunalojifunza ni kwamba kama unataka kuwa na imani ni lazima uwe na mbegu ambayo ukiipanda itaota na kukua nakukufaya uwe na imani kubwa sana na hiyo mbegu ni neno la Mungu! Angalia kitabu cha luka 8:11 inasema, “11 Na huo mfano,maana yake ni hii MBEGU ni NENO la MUNGU” Hapo Yesu alikuwa akifafanua mfano wa mpanzi ambapo anafananisha moyo wa mtu na shamba (udongo) na mbegu anazifananisha na neno lake, kwa hiyo neno la mungu ni mbegu ambayo kama ukiipanda ndani ya moyo wako itakua na kuzaa matunda sawasawa na ulivyolipanda, ukipanda mahindi utavuna mahindi ukipanda neno la imani utavuna imani sawasawa na ulivyoamini! Ni matumaini yangu wewe uliyekuwa ukifunga na kuomba upewe imani utakuwa umepata kitu cha kukusaidia. Hebu sasa nikumbushe maneno ya Mungu yanayoongoza somo hili ambayo tunayapata katika efeso 6:16 inasema , “16 Zaidi ya yote mkiitwaa ngao ya imani,ambayo kwa hiyo Mtaweza kuizima mishale yote yenye moto ya yule mwovu”. Hapa mtume Paul alikuwa anazungumzia silaha za Mungu ambazo wsomaji wengi wa biblia tumekuwa tukizisoma na tumekuwa tukifundishwa na watumishi wa Mungu lakini sijui kama umeshawahi kukaa ukatafari hizi silaha mojamoja! Sasa katika silaha alizotaja mtume paul mojawapo ni hii ngao ya imani na kumbuka kila silaha zilizotajwa kila moja ina kazi yake na wakati wake wa kuitumia na ndo maana paul mtume anasema mkiitwaa ngao ya imani ambayo kwa hiyo yaani hiyo ngao ya imani mtaweza kuizima mishale yote yenye moto ya yule mwovu (shetani). Kwa hiyo kama mristo unapaswa kuwa na silaha hii muhimu kabisa ili kujikinga na mishale inayorushwa na adui, hii siyo imani ya kusema namwamini Yesu kristo kama Bwana na mwokozi hii ni imani inayotumika kama silaha. Ok! wengi tunafahamu ngao ni nini? Ngao ni kifaa kinachotengenezwa maalum kwa ajili ya kumkinga mtu anayeitumia dhidi ya silaha zinazotoka kwa adui anaye au anaopigana nao na hii ni silaha ya zamani sana ambayo ilitengenezwa kwa kutumia miti au ngozi ngumu au shaba laikini vilevile hata sasa inatumika na baadhi ya makabila machache pamoja na askari wakati wanapozuia fujo za waandamanaji wanaorusha mawe chupa n.k. mtume paul ametumia mfano huu wa ngao ili kuwaelewesha watu waweze kumuelewa au kelewa kazi ya imani inapotumika kama silaha. Sasa unisikilize! Ninapozungumzia ngao ya imani ninazungumzia NENO LA IMANI. Usichanganyikiwe!!! Ndo maana hapo nyuma nimeanza kukufundisha kwanza imani na chanzo chake ili uweze kuelewa huku tunakokwenda. Sikia! hakuna NENO hakuna IMANI -hakuna MATENDO hakuna MATOKEO. Ili uweze kushindana na mwovu unahitaji kuvaa silaha za Mungu,ili uweze kuizima mishale yenye moto ya yule mwovu unahitaji kuwa na silaha inayoitwa ngao ya imani na labda utajiuliza hii mishale ya mwovu ni ipi au inakujaje na nitatumia vipi ngao ya imani? Swali zuri, sasa fungua biblia yako nikupe mifano ambayo itakutoa hatua moja kwenda hatua nyingine na ninaamini hautakuwa kama ulivyo bali utatoka imani hata imani, amen? Lakini kabla sijakupa mifano sikiliza maneno haya, “12 Piga vita vile vizuri vya imani,shika uzima ule wa Milele ulioitiwa,ukaungama maungamo mazuri mbele ya mashahidi wengi” (1Timotheo 6:12) Ili uweze kupigana vita hivi vya kiimani ni lazima uwe na neno au maneno ya imani yatakayokuwa kwako kama ngao wakati adui atakapourushia mishale yake yenye moto! Angalia tena 1timotheo 1:18 inasema, “ 18 Mwanangu Timotheo nakukabidhi agizo hilo liwe akiba,kwa ajili ya MANENO ya unabii yakiyotangulia juu yako, ili KATIKA HAYO uvipige vile vita vizuri”. Sikiliza tafsiri nyingine ambayo inatupa ufunuo zaidi, inasema hivi, “ 18 Mwanangu timotheo, nakukabidhi amri hii kufuatana na maneno ya unabii Yaliyosemwa zamani juu yako. Yatumie MANENO HAYO yawe silaha yako katika

NGUVU YA IMANI

FUNZO LA IMANI   Imani ina uhusiano wa karibu na maombi. imani ni tamko inayodhihirishwa katika maombi. imani humtukuza Mungu.jibu kwa maombi ina masharti katika imani.   1.IMANI NA NENO LA MUNGU Imani yetu yote ndani ya maombi yatakiwa iwe na msingi ya ahadi zinazopatikana ndani ya neno la Mungu (mtu alisema kuna ahadi kupita 3,000 zinazopatikana katika Biblia) ahadi zote zitarudisha kila utu wa maisha ya mwanadamu.   Warumi. 10:17 Imani huja kwa kusikia neno la Mungu.   Mathayo. 17:20 Mbegu ya haradali, imani inayokuwa.   Isaya. 55:10-11 Maana kama vile mvua ishukavyo, na theluji, kutoka mbinguni, wala hairudi huko; bali huinywesha ardhi, na kuizalisha na kuichipuza, ikampa mtu apandaye mbegu, na mtu alaye chakula;   Hosea6.6 Maana nataka fadhili wala si sadaka; na kumjua Mungu kuliko sadaka za kuteketeza.   2.IMANI NA UTIIFU Warumu. 16:26 ....ikajulikana na mataifa yotekama alivyoamuru Mungu wa milele, ili waitii imani.   Warumi. 1:5 ambaye katika yeye tulipokea neema na utume ili mataifa yote wapate kujiitisha kwa imani kwa ajili ya jina lake;     Mathayo. 17:24-27 samaki na shekeli. petro hapa alikuwa mtiifu licha ya ujuzi wake wa kufua samaki na neti.   Yohana. 21:6,11... akawambia , litupeni jarife upande wa kume wa chombo, nanyi mtapata. v11 basi simoni petro,akapanda chomboni, akalivuta jarife pwani, limejaa samaki wakubwa, mia hamsini na watatu; na ijapokuwa ni wengi namna hiyo, jarife halikupasuka.   Petro tena alikuwa mtiifu kwa neno lake Bwana na kulitupa jarife upande wa kushoto wa chombo na ilipokucha- hii ni uvuvi usio wa kawaida katika ziwa ya galilaya. Petero alipokea tuzo lake.   3.IMANI NA KUTUBU   2 Mambo ya nyakati 7:14 ikiwa watu wangu walioitwa kwa jina langu watajinyenyekesha na kuomba na kunitafuta uso na kusiacha njia zao mbaya basi nitasikia toka mbinguni na kuwasamehe dhambi yao na kuiponya nchi.   4.IMANI NA KUMKUMBUSHA MUNGU AHADI ZAKE KATIKA NENO LAKE. 1Wafalme 8:25 Na sasa, Ee Bwana, Mungu wa israeli umfikilizie mtumishi wako, daudi, baba yangu, ahadi uliyomwahidia, ukisema, hutakosa kuwa na mtu wa kuketi katika kiti cha enzi cha israeli machoni pangu; kama watoto wako wakiangalia njia zao,ili kuenenda mbele zangu kama vile ulivyoenenda.   Warumi. 4:20 lakini akiiona ahadi ya Mungu hakusita kwa kutokuamini, bali alitiwa nguvu kwa imani, akimtukuza Mungu;   2.Wakorintho 1:20 maana ahadi zote za Mungu zilizopo katika yeye ni ndiyo; tena kwa hiyo katika yeye ni Amin; Mungu apate kutukuza kwa sisi.   5.IMANI NA MATUNDA YA ROHO MTAKATIFU. Wagalatia 5:22-23 lakini tunda la roho ni upendo, furaha, amani, uvumilivu, utu wema, fadhili,uaminifu. upole, kiasi: juu ya mambo kama hayo hakuna sheria.   utaratibu wa kujazwa na Roho Mtakatifu wa Bwana Mungu pia ni utaratibu ya kuzaa matunda ya roho mtakatifu. Hivyo basi imani huongezeka tunapojazwa na Roho Mtakatifu na matunda yake.   siri moja ya maisha ya kufunga na kuomba ni, kufunga huogeza imani kwa sababu ya `kutisha mwili~ kufunga husabisha ujazwe na ujazwe now mtakatifu na imani huongezeka sana wakati wa kufunga na kuomba.   6.IMANI KINYUME NA MAMBO YANAYOONEKANA. waebrania.11:1 Basi imani ni kuwa na hakika ya mambo yatarajiwayo, ni bayana ya mambo yasiyoonekana. Mungu aliumba mbingu na nchi kutumia maneno ya imani. kwa maneno ya imani ikawepo. wakati mwingine tunafundishwa ya kwamba Mungu aliumba vitu vyote bila kutumia chochote ila kwa kusema neno lake tu. huo sio ukweli. Imani ni kitu usichokiona inayobadilisha, kwa imani kuwa kitu kinachoweza kutazamwa.   7.IMANI NA USHINDI Waebrania 11:33-34. ambao kwa imani walishinda milki za wafalme, walitenda haki, walipata ahadi, walifunga vinywa vya simba, v.34 walizima nguvu za moto, waliokoka na makali ya upanga. walizima nguvu baada ya kuwa dhaifu, walikuwa hodari katika vita, walikimbiza majeshi ya wageni.   8.IMANI NA UTAKASO WA MOYO. Matendo ya mitume. 15:9. Wala hakufanya tofauti kati yetu sisi na wao, akiwasafisha mioyo yao kwa imani.   9.IMANI NA VIPAWA VYA ROHO MTAKATIFU. Wakorinto12:8-10. Maana mtu mmoja kwa roho apewa neno la hekima; na mwingine neno la maarifa, apendavyo roho yeye yule; v.9 mwingine imani katika roho yeye yule; na mwingine karama za kuponya katika roho yule mmoja; v10 na mwingine matendo ya miujiza; na mwingine unabii; na mwingine kupambanua roho; mwingine aina za lugha; na mwingine tafsiri za lugha:   kuna aina tofauti za imani; imani yakuokoa, imani ikiwa tunda la roho mtakatifu. Aina hii ya imani imetajwa hapa ni imani ikiwa kipawa cha roho mtakatifu, sehemu ya imani inayopeanwa kumwandaa muumini kwa kazi ya huduma. ni imani(kama tunda la roho) inayoweza karama tisa za roho mtakatifu kufanya kazi. kisha kuna imani ya kawaida ambayo sio ya Roho wa Mungu. Hii ni aina ya imani tunayo wakati tunapoamini kwa mfano rekodi za historia au mkulima ambaye amepanda mbegu kwenye udongo na kutarajia mavuno badaye.     10.IMANI HUTENDA KAZI KATIKA UPENDO Wagalatia5:6 Maana katika kristo Yesu kutahiriwa hakufai neno, wala kutokutahiriwa, bali imani itendayo kazi kwa upendo. wakorintho13:2 Tena nijapokuwa na unabii, na kujua siri zote na maarifa yote, nijapokuwa na imani timilifu kiasi cha kuweza kuhamisha milima, kama sina upendo hainifaidi kitu.   11. IMANI NA SHERIA ZA MUNGU ZA ROHONI. Inabidi tutimize amri za Mungu ambayo ameunganisha na kazi ya imani   Marko 11:25 (msamaha ya kwanza nani muhimu) nanyi, kila msimamapo na kusali, sameheni, mkiwa na neno juu ya mtu; ili na baba yenu aliye mbinguni awasemehe na ninyi makosa yenu.   Tena ukiwa na dhambi moyoni, imani haitatenda kazi. Hata mfarisayo alijua hivyo.   Yohana 9:31 Sasa twajua ya kuwa Mungu hawasikii wenye dhambi; bali mtu akiwa akiwa ni mcha Mungu, na kuyafanya mapenzi yake, humsikia huyo.   12.IMANI NA KUTAMKA NA KUKIRI MBELE YA WATU.   Marko 11:23. ... Amin, nawambia, ye yote atakayeuambia mlima huu, ng'oka ukatupwe baharini, wala asione shaka moyoni mwake, ila aamini kwamba hayo asemayo yemetukia, yatakuwa yake.   Warumi 10:9-10. kwa sababu ukimkiri Yesu kwa kinywa chako ya kuwa ni Bwana, na kuamini moyoni mwako ya kuwa Mungu alimfufua katika wafu, utaokoka. v10. kwa maana kwa moyo mtu huamini hata kupata haki, na kwa kinywa hukiri hata kupata wokovu.     13.IMANI UKUWA Wathesalonika 1:3 Wala hatuachi kuikumbuka kazi yenu ya imani, na taabu yenu ya upendo, na saburi yenu ya tumaini lilio katika Bwana wetu Yesu Kristo, mbele za Mungu Baba yetu.   Imani kama ile ya mbegu ya haradali humea na kuwa mti mkubwa. mti ya haradali huweza kufikia urefu wa mita 4-5.   14. IMANI NA WOKOVU Waefeso2:8 kwa maana mmeokolewa kwa neema, kwa njia ya imani; ambayo hiyo haikutokana na nafsi zenu, ni kipawa cha Mungu;   15 IMANI HUPEANWA KWA KILA MKRISTO ,KILA MKISTO ANA IMANI. Warumi 12:3 kwa maana kwa neema niliyopewa namwambia kila mtu aliyeko kwenu asinie makuu kupita ilivyompasa kunia; bali awe na nia ya kiasi, kama Mungu aivyomgawia kila mtu kiasi cha imani.   16. IMANI NA MAOMBI NA KULIA KWA MAJONZI INAWEZA KUBADILISHA MPANGOWA MUNGU NA MAPENZI YAKE. 2.Wafalme20:1-11 Hezekiah alikuwa mgonjwa hadi kiasi cha kufa, aligeuka kwa upande wa ukuta na kumllilia na kuomba. Mungu Akabadilisha unabii wake na mwelekeo wa mfalme, kwa sababu ya maombi ya hezekiah. miaka 15 yaliongezwa kwa maisha yake.   17. IMANI NA MAJARIBIO. 1.Petro 1:7 Ili kwamba kujaribiwa kwa imani yenu, ambayo ina thamani kuu kuliko dhahabu ipoteayo, ijapokuwa hiyo hujaribiwa kwa moto, kuonekana kuwa kwenye sifa na utukufu na heshima, katika kufunuliwa kwake Yesu Kristo.   18. IMANI NA MATENDO. James 2:17 Vivyo hivyo, imani peke yake bila matendo imekufa.   Lakini pasipo imani haiwezekani kumpendeza; kwa maana mtu amwendeaye Mungu lazima aamini kwamba yeye yuko, na kwamba huwapa thawabu wale wamtafutao.   Hivyo imani hufanya kazi.   19. IMANI NA KUMPENDEZA MUNGU. waibrania. 11:6 lakini bila imani ni vigumu kumpendeza Mungu.   20. IMANI NA KUHESABIWA HAKI. Habakuki. 2:4 Tazama roho yake hujivuna, haina unyofu ndani yake; lakini mwenye haki ataishi kwa imani yake.   21. IMANI NA MAOMBI. Mathayo 21:22 Na yo yote mtakayoyaomba katika sala mkiamini, mtapokea.   Imani ni jambo la muhimu katika kutekeleza maombi.   22. IMANI NA KUFUNGA Imani huengezeka kwa haraka wakati wa kufunga na hata baada ya kufunga. Imani ya kufunga ni kutoa nguvu nyingi dhidi ya roho chafu hasa baada ya kunga kabisa.   Mathayo 17:15-21 kijana mwenye wazimu. v.20 kwasabu ya kuamini.......v.21 lakini namna hii haitoki ila kwa kusali na kufunga.)   23. IMANI NA KUKUBALI KATIKA ROHO Mathayo 18:19 Tena nawaambia, ya kwamba wawili wenu watapopatana duniani katika jambo lo lote watakaloliomba, watafanyiwa na baba yangu aliye mbinguni.   Tunaweza tukaongezea imani yetu kwa imani ya mtu mwingine na kupata matokeo mazuri zaidi katika maombi. Imani itaongezeka.   Kuelewana kiroho si kuelewana kiakili au kwa kiwango cha masomo, lakini njia hii ya kuelewana ni kuelewana ya kiroho.   24. IMANI NI NGAO Waefeso 6:16 kuchukua ngao ya imani.... zaidi ya yote mkiitwaa ngao ya imani, ambayo kwa hiyo mtaweza kuizima mishale yote yenye moto ya yule mwovu.   Imani ni ya silaha ya kinga.   25. IMANI NI KITU NA PIA DHIHIRISHO Waibrania 11:1 basi immani nihakika ya mambo yatarajiwayo, ni bayana ya mambo yasiyoonekana. Mungu hakutengeneza ulimwengu kutokana na vitu visivyokuwepo bali alitengeneza vinavyoonekana kutokana na vitu visivyoonekana au aliibadili ikawa kama hivyo.     26. IMANI NA MAOMBI Imani na maombi ni mambo yanaunganishwa pamoja. imani ina tamko lake kupitia maomi. Tunaweza Kuomba Yesu imani zaidi. Hata wanafunzi wake walifanya hivyo. ....Mungu huongeza imani yetu. Luka 17:5   27. IMANI NA MAPENZI YA MUNGU Ni rahisi kuwa na imani ikiwa unaomba ndani ya mpango wa Mungu! 1.Yohana 5:14-15... tunajua ya kwamba tukiomba chochote sawasawa na mapenzi yake tunayo basi tunazo zile haja tulizomwomba.   KILE IMANI SI: 1. IMANI SI TUMAINI. Ni tumaini pasipo kujali kuhusu kitu chochote, vitu vilivyo vyo mbeleni,hio si imani hata kidogo. Imani inajua inayo saa hii. imani ni hakikisho moyoni mwako ya kwamba unayo tayari ulichokiomba, marko11:24. kwa hivyo nawaambieni, kitu chochote ukitakacho, ukiomba, amini yakwamba imeshapokea nawe utapokea.   2. IMANI SI HISIA. lakini ni amani moyoni; ni mapumziko, tegemeo na hakikisho ndani ya ahadi za Bwana. imani ni hakikisho dhabiti ndani ya neno la Mungu kuwa ya milele, kamilifu na haitawanyiki na ni ukweli dhabiti.   Hisia kubwa haiwezi kamwe kuzaa imani kamilifu. Hisia hupotea haraka, lakini imai ni lazima isimame kama vile mwamba na hiyo mwamba ni imani ndani ya ahadi za Bwana ndani ya neno lake.   3. IMANI SI KUJUA, NA KUELEWA, SI YA AKILI, LAKINI NI YA ROHO.   Imani ni mambo ya kiroho, kwa sababu roho huishi ndani ya hekalu la mwanadamu, ambayo ndiyo roho ya mwanadamu. 1.wacorintho 3:16 hamjui yakuwa ninyi, mmekuwa hekalu la Mungu, na ya kuwa Roho wa Mungu anakaa ndani yenu?   Tunaamini na Roho, tunaamini na moyo, na sio na kuelewa kwetu.   Marko. 11.23....wala asione shaka moyoni mwake.   wakati utakapofika wa kupokea yasiyowezekana kutoka kwa Mungu, kujua kwetu kutakuwa ni nadra, ndio, itakuwa ni kizuizi kikubwa sana kutokana na imani.   4. KINYUME YA IMANI NI UOGA. Uoga ni kuamini neno ovu la shetani sana kuliko kuamini neno lake Mungu. mwovu shetani atakuja akilini mwako na uoga akijaribu kuchukua imani kutoka kwa moyo wako. Yesu alisema mara kwa mara, usiogope. Uoga haitokani na Mungu. Uoga iko na hukumu yake ndani yake. Upendo unaostahili huoondoa uoga.1.Yohana. 4:18   5. KINYUME NA IMANI NI KUTOAMINI. kutoamini ni kutoamini Mungu kile ambacho Mungu amesema kwa neno lake, kwa hivyo kufanya Mungu kuwa muongo. Hiyo ndiyo sababu kutoamini ni dhambi kubwa na yenye hatari. 1.yohana 5.10.... yule asiyemuamini Mungu Amemfanya awe muongo.....   6. IMANI SI KUOMBA Maombi ya imani si maombi ya kuomba bali ni maombi ya nguvu na uhakikisho dhabiti ya kwamba Mungu ameshakubali ombi lako kulingana na ahadi zilizoko katika neno lake.   7. IMANI SI NGUVU ZA KAWAIDA Ni nguvu za kiroho. Imani ni sehemu Roho Mtakatifu. Ukiwa na imani uko na Roho Mtakatifu. Vile unazidishiwa matunda za Roho katika maisha yako, ndivyo unazidi kuwa na imani..      

UWEZA WA DAMU YA YESU

Damu ya Yesu ilitustahilisha
na
kutupatia kibali cha kupasogea patakatifu.

Mungu amekuwa mwaminifu kulikomaelezo.

MAMBO MANNE(4) YA KIJANA MTEULE KUZINGATIA.

Na Mtumishi Peter Mabula

BWANA YESU atukuzwe ndugu yangu.
Karibu tujifunze mambo muhimu ya kuzingatia kwa kijana na kila mpenda uzima wa milele.
Kuna mambo manne nimekuandalia ambayo ukiyazingatia yatakuwa msaada mkubwa kwako.
2 Timotheo 2:21-26 '' Basi ikiwa mtu amejitakasa kwa kujitenga na hao, atakuwa chombo cha kupata heshima, kilichosafishwa, kimfaacho BWANA, kimetengenezwa kwa kila kazi iliyo njema. Lakini zikimbie tamaa za ujanani; ukafuate haki, na imani, na upendo, na amani, pamoja na wale wamwitao BWANA kwa moyo safi. Walakini uyakatae maswali ya upumbavu yasiyo na elimu, ukijua ya kuwa huzaa magomvi.Tena haimpasi mtumwa wa BWANA kuwa mgomvi; bali kuwa mwanana kwa watu wote, awezaye kufundisha, mvumilivu; akiwaonya kwa upole wao washindanao naye, ili kama ikiwezekana, Mungu awape kutubu na kuijua kweli; wapate tena fahamu zao, na kutoka katika mtego wa Ibilisi, ambao hao wametegwa naye, hata kuyafanya mapenzi yake. ''.
Vitu 4 vya kuvizingatia kijana mteule wa MUNGU.
1. Kijana lazima aitafute toba kwa MUNGU kupitia KRISTO YESU na akisha kutakaswa atakuwa chombo safi kifaacho kwa kila kazi njema na tena kitakuwa chombo safi kimfaacho MUNGU.
-Toba hutafutwa maana haiji yenyewe kama hujaamua kuitafuta kwa BWANA YESU kupitia maombi ya kutubu na kuacha dhambi. ukisha kuupata msamaha wa MUNGU unatakiwa uutafute utakatifu. utakatifu hutafutwa tena hutafutwa kwa bidii sana. usipoutafuta utakatifu utabaki mchafu siku zote na hapo hutakuwa chombo safi kimfaacho BWANA. Utakatifu hauji wenyewe bali hutafutwa hivyo kila kijana ni muhimu sana kuutafuta utakatifu.
1 Petro 1:15-16 '' bali kama yeye aliyewaita alivyo mtakatifu, ninyi nanyi iweni watakatifu katika mwenendo wenu wote; kwa maana imeandikwa, Mtakuwa watakatifu kwa kuwa mimi ni mtakatifu. ''
-Iweni watakatifu maana yake ni jukumu lako kuwa mtakatifu.ni agizo kwako kuutafuta utakatifu ili uuishi.
2. Kijana lazima azikimbie tamaa za ujanani.
Tamaa za ujanani ni pamoja na uasherati, kutafuta mali isivyo kihalali, kufanya kila mbinu chafu ili tu uwe kama mtu mwingine, kujiona unao muda mrefu wa kuishi na hivyo kuona kwamba ujana wako ni wakati wa kutenda mabaya ukidhani utatubu uzeeni. hizo ni tamaa za ujanani na Biblia inatuonya kwamba tuzikimbie tamaa za ujanani. Kila kijana lazima ahakikishe anakimbia tamaa za ujanani.
Biblia hapo juu pia imefafanua kwamba tamaa za ujanani zinaweza kuondoa haki, Tamaa za ujanani zinaweza kukuondoa katika imani ya uzima ambayo ni imani katika KRISTO YESU pekee. , Tamaa za ujanani zinaweza kuondoa upendo, Tamaa za ujanani zinaweza kuondoa amani kwako, kwa familia, kwa ukoo na hata kwa taifa.
Kumbe pia Biblia inatushauri vijana kutenda kazi ya MUNGU pamoja na wale wamwitao BWANA kwa moyo safi.
-Kama kijana hatazikimbia tamaa za ujanani ni lazima huyo baadae atakuja kuwaambia watu kwamba '' UJANA NI MAJI YA MOTO''. Ujana umekua maji ya moto kwake kwa sababu hakuzikimbia tamaa za ujanani kama Biblia takatifu inavyoagiza.
1 Yohana 2:15-17 '' Msiipende dunia, wala mambo yaliyomo katika dunia. Mtu akiipenda dunia, kumpenda BABA hakumo ndani yake. Maana kila kilichomo duniani, yaani, tamaa ya mwili, na tamaa ya macho, na kiburi cha uzima, havitokani na BABA, bali vyatokana na dunia. Na dunia inapita, pamoja na tamaa zake, bali yeye afanyaye mapenzi ya MUNGU adumu hata milele. ''
3.Kijana mteule ni muhimu kuyakataa maswali ya kipumbavu ambayo siku zote huibua ugomvi na kumnajisi kijana.
-Maswali ya kipumbavu yasiyo na elimu ni mengi hivyo kijana mwenda mbinguni lazima ajiepushe nayo.
Kama ni maswali ya kipumbavu maana yake yanasemwa na mpumbavu, na maana ya mpumbavu ni mtu yule asiyeamini katika MUNGU aliye hai, maana yake mpumbavu hudhani kwamba hakuna MUNGU au hakuna uzima wa milele au hakuna kuokoka.
Zaburi 14:1 '' Mpumbavu amesema moyoni, Hakuna MUNGU; Wameharibu matendo yao na kuyafanya chukizo, Hakuna atendaye mema.''
-Sifa za mpumbavu husema hakuna MUNGU, Hufanya machukizo na matendo yake ni machukizo kwa MUNGU hivyo uijiepushe na maswali ya kipumbavu maana yanaweza hata kukuondoa katika kusudi la MUNGU.
4. Kijana uliyempokea YESU hutakiwi kuwa mgomvi bali mwanana na mvumilivu kuku ukiwafundisha watu uhumimu wa kuokoka katika maisha yao.
unao wajibu wa kuvumilia maana wakati mwingine unaweza ukapitia maeneo au mazingira yanayohitaji uvumilivu. Kijana mcha MUNGU lazima ahakikishe anawaonya kwa upole wao washindanao naye, ili kama ikiwezekana, MUNGU awape kutubu na kuijua kweli; wapate tena fahamu zao, na kutoka katika mtego wa Ibilisi, ambao hao wametegwa naye MUNGU, hata kuyafanya mapenzi yake. ''.
Na siku zote ili uweze kuvumilia ni lazima uwe na upendo maana upendo unaweza ukazaa uvumilivu,
-mfano kijana anayempenda MUNGU ni rahisi kwake kuvumilia matukano kutoka kwa wapingakristo.
-Kijana aliye na upendo kwa ndugu zake ni rahisi sana kuvumilia dhihaka zao huku haachi kuwashuhudia habari njema za ufalme wa MUNGU.
1 Kor 13:4 ''Upendo huvumilia, hufadhili; upendo hauhusudu; upendo hautakabari; haujivuni; ''
-Ndugu,Naamini umejifunza na utachukua hatua njema ya kumpokea BWANA YESU kama hujaokoka ili awe BWANA na MWOKOZI wako tangu leo na utaanza kuishi maisha matakatifu
KAMA UNATAKA KUTUBU RUDIA MANENO HAYA KISHA TAFUTA KANISA LA KIROHO UKAJIUNGE NA KUANZA KUISHI MAISHA MATAKATIFU.
''BABA katika jina la YESU KRISTO Niko mbele zako mimi mwenye dhambi, lakini leo nimetambua kosa langu na naomba unisamehe dhambi zangu zote, nisamehe dhambi ninazozikumbuka na pia zile ambazo sizikumbuki. futa jina langu katika kitabu cha hukumu na uliandike jina langu katika kitabu cha uzima. Neno lako katika Warumi sura ya 10 Mstari wa 9 na wa 10 Neno lako linasema ''Kwa sababu, ukimkiri YESU kwa kinywa chako ya kuwa ni BWANA, na kuamini moyoni mwako ya kuwa MUNGU alimfufua katika wafu, utaokoka. Kwa maana kwa moyo mtu huamini hata kupata haki, na kwa kinywa hukiri hata kupata wokovu '' . BWANA YESU mimi nimekuamini leo na hivyo naamini sasa napokea wokovu wako na hakika nimeokoka. Kuanzia leo Naufunga ukurasa wa dhambi na ninaufungua ukurasa wa matendo mema na matakatifu. BWANA nipe ROHO wako Mtakatifu ili aniwezeshe kushinda dhambi na anasa zote za dunia. Kuanzia leo mimi nimeokoka na ni mtoto wa MUNGU mwenye haki zote. ninafuta laana zote na kila roho ya shetani inayonifuatilia naiharibu kwa jina la YESU KRISTO kama neno la MUNGU linavyosema katika Yeremia sura ya kwanza mstari wa 10. BWANA YESU nakushukuru sana kwa kuniokoa. Yote haya kwa imani nimepokea na niko tayari sasa kwa ROHO MTAKATIFU kunitumia. Katika jina la YESU KRISTO nimeomba na kupokea . Amen.'' Kama umetubu toba ya kweli hakika wewe kuanzia sasa ni mshindi na ni shujaa. Kwa sasa naishia hapo, MUNGU akitupa nafasi tutajifunza tena siku nyingine. ulishindwa kumpokea BWANA YESU nafasi yako bado ipo na muda wa kumpokea ni leo wala sio kesho, amua leo na atakuandika jina lako katika kitabu cha uzima na utaanza kuukulia wokovu kwa mafundisho kanisani. MUNGU ana makusudi kabisa na wewe, hataki upotelee motoni anataka uende uzimani aliko KRISTO BWANA.
MUNGU akubariki sana .
Ni mimi ndugu yako Peter M Mabula
+255714252292 mabula1986@gmail.com
MUNGU akubariki sana uliyesoma somo hili

JITIE MOYO MWENYEWE KAMA HAKUNA WA KUKUTIA MOYO.

Na Mtumishi Peter Mabula.

BWANA YESU asifiwe.
Karibu tujifunze Neno la MUNGU.
Majaribu yapo na yatupasa tuyashinde.
Magumu wakati mwingine huja lakini kuwategemea wanadamu huleta mtego.
Wakati mwingine kama hakuna mtu wa kukutia moyo katika magumu unayopitia hakikisha unajitia moyo mwenyewe.
Kuna watu hata hulalamika kwanini humtii moyo katika jaribu lake.
Ni vizuri kutiwa moyo na wapendwa wako lakini wakati ukiona hakuna wa kukutia moyo hakikisha unajitia moyo mwenyewe maadamu unaishi maisha matakatifu na mngoje BWANA.
Ngoja nikupe mfano mmoja wa mtu aliyekuwa katika magumu ndani ya Biblia.
Ayubu alikuwa na marafiki, na alitarajia marafiki zake wakija basi watamtia moyo lakini ilikuwa tofauti. Kuna wakati Ayubu katika magumu yake alitarajia mkewe ndie angemtia moyo na kumfariji lakini hata mke naye aligeuka na kumwambia amkufuru tu MUNGU ili afe. jiulize hapo ''Yaana anayetakiwa kukutia moyo ndio huyo sasa anataka ufe?''
Ndugu, inawezekana kabisa unapitia magumu na unatarajia sana wapendwa wako wakutie moyo, kama ukiona kimya nakuomba jitie moyo mwenyewe maadamu tu uko katika kweli ya MUNGU.
Ayubu ni mfano mzuri na ninampenda sana maana jaribu lake linatufundisha kitu muhimu sana.
Ayubu alijitia moyo mwenyewe na kusema anauhakika MUNGU atamshindia tu.
Ayubu 19:25-27 ''Lakini mimi najua ya kuwa Mteteaji wangu yu hai, Na ya kuwa hatimaye atasimama juu ya nchi.Na baada ya ngozi yangu kuharibiwa hivi, Lakini, pasipokuwa na mwili wangu nitamwona MUNGU; Nami nitamwona mimi nafsi yangu, Na macho yangu yatamtazama, wala si mwingine. Mtima wangu unazimia ndani yangu. ''
Ayubu alibaki na BWANA maana alijua wanadamu hawako upande wake.
Kazi ya wanadamu na marafiki kwenye jaribu la Ayubu ilikuwa ni kumsimanga, kumcheka, kumlaumu na kumtuhumu kwamba amefanya dhambi.
Ayubu 19:2-5 '' Je! Mtanichukiza nafsi yangu hata lini, Na kunivunja-vunja kwa maneno? Mara kumi hizi mmenishutumu; Hamwoni haya kunifanyia mambo magumu. Ingawaje nimekosa, Kosa langu hukaa kwangu mwenyewe.Kwamba mtajitukuza juu yangu, Na kunena juu yangu shutumu langu;''
-Huu ni mfano wa watu wanaopitia katika magumu.
Kuna familia kila mwaka wanazika lakini ukiwauliza majirani watasema kwamba hiyo ni laana inawatafuna kumbe ni uongo.
Kuna binti kila akitaka kuchumbiwa anaachwa, ukiwauliza wapendwa wake utasikia mara hiki mara kile. mara nyingi ni uongo.
Yohana 16"33 '' Hayo nimewaambieni mpate kuwa na amani ndani yangu. Ulimwenguni mnayo dhiki; lakini jipeni moyo; mimi nimeushinda ulimwengu. ''
Ndugu unayepitia magumu, nakuomba omba sana na vumilia.
Kesho yako haitakuwa kama leo yako kama tu hiyo kesho ukiikabidhi kwa BWANA YESU.
Dunia inakwenda kasi sana, kuna waliokuwa na kazi nzuri muda mfupi tu uliopita lakini sasa hawana. Ni vyema kukabidhi kwa YESU kazi yako, kipato chako na familia yako lakini pia yakija magumu nakuomba jifunze kuomba na kumshirikisha BWANA YESU ili akushindie.
Mthayo 5:8 ''Heri wenye moyo safi; Maana hao watamwona MUNGU''
Kama kuna leo basi na kesho ipo.
Kama leo imejaa miba inayochoma kwako, kesho yako inaweza kuwa na shangwe ya kudumu kama tu BWANA YESU utamshirikisha katika maombi yako.
Wakati wa dhoruba vumilia na omba sana.
BWANA YESU bado ana ushindi wako na ukivumilia ushindi huo utakuwa dhahiri kwako.
ona mfano huu.
Mathayo 9:2 '' Na tazama, wakamletea mtu mwenye kupooza, amelala kitandani; naye YESU, alipoiona imani yao, alimwambia yule mwenye kupooza, Jipe moyo mkuu, mwanangu, umesamehewa dhambi zako.''
Jipe moyo mwenyewe kama hakuna wa kukutia moyo.
Dumisha utakatifu na hakikisha jaribu lako halikuondoi katika wokovu wa BWANA YESU.
Una heri wewe uliyeokoka na unamtegemea MUNGU.
Ubarikiwe sana na hakikisha Vazi lako la Wokovu wa KRISTO halichafuliwi na chochote.
-Shika Wokovu Asije Mtu Akakunyang'anya.
-Hata Kama Utadharaulika Lakini Mtii BWANA
YESU Na Usimwache Hata Kidogo.
Kumb 6:5 '' Nawe mpende BWANA, MUNGU
wako, kwa moyo wako wote, na kwa roho yako
yote, na kwa nguvu zako zote. ''
Kwa sasa naishia hapo, MUNGU akitupa nafasi
tutajifunza tena siku nyingine.na kama
hujampokea BWANA YESU muda wa kumpokea
ni leo wala sio kesho, amua leo na atakuandika
jina lako katika kitabu cha uzima na utaanza
kuukulia wokovu kwa mafundisho kanisani.
MUNGU ana makusudi kabisa na wewe, hataki
upotelee motoni anataka uende uzimani aliko
KRISTO BWANA. MUNGU akubariki sana
. Ni mimi ndugu yako Peter M Mabula
+255714252292
mabula1986@gmail.com
MUNGU akubariki sana uliyesoma somo hili.
MUNGU Akubariki.

WEWE UKO WAPI?

(Naomba kila MTU asome ujumbe huu wote)
BWANA YESU asifiwe ndugu yangu.
Ni mara nyingi sana huwa namshukuru MUNGU
ninapoona maelfu ya watu wamehudhuria mbele
ya MUNGU kujifunza neno la MUNGU, Kupokea
uzima wa BWANA YESU , Kumpa maisha yao
BWANA YESU.
Watumishi wa MUNGU hujitoa sana ili tu injili
imfikie kila mtu. Kuna Mchungaji mmoja rafiki
yangu alifunga siku 11 bila kula wa kunywa
chochote ili MUNGU aguse wanadamu ambao
watakuja katika mkutano wa siku 3 wa neno la
MUNGU ambapo mchungaji huyo alikuwa ni
mfundishani. Watu waliokoka na wengi
walifunguliwa, hakika injili inasonga mbele.
Watumishi wa MUNGU wengi hujitoa miili yao
dhabihu kama neno linavyoaagiza ili tu wewe
uokoke.
Warumi 12:1-2 ( Basi, ndugu zangu, nawasihi,
kwa huruma zake MUNGU, itoeni miili yenu iwe
dhabihu iliyo hai, takatifu, ya kumpendeza
MUNGU, ndiyo ibada yenu yenye maana. Wala
msiifuatishe namna ya dunia hii; bali mgeuzwe
kwa kufanywa upya nia zenu, mpate kujua
hakika mapenzi ya MUNGU
Wengine hawakulala usingizi ili wewe na mimi
tuupate uzima wa kweli ulio katika KRISTO
YESU.
Yawezekana ulihudhuria mara moja tu mkutano
wa injili kwa lengo la kuponywa ugonjwa wako,
na MUNGU siku hiyo hakukuponya kwa sababu
alikujua unataka kupona tu harafu uondoke na
kwenda kuwasimanga wahubiri.
Yawezekana ulihudhuria mikutano ya injili lakini
umerudi nyuma je kwa sasa huihitaji tena
mbingu?
Yawezekana ulienda kushangaa watu tu.
Ndugu yangu penda mahubiri na penda uzima wa
milele, na kama utapenda uzima wa milele
utakuwa unampenda YESU KRISTO maana uzima
wa milele hauko kwingine nje na yeye. Na siku
zote BWANA anawatuma wahubiri hao
unaowaona ili wewe umruhusu yeye YESU
kutawala maisha yako.
Ni wakati wa kumpa YESU maisha yako maana
kesho huijui itakuwaje.
Kuna watumishi wa MUNGU wameonekana kama
vichaa mbele ya watu ambao ufahamu wao
umetekwa na shetani lakini hawakukata tamaa,
lengo na nia ya mioyo yao ni watu wampokee
BWANA YESU kama BWANA na MWOKOZI wa
maisha yao kama neno la MUNGU linavyosema
''Bali wote waliompokea aliwapa uwezo wa
kufanyika watoto wa MUNGU, ndio wale
waliaminio jina lake; waliozaliwa, si kwa damu,
wala si kwa mapenzi ya mwili, wala si kwa
mapenzi ya mtu, bali kwa MUNGU-Yohana
1:12-13''.
Ndugu yangu yawezekana hujawahi kuona
umuhimu wa kuhudhuria mikutano ya injili,
yawezekana ukiwaona wahubiri unawaona tu
kama watu waliokosa kazi, yawezekana mahubiri
yao unayaona kama kelele tu lakini napenda
kukutaarifu kuwa mahubiri yote ambao
utayasikia iwe ni redioni, sokoni au popote ni
MUNGU anakuhitaji wewe ili tu usiende motoni.
Maelfu ya watu wanaokoka lakini yawezekana
wewe haumo kwenye orodha hiyo, unadhani ni
kwanini haumo?
Wengi wanakimbilia uzima wewe uko wapi?
Wengi wanamhitaji YESU usiku na mchana je
wewe uko wapi?
Wengi wanaokoka, je wewe uko wapi?
Wengi wanatamani mahubiri kila siku, wewe je?
Wengi majina yao yanaandikwa kwenye kitabu
cha uzima, wewe je?
Nakushauri kumpokea BWANA YESU leo na
utaona mabadiliko makuu sana.
yawezekana
wewe hauko katika orodha hiyo ya wateule wa
MUNGU kwa sababu tu hukuhudhuria mahubiri. Naomba ujue kwamba muujiza mkubwa kuliko yote ni kumpokea
BWANA YESU kama BWANA na MWOKOZI wa
maisha yako. wewe yawezekana huhitaji kuhudhuria
katika ibaada, unadhani ni kawnini? je
huhitaji mbingu? kundi kubwa LA watu
wanamhitaji YESU lakini wewe haumo, je uko
wapi?
watu
wengi tu wanaokoka lakini yawezekana wewe
haumo katika wale wanaompokea BWANA YESU,
unadhani ni kwanini?. watu wengi
wanafunguliwa na kuokoka lakini yawezekana
wewe haumo kwenye kundi la wanaompokea
YESU, unadhani ni kwanini/ je uko wapi? je
huitaki mbingu leo?
Maelfu ya watu wanaokoka, je
wewe uko wapi? . kundi kubwa LA watub
wanamhitaji BWANA YESU je wewe uko wapi/ je
leo huitaki mbingu?
watu wanatoka mbele ili kumpokea BWANA
YESU kama BWANA na MWOKOZI wa maisha
yao. Yawezekana wewe haupo kwa sababu
hukuhudhuria, je utampokea YESU lini? au je leo
hutaki mbingu?. umealikwa mara ngapi
kuhudhuria ibada, semina au mikutano ya injili
lakini hukuona umuhimu wa MUNGU anayetaka
kukuponya na kukuokoa?
maelfu ya watu
wanampokea YESU lakini yawezekana wewe
haumo kwa sababu ulikataa kuhudhuria.
BWANA YESU amenituma kwa ndugu zangu wote na marafiki.
Mwenye sikio LA kusikia na asikie Leo na kuchukua hatua.
Jehanamu inawangoja watenda dhambi lakini ashukuriwe MUNGU maana mbingu inawasubiri watakatifu wa MUNGU.
Kwa leo naishia hapo, MUNGU akitupa nafasi
tutajifunza tena siku nyingine.na kama
hujampokea BWANA YESU muda wa kumpokea
ni leo wala sio kesho, amua leo na atakuandika
jina lako katika kitabu cha uzima na utaanza
kuukulia wokovu kwa mafundisho kanisani.
ROHO aliyenipa ujumbe huu ana
makusudi kabisa na wewe, hataki upotelee
motoni anataka uende uzimani aliko KRISTO
BWANA.
MUNGU akubariki sana .
Ni mimi ndugu yako
Peter M Mabula
0714252292
MUNGU akubariki sana uliyesoma
somo hili.

UNAO MUDA MCHACHE, UTUMIE VYEMA.

BWANA YESU atukuzwe ndugu.
Nakuomba usome ujumbe huu hadi mwisho.
Karibu uijue na kuitambua kweli inayoweka huru watu walio tayari kuwekwa huru.
Usiichezee wala kuijaribu Neema ya MUNGU ndugu yangu.
Usione kwamba muda unao sana hata huoni umuhimu wa kuokoka leo.
Usipoteze muda wako katika mambo ambayo hayakujengi kiroho.
Kumbuka kwamba siku ya mwisho hata kazi yako haitakuwa na maana sana hata kama ilikupotezea muda mrefu.
''Tangu siku za Yohana Mbatizaji hata sasa ufalme wa mbinguni hupatikana kwa nguvu, nao wenye nguvu wauteka.-Mathayo 11:12''
-Wanaoupata ufalme wa MUNGU ni wale ambao wamewekeza rohoni na sio mwilini.
-Walioupata ufalme wa MUNGU ni wale waliompokea BWANA YESU na kuishi maisha matakatifu siku zote.
Inawezekana kabisa ka dhambi kadogo tu kamekushinda kukaacha na hujui hata kwanini huachi. Kumbe tatizo ni muda wako unautumia vibaya.
Huna hata dakika 50 kwa siku kwa ajili ya MUNGU lakini muda wa kuangalia filamu au tamthilia unao. muda wa kuangalia mpira au kusikiliza miziki ya kidunia unao.
Muda wa kufanya jambo lolote unao isipokuwa muda wa kwenda kanisani tu ndio huna.
Muda wa kila jambo ulitakalo unao lakini muda kwa ajili ya mambo ya MUNGU tu ndio huna.
Ndugu.
''Kwa maana hiyo siku ya BWANA i karibu juu ya mataifa yote; kama ulivyotenda, ndivyo utakavyotendwa; malipo yako yatakurudia juu ya kichwa chako mwenyewe.-Obadia 1:15''
-Neno la MUNGU lipo na halibadiliki.
Neno linasema siku ya BWANA i karibu, kila mtu atalipwa sawa na matendo yake yalivyo.
Kuna wakati natamani nimfuate kila mtu na kumwambia aokoke na kuanza kuishi maisha matakatifu.
Kuna wakati natamani MUNGU ampe kila ndugu na rafiki yangu moyo wa toba.
Watu wengi leo hawataki neno la MUNGU la uzima.
Kuna wengine husikiliza neno la MUNGU la kweli kama hili lakini halifuati wala kulitii.
Kuna wengine hutii neno la MUNGU kwa sabab tu ya magumu wanayopitia lakini akipata hitaji lake anamsahau MUNGU.
Ni hatari sana.
Ndugu yangu, uzima wa milele n wako binafsi na sio wa jumuiya.
Kama mwenzi wako wa ndoa ndie chanzo cha wewe kumwacha YESU nakupa pole maana bado hujatambua kwamba uzima wa milele hamtashare bali kila mtu sawasawa na matendo yake.
Kila siku MUNGU BABA ananipa ujumbe ili tu ndugu yangu usikose uzima. MUNGU kila siku anawapa watumishi wake mbalimbali neno lake ili tu Mwanadamu usiende jehanamu lakini binadamu waliowengi wanaona kawaida kawaida tu.
Ndugu yangu, nakuomba uone kila kitu cha kawaida kawaida lakini sio Neno la MUNGU.
Anapofariki mtu tunalia na kuomboleza lakini ukweli ni kwamba zamu yake yeye amemaliza na ameenda ama mbinguni ama kuzimu kutegemea na matendo yake. lakini kifo chake ni taarifa kwetu kwamba ipo siku tena inakuja siku hiyo ambapo hata sisi tutaondoka duniani.
Shetani alivyofunga watu unaweza ukaona mtu analia msibani lakini akiondoka hapo anaenda kufanya uzinzi na uasherati.
Mtu analia msibani lakini jioni ya siku hiyo hiyo anaenda dhambi kama kawaida.
Ndugu zangu ni wakati wa neema lakini neema hiyo ina mwisho.
Mwenye sikio la kusikia na asikie leo.
Siku moja katika maono nilimuona BWANA YESU amesimama kwa mbali kidogo na pale nilipokuwa mimi na watu wengine wengi. akaniita nikaenda, nilipoenda alipo akanionyesha kitabu cha uzima, nikaliona jina langu humo na majina machache ya watu ninaowafahamu.
Baada ya kuliona jina langu BWANA akanituma niende nikawaambie wanadamu kwamba wampokee yeye na kuanza kuishi maisha matakatifu.
Lilikuwa jambo la ajabu sana lakini kwenye maono nilijiona nikienda na kuwaeleza wanadamu, kuna ambao nilikuwa mpaka nawaambia na kuwalazimisha waokoke, niliifanya kazi hiyo kwa muda mrefu. kuna waliookoka na wengine hawakuokoka, baadae BWANA YESU akasema inatosha akaniiita niende alipokuwa amesimama yeye, nikaenda.
Ndugu nakushauri kumpokea YESU na kuanza kuishi maisha matakatifu kuanzia leo.
Hatuna injili nyingine zaidi ya Wokovu wa BWANA wetu YESU KRISTO aliye pekee na uzima wetu wa milele.
Wakolosai 3:5-10 '' Basi, vifisheni viungo vyenu vilivyo katika nchi, uasherati, uchafu, tamaa mbaya, mawazo mabaya, na kutamani, ndiyo ibada ya sanamu;kwa ajili ya mambo hayo huja ghadhabu ya MUNGU.Katika hayo ninyi nanyi mlitembea zamani, mlipoishi katika hayo.Lakini sasa yawekeni mbali nanyi haya yote, hasira, na ghadhabu, na uovu, na matukano, na matusi vinywani mwenu. Msiambiane uongo, kwa kuwa mmevua kabisa utu wa kale, pamoja na matendo yake; mkivaa utu mpya, unaofanywa upya upate ufahamu sawasawa na mfano wake yeye aliyeuumba. ''
Ndugu yangu, tunapohubiri injili ya KRISTO inayookoka hatuhubiri jambo ambalo ni labda tu kuwepo, bali tunahubiri jambo ambalo ni ndio katika ndio tena ni kweli katika kweli zote.
Kama kweli wewe binafsi unautaka uzima wa milele nakushauri kimbilia kanisa la kiroho na ukaokoke kisha kuanzia leo anza kuishi maisha matakatifu.
Wokovu ni wako binafsi na sio wa ukoo wala familia yako.
Ukisema kwamba unafuata mila au taratibu za ukoo wako haitakusaidia.
Kama unasubiri hadi baba na mama yako waokoke ndio na wewe utampokea YESU hiyo haitakusaidia.
Neema ipo leo na neema hiyo nakuomba sana uitumie vizuri.
Heri kuokoka kuliko kujifurahisha kwenye dhambi kisha ukifa unaenda kulia milele jehanamu.
BWANA YESU anaokoka na ukimpokea leo hakika unaokoka.
Saa yako moja inaweza kuamua ni wapi utaenda baada ya kufa.
Muda wako wa leo ni muhimu sana kuliko muda wa kesho.
Itumie leo vizuri ndipo utakapoiona kesho yako ikiwa vizuri zaidi.
BWANA YESU amenituma kwa ndugu zangu wote na marafiki.
Mwenye sikio LA kusikia na asikie Leo na kuchukua hatua.
Jehanamu inawangoja watenda dhambi lakini ashukuriwe MUNGU maana mbingu inawasubiri watakatifu wa MUNGU.
Kwa leo naishia hapo, MUNGU akitupa nafasi
tutajifunza tena siku nyingine.na kama
hujampokea BWANA YESU muda wa kumpokea
ni leo wala sio kesho, amua leo na atakuandika
jina lako katika kitabu cha uzima na utaanza
kuukulia wokovu kwa mafundisho kanisani.
ROHO aliyenipa ujumbe huu ana makusudi kabisa na wewe, hataki upotelee
motoni anataka uende uzimani aliko KRISTO
BWANA.
MUNGU akubariki sana .
Ni mimi ndugu yako
Peter M Mabula
0714252292
MUNGU akubariki sana uliyesoma

JE INAWEZEKANA UWE MKRISTO BILA KWENDA KANISANI?

Ndugu nakukaribisha katika somo hili muhimu
kwa maisha ya waenda mbinguni.Na kumbuka
kuwa HUWEZI KUWA MKRISTO KAMA HUNA
KRISTO MOYONI MWAKO. Hivyo hakikisha
kwanza unakuwa na KRISTO maishani mwako
ndipo utakuwa MKRISTO sahihi na sio mkristo
jina.
Je mtu anaweza kuwa baharia bila kwenda
baharini?
Mkristo maana yake ni mfuasi wa
YESU KRISTO. Tunasoma katika Biblia kuwa
YESU alikuwa na desturi ya kwenda hekaluni na
angali anapatikana mahali pa ibada hata leo.
Wakristo ni watu wanaompenda MUNGU, na kwa
hivyo wanawapenda watu wa MUNGU na nyumba
ya MUNGU. Biblia haiwapendekezi Wakristo
pekee, Hata ile hali ya kuwa Mkristo
asiyekwenda kanisani haimfai mtu yeyote. Ni
kama mtu anayeishi kwa kula tu mkate na maji
hali anaweza kupata chakula kizuri kwa afya
yake. Kama alivyosema mwana mpotevu.
''Nyumbani mwa Baba yangu kuna chakula kingi,
wanakula mpaka wanakiacha''(Luka 15:17).
Katika kanisa utapokea mkate wa uzima ambao
ni neno la MUNGU. Kumbuka ya kuwa vitabu
fulani katika Biblia viliandikwa kama barua kwa
makanisa na faida yake kamili inaweza tu
kupatikana unaposhirikiana na wengine..
Ni
afadhali kupata kilicho bora zaidi.
Kumbuka
mwanajeshi hufanya kazi kwenye jeshi .
kaa
la moto likitengwa na mengine litazima.
Hakuna ndoa ya mtu mmoja tu peke yake, Ndoa
ni uhusiano na upendo. Ndoa inakuhusisha na
jamaa wa pande zote mbili.
Hakuna mtu
anayeweza kuwa mkristo wa peke yake tu.
mtu
hawezi kuzaliwa tu peke yake bila ya kuwa na
wazazi na jamaa wa karibu..
Unapozaliwa mara
ya pili yaani unapobatizwa ubatizo wa maji
mengi na pia unapobatizwa ubatizo wa ROHO
MTAKATIFU unafanyika sehemu ya jamii ya
waaminio, Biblia katika Marko 16:16 inasema
''Aaminiye na kubatizwa ataokoka; asiyeamini
atahukumiwa'' hivyo kubatizwa pia ni muhimu ili
kuitimiza haki yote ya MUNGU. Jambo hili la
kuamini na kubatizwa lina manufaa makubwa
kwako, huu ni urithi wako na kama mtume Paulo
anavyosema , MKRISTO NI WA AINA MOJA TU-
MSHRIKA WA MWILI WA KRISTO.
Sisi ni washirika wa mwili wake katika
ulimwengu huu. Kanisa liko duniani kwa sababu
sisi sio roho tu bali pia ni watu wenye mwili na
damu. BWANA aliliunda Kanisa hapa duniani
kwa manufaa yetu na ametukirimia vipawa
kutoka mbinguni ili tuweze kupata nguvu kutoka
kwa wenzetu na kufurahia ushirika wa KIKRISTO
na upendo. Maandiko yamejaa habari za ushirika
na kutushauri kwamba tusiache kutumia nafasi
nzuri za ushirikiano na kushauriana na kwamba
tusiache kukusanyikana pamoja kumwabudu
MUNGU wetu.
JINSI YA KUWA KRISTO MWENYE AFYA .
1: Kula chakula kizuri yaani NENO LA MUNGU.
2: Kunywa maji mengi yaani ROHO MTAKATIFU.
3: Fanya mazoezi yaani MTUMIKIE MUNGU NA
KUTENDA KAZI KWA AJILI YAKE.
4: Pata hewa safi yaani HUSIKA KATIKA IBADA
NA SIFA.
J5: iburudishe yaani KWENYE USHIRIKIANO NA
WAKRISTO WENGINE.
MUNGU awabariki sana na kama hujamba
BWANA YESU maisha yako wakati wa kufanya
hivyo ni sasa maana hakuna uzima wa milele
bila YESU KRISTO (Yohana 14:6) hivyo kwa
sababu ndugu unataka uzima wa milele mpe
YESU maisha yako na utakuwa huru mbali na
uonevu wa shetani.
MUNGU akubariki tena
Ni mimi ndugu yako Peter Michael Mabula.

KWANINI SASA NI NYAKATI ZA MWISHO?

Na Peter M Mabula

BWANA YESU asifiwe ndugu zangu.
Karibu tujifunze.
Ndugu Zangu Huu Ni Wakati Wa Mwisho.
Wakati Kibiblia Unaweza Kumaanisha Miaka
Kadhaa Ambayo MUNGU Ndie Ajuaye. Nyakati
Moja Inaweza Hata Kuwa Na Zaidi Ya Miaka
1000.
2 Timotheo 3:1-7, Lakini ufahamu neno hili, ya
kuwa siku za mwisho kutakuwako nyakati za
hatari. Maana watu watakuwa wenye kujipenda
wenyewe, wenye kupenda fedha, wenye kujisifu,
wenye kiburi, wenye kutukana, wasiotii wazazi
wao, wasio na shukrani, wasio safi,
wasiowapenda wa kwao, wasiotaka kufanya
suluhu, wasingiziaji, wasiojizuia, wakali,
wasiopenda mema, wasaliti, wakaidi, wenye
kujivuna, wapendao anasa kuliko kumpenda
MUNGU; wenye mfano wa utauwa, lakini
wakikana nguvu zake; hao nao ujiepushe nao.
Kwa maana katika hao wamo wale wajiingizao
katika nyumba za watu, na kuchukua mateka
wanawake wajinga wenye mizigo ya dhambi,
waliochukuliwa na tamaa za namna nyingi;
wakijifunza siku zote, ila wasiweze kabisa
kuufikia ujuzi wa kweli.
Siku moja kama miezi miwili iliyopita nilikuwa
kwenye gari la abiria maarufu kama costa
nikitoka Kawe kwenda Ubungo, njiani kabla ya
kufika Mwenge kuna dada mmoja alipanda gari
na kukaa siti jirani na mimi, Dada yule alikuwa
anasoma Gazeti ambalo nilipoliangalia nililiona
kama jipya kwangu lakini la kidini, gazeti lile
lilikuwa na vichwa vya habari vizuri sana na
hakika ni gazeti linalovutia, nilitamani kulinunua
gazeti hilo jipya la kikristo ambalo hakika halina
udaku bali mambo mengi ya Biblia, nilimuomba
dada yule aniambie linauzwa wapi.
Nilipomwambia tu hivyo akanipa na kusema
nichukue tu maana yeye anayo mawili ya toleo
moja, muda kidogo yule dada akashuka kabla
hata ya Mlimani city, Nilimshukuru kwa tendo
lake jema la kunipa gazeti. Sikusoma kwa muda
huo bali nilikusudia kusoma nikifika ubungo, ni
kweli baadae nilianza kusoma na ndipo
nilipojisemea kwamba ''Mwisho wa dunia
umefika''. Gazeti hilo lilikuwa na kichwa cha
habari kimojawapo kiitwacho ''KRISTO
ANATAWALA NA KANISA'', Nilipenda kichwa cha
habari hicho lakini nilipofungua ndani kuhusu
ujumbe wa kichwa hicho cha habari nilikutana na
kasheshe ambalo sijawahi kulisikia kabla. Yule
Kristo anayetajwa sio BWANA YESU
tunayemfahamu mimi na wewe bali ni
mwanadamu mmoja ambaye kwa sasa ni
marehemu na alikuwa kiongozi wa dhehebu moja
la kikristo. huyo ndio anaitwa Kristo na licha ya
kufariki bado waumini wake wanajua kwamba
bado anatawala. Ufafanuzi wa taarifa hiyo ya
kishetani gazetini ni kwamba BWANA YESU ni
KRISTO wa kwanza lakini kizazi Hiki cha sasa
eti MUNGU ameletwa kristo wa pili ambaye ni
mwafrika wa Tanzania. Niliumia sana na kuwaza
mengi sana na binafsi hadi leo naamini kwamba
viongozi wa dhehebu hilo ni mawakala wa
shetani na wapo kwa ajili ya kuhakikisha
waumini wao hawaendi mbinguni. Waumini wa
dhehebu hilo mimi siamini kama huwa
wanasoma Biblia bali huwa wanasomewa tu.
Nilichojifunza ni kwamba dhehebu hilo halina
mpango wa waumini wake kwenda mbinguni. hili
dhehebu ni hatari kama wachawi walivyo hatari,
Hakika ni siku za mwisho.
Tunajua Kwamba Hizi Ni Siku Za Mwisho Kwa
Sababu Ya Dalili Zilizoko Kwenye Biblia. Kama
Wewe Unavyoweza Kujua Dalili Za Mvua Baada
Ya Kuona Mawingu Ndivyo Hivyo Mwisho
Umekaribia baada ya kila dalili kuonekana.
( 1 Yohana 2:18-23, Watoto, ni wakati wa
mwisho; na kama vile mlivyosikia kwamba
mpinga Kristo yuaja, hata sasa wapinga Kristo
wengi wamekwisha kuwapo. Kwa sababu hiyo
twajua ya kuwa ni wakati wa mwisho. Walitoka
kwetu, lakini hawakuwa wa kwetu. Maana kama
wangalikuwa wa kwetu, wangalikaa pamoja nasi.
Lakini walitoka ili wafunuliwe kwamba si wote
walio wa kwetu. Nanyi mmepakwa mafuta na
Yeye aliye Mtakatifu nanyi mnajua nyote.
Sikuwaandikia ninyi kwa sababu hamwijui iliyo
kweli, bali kwa sababu mwaijua, tena kwamba
hapana uongo wo wote utokao katika hiyo kweli.
Ni nani aliye mwongo ila yeye akanaye ya kuwa
YESU ni KRISTO? Huyo ndiye mpinga Kristo,
yeye amkanaye BABA na MWANA. Kila
amkanaye MWANA, hanaye BABA; amkiriye
MWANA anaye BABA pia. ).
Dalili za siku za mwisho ni nyingi, baadhi ni
hizi:
1. Wapingakristo watatokea:hawa ni dini au
watu binafsi ambao wanakataa ukombozi kupitia
YESU KRISTO.
2. Watu kuliacha fundisho la KRISTO.
-Waongo ni wale wanaomkataa YESU na jambo
la kukumbuka ni kwamba anayemkataa YESU
huyo anamkataa MUNGU, Hakuna mtu aliye
upande wa MUNGU kama amemkataa KRISTO
katika maisha yake.
Hakika Ni Siku Za Mwisho.
3. Makristo Wa Uongo Wameshakuja( Mathayo
24:5,Kwa sababu wengi watakuja kwa jina langu,
wakisema, Mimi ni Kristo; nao watadanganya
wengi. ).
-Wengi hata sasa wameshakuja waongo na
kuleta dini zao na wao kusimama kama nembo
(icon) ya dini hizo, hawa hujifanya wakombozi
wa watu na kwa hali hiyo hujifanya KRISTO.
-Wengi wanahubiri kama wanamhubiri KRISTO
lakini ndani yao wana ajenda za kuzimu za
kuwapotosha watu, hawawezi kukemea dhambi
wala kufundisha toba.
4. Manabii Wa Uongo Wapo Na Hawakawii
Kukwambia Kwamba YESU Atarudi Akiwa Shehe
( Mathayo 24:24-27, Kwa maana watatokea
makristo wa uongo, na manabii wa uongo, nao
watatoa ishara kubwa na maajabu; wapate
kuwapoteza, kama yamkini, hata walio wateule.
Tazama, nimekwisha kuwaonya mbele. Basi
wakiwaambia, Yuko jangwani, msitoke; yumo
nyumbani, msisadiki. Kwa maana kama vile
umeme utokavyo mashariki ukaonekana hata
magharibi, hivyo ndivyo kutakavyokuwa kuja
kwake Mwana wa Adamu. )
-Ndugu zangu, kuna watu hukimbilia miujiza,
ndugu zangu sio kila wafanya miujiza ni
watumishi wa MUNGU aliye hai, hata shetani
naye ana watumishi wake ambao anawatumia.
-Mtu akileta fundisho tofauti na fundisho la
KRISTO huyo ni nabii wa uongo.
-Wanaotangaza tarehe za kuja kwa YESU hao
ndio hata hawajui walifanyalo.
Ndugu zangu mwisho umekaribia ila hakuna
ajuaye siku wala saa, sisi tulichopewa kujua ni
dalili tu na hakika dalili huonyesha kwamba
mwisho umekaribia..
1 Petro 4:7 '' Lakini mwisho wa mambo yote
umekaribia; basi, iweni na akili, mkeshe katika
sala. ''
5. Nyakati Za Mwisho Watu Watapenda Pesa
Kuliko MUNGU Tena Wasaliti ( 2 Timotheo 3:1-7)
6. Nyakati Za Mwisho Watu Watasikiliza
Mafundisho Ya Mashetani
7. Watajitenga Na Imani
8. Na Watazuia Watu Kuoa
9. Na Watakataza Watu Kula Baadhi Ya Vyakula
1 Timotheo 4:1-4 ''Basi ROHO anena waziwazi
ya kwamba nyakati za mwisho wengine
watajitenga na imani, wakisikiliza roho
zidanganyazo, na mafundisho ya mashetani; kwa
unafiki wa watu wasemao uongo, wakichomwa
moto dhamiri zao wenyewe; wakiwazuia watu
wasioe, na kuwaamuru wajiepushe na vyakula,
ambavyo MUNGU aliviumba vipokewe kwa
shukrani na walio na imani wenye kuijua hiyo
kweli. Kwa maana kila kiumbe cha MUNGU ni
kizuri, wala hakuna cha kukataliwa, kama
kikipokewa kwa shukrani; ''.
10. Siku Za Mwisho Watu Watajaa Dhihaka 2
Petro 3:3-4 '' Mkijua kwanza neno hili ya
kwamba katika siku za mwisho watakuja na
dhihaka zao watu wenye kudhihaki, wafuatao
tamaa zao wenyewe, na kusema, Iko wapi ahadi
ile ya kuja kwake(YESU)? Kwa maana, tangu
hapo babu zetu walipolala, vitu vyote vinakaa
hali iyo hiyo, tangu mwanzo wa kuumbwa. ''
11. Watu wengi watakua Hawana ROHO
MTAKATIFU( Yuda 1:18-21, ya kwamba
waliwaambia ya kuwa, Wakati wa mwisho
watakuwako watu wenye kudhihaki, wakizifuata
tamaa zao wenyewe za upotevu. Watu hao ndio
waletao matengano, watu wa dunia hii tu, wasio
na ROHO. Bali ninyi, wapenzi, mkijijenga juu ya
imani yenu iliyo takatifu sana, na kuomba katika
ROHO MTAKATIFU, jilindeni katika upendo wa
MUNGU, huku mkingojea rehema ya BWANA
wetu YESU KRISTO, hata mpate uzima wa
milele. ).
Ndugu Zangu Wanamume Kwa Wanawake YESU
KRISTO Anatuita Kwenye Ufalme Wake. Amua
Vyema Leo Kwa KUOKOKA.
Kwa sasa naishia hapo, MUNGU akitupa nafasi
tutajifunza tena siku nyingine.na kama
hujampokea BWANA YESU muda wa kumpokea
ni leo wala sio kesho, amua leo na atakuandika
jina lako katika kitabu cha uzima na utaanza
kuukulia wokovu kwa mafundisho kanisani.
MUNGU ana makusudi kabisa na wewe, hataki
upotelee motoni anataka uende uzimani aliko
KRISTO BWANA.
MUNGU akubariki sana .
Ni mimi ndugu yako
Peter M Mabula
0714252292
mabula1986@gmail.com
MUNGU akubariki sana uliyesoma somo hili.